ਦੇਸ਼ ਵਿਚ ਚਮੜਾ ਨਿਰਯਤਕਾਂ ਨੇ ਉਦਯੋਗ ਦੀ ਵਾਧਾ ਅਤੇ ਨਿਰਯਾਤ ਨੂੰ ਗਤੀ ਦੇਣ ਲਈ ਵਿੱਤ ਮੰਤਰਾਲੇ ਤੋਂ ਜੁੱਤੇ–ਚੱਪਲਾਂ ਉਤੇ ਮਾਲ ਤੇ ਸੇਵਾ ਕਰ ਦੀ ਦਰ (ਜੀਐਸਟੀ) ਵਿਚ ਕਮੀ ਕਰਨ ਦੀ ਅਪੀਲ ਕੀਤੀ ਹੈ। ਚਮੜਾ ਨਿਰਯਾਤ ਪਰਿਸ਼ਦ (ਸੀਐਲਈ) ਦੇ ਚੇਅਰਮੈਨ ਪੀ ਆਰ ਅਕੀਲ ਅਹਿਮਦ ਨੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਣ ਦੀ ਪ੍ਰਧਾਨਗੀ ਵਿਚ ਮੰਗਲਵਾਰ ਨੂੰ ਬਜਟ ਤੋਂ ਪਹਿਲਾਂ ਮੀਟਿੰਗ ਵਿਚ ਇਸ ਮੁੱਦੇ ਨੂੰ ਉਠਾਇਆ।
ਉਨ੍ਹਾਂ ਕਿਹਾ ਕਿ ਘਰੇਲੂ ਜੂਤਾ–ਚੱਪਲ ਖੇਤਰ ਵਿਚ ਰੁਜ਼ਗਾਰ ਪੈਦਾ ਕਰਨ ਅਤੇ ਵਿਦੇਸ਼ੀ ਮੁਦਰਾ ਅਰਜਿਤ ਕਰਨ ਦੀ ਕਾਫੀ ਸੰਭਾਵਨਾ ਹੈ। ਅਹਿਮਦ ਨੇ ਇਕ ਬਿਆਨ ਵਿਚ ਕਿਹਾ ਕਿ ਜੂਤੇ–ਚੱਪਲ ਉਤੇ ਜੀਐਸਟੀ ਵਿਚ ਕਟੌਤੀ ਤੋਂ ਇਸ ਘਰੇਲੂ ਉਦਯੋਗ ਦੇ ਵਾਧੇ ਨੂੰ ਵਧਾਵਾ ਮਿਲੇਗਾ।’ ਪਰਿਸ਼ਦ ਨੇ 1,000 ਰੁਪਏ ਤੋਂ ਜ਼ਿਆਦਾ ਮੁਲ ਦੇ ਜੂਤੇ–ਚੱਪਲ ਉਤੇ ਜੀਐਸਟੀ ਦਰ ਘੱਟ ਕਰਕੇ 12 ਫੀਸਦੀ ਕਰਨ ਦੀ ਮੰਗ ਕੀਤੀ ਹੈ।
ਜ਼ਿਕਰਯੋਗ ਹੈ ਕਿ 1000 ਰੁਪਏ ਤੱਕ ਦੇ ਜੂਤੇ–ਚੱਪਲ ਉਤੇ ਜੀਐਸਟੀ ਦਰ ਘੱਟ ਕਰਕੇ 5 ਫੀਸਦੀ ਕਰ ਦਿੱਤਾ ਗਿਆ ਹੈ, ਜਦੋਂਕਿ ਇਸ ਤੋਂ ਜ਼ਿਆਦਾ ਮੁੱਲ ਉਤੇ ਜੀਐਸਟੀ ਦਰ 18 ਫੀਸਦੀ ਹੈ। ਫਿਲਹਾਲ ਚਮੜਾ ਅਤੇ ਉਸਦੇ ਉਤਪਾਦਾਂ ਦਾ ਨਿਰਯਾਤ 6 ਅਰਬ ਡਾਲਰ ਦਾ ਹੈ।
