ਅਗਲੀ ਕਹਾਣੀ

ਗੂਗਲ ਦੀ ਮੂਲ ਕੰਪਨੀ ਅਲਫਾਬੇਟ ਦੇ ਸੀਈਓ ਬਣੇ ਸੁੰਦਰ ਪਿਚਾਈ

ਗੂਗਲ ਨੇ ਮੰਗਲਵਾਰ ਨੂੰ ਭਾਰਤੀ ਮੂਲ ਦੇ ਸੁੰਦਰ ਪਿਚਾਈ ਨੂੰ ਆਪਣੀ ਮੂਲ ਕੰਪਨੀ ਅਲਫਾਬੇਟ ਦਾ ਮੁੱਖ ਕਾਰਜਕਾਰੀ ਅਧਿਕਾਰੀ (ਸੀਈਓ) ਨਿਯੁਕਤ ਕੀਤਾ ਹੈ। ਪਿਚਾਈ ਇੰਟਰਨੈਟ ਦੀ ਪ੍ਰਸਿੱਧ ਕੰਪਨੀ ਦੇ ਸਹਿ ਸੰਸਥਾਪਕ ਲੈਰੀ ਪੇਜ ਦੀ ਥਾਂ ਲੈਣਗੇ। ਸਹਿ ਸੰਸਥਾਪਕਾਂ, ਸ਼ੇਅਰ ਧਾਰਕਾਂ ਅਤੇ ਅਲਫਾਬੇਟ ਦੇ ਨਿਦੇਸ਼ਕ ਮੰਡਲ ਦੇ ਮੈਂਬਰਾਂ ਵਜੋਂ ਲੈਰੀ ਪੇਜ ਅਤੇ ਸਰਗੀ ਬ੍ਰਿਨ ਦੀ ਭਾਰੀਦਾਰੀ ਰਹੇਗੀ।
 

ਮੁਲਜ਼ਮਾਂ ਦੇ ਨਾਂ ਜਾਰੀ ਇੱਕ ਚਿੱਠੀ 'ਚ ਪੇਜ ਅਤੇ ਬ੍ਰਿਨ ਨੇ ਕਿਹਾ, "ਜਦੋਂ ਵੀ ਸਾਨੂੰ ਪਤਾ ਲੱਗਦਾ ਹੈ ਕਿ ਕੰਪਨੀ ਨੂੰ ਚਲਾਉਣ ਦਾ ਇੱਕ ਵਧੀਆ ਤਰੀਕਾ ਹੈ ਤਾਂ ਅਸੀਂ ਮੈਨੇਜਮੈਂਟ ਨੇ ਨੂੰ ਕਦੇ ਨਹੀਂ ਰੋਕਿਆ।" ਜ਼ਿਕਰਯੋਗ ਹੈ ਕਿ ਅਲਫਾਬੇਟ ਦਾ ਗਠਨ ਸਾਲ 2015 'ਚ ਕੀਤਾ ਗਿਆ ਸੀ, ਜੋ ਮੂਲ ਕੰਪਨੀ ਗੂਗਲ ਅਤੇ ਹੋਰ ਪ੍ਰਾਜੈਕਟਾਂ ਜਿਵੇਂ ਕਿ ਖੁਦਮੁਖਤਿਆਰੀ ਕਾਰ ਇਕਾਈ Waymo ਅਤੇ ਸਮਾਰਟ ਸ਼ਹਿਰਾਂ ਦੇ ਸੰਗਠਨ ਸਿਡਵਾਕ ਲੈਬਸ ਨੂੰ ਇੱਕ ਵੱਖਰੀ ਪਛਾਣ ਦਿੰਦਾ ਹੈ।
 

ਭਾਰਤ 'ਚ ਜਨਮੇ 47 ਸਾਲਾ ਪਿਚਾਈ ਅਜਿਹੇ ਸਮੇਂ 'ਚ ਇਹ ਜ਼ਿੰਮੇਵਾਰੀ ਚੁੱਕ ਰਹੇ ਹਨ, ਜਦੋਂ ਪੇਜ ਅਤੇ ਬ੍ਰਿਨ ਬਿਲਕੁੱਲ ਹੀ ਗੈਰ-ਹਾਜਰ ਹਨ ਅਤੇ ਕੰਪਨੀ ਨੂੰ ਟੈਕ ਜਗਤ 'ਚ ਆਪਣੀ ਸਥਿਤੀ ਨਾਲ ਸਬੰਧਿਤ ਵਿਵਾਦਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਪਿਚਾਈ ਕੰਪਨੀ 'ਚ ਇਹ ਥਾਂ ਲੈ ਰਹੇ ਹਨ, ਜਦੋਂ ਕੰਪਨੀ ਸੰਯੁਕਤ ਰਾਜ ਅਮਰੀਕਾ ਅਤੇ ਹੋਰ ਥਾਵਾਂ 'ਚ ਨਿੱਜਤਾ, ਡਾਟਾ 'ਚ ਗੈਰ-ਵਿਸ਼ਵਾਸ ਜਾਂਚ ਅਤੇ ਵਿਵਾਦਾਂ ਦਾ ਸਾਹਮਣਾ ਕਰ ਰਹੀ ਹੈ। 
 

ਜ਼ਿਕਰਯੋਗ ਹੈ ਕਿ ਸੁੰਦਰ ਪਿਚਾਈ ਤਾਮਿਲਨਾਡੂ ਨਾਲ ਸਬੰਧ ਰੱਖਦੇ ਹਨ। 43 ਸਾਲ ਦੇ ਸੁੰਦਰ ਪਿਚਾਈ ਨੇ ਸਾਲ 2004 ਵਿੱਚ ਗੂਗਲ 'ਚ ਨੌਕਰੀ ਸ਼ੁਰੂ ਕੀਤੀ ਸੀ। ਸੁੰਦਰ ਨੇ IIT ਖੜਗਪੁਰ ਤੋਂ ਮੈਟਾਲਰਜੀਕਲ ਇੰਜੀਨੀਅਰਿੰਗ ਦੀ ਪੜ੍ਹਾਈ ਕੀਤੀ ਸੀ। ਇਸ ਤੋਂ ਬਾਅਦ ਸਟੈਨਫੋਰਡ ਯੁਨੀਵਰਸਿਟੀ ਤੇ ਵਾਰਟਨ ਬਿਜ਼ਨਸ ਸਕੂਲ ਵੀ ਗਏ। ਪਿਚਾਈ ਨੂੰ ਪਿਛਲੇ ਸਾਲ ਟਵਿੱਟਰ ਤੇ ਮਾਕਰੋਸਾਫਟ ਨੇ ਵੀ ਆਪਣੇ ਪਾਲੇ ਵਿੱਚ ਲੈਣ ਦੀ ਕੋਸ਼ਿਸ਼ ਕੀਤੀ ਸੀ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Google Sundar Pichai became CEO at parent firm Alphabet