ਦੇਸ਼ ਵਿਆਪੀ ਤਾਲਾਬੰਦੀ ਕਾਰਨ, ਬਹੁਤੇ ਲੋਕ ਘਰਾਂ ਦੇ ਅੰਦਰ ਹਨ, ਪਰ ਬਹੁਤ ਸਾਰੇ ਲੋਕ ਜੋਖ਼ਮ 'ਤੇ ਕੰਮ ਕਰ ਰਹੇ ਹਨ। ਸਿਹਤ ਕਰਮਚਾਰੀਆਂ ਤੋਂ ਇਲਾਵਾ ਬੈਂਕਿੰਗ ਖੇਤਰ ਦੇ ਕਰਮਚਾਰੀ ਵੀ ਇਸ ਵਿੱਚ ਸ਼ਾਮਲ ਹਨ। ਸਟੇਟ ਬੈਂਕ ਆਫ਼ ਇੰਡੀਆ ਨੇ ਆਪਣੇ ਕਰਮਚਾਰੀਆਂ ਨੂੰ ਜ਼ਿਆਦਾ ਤਨਖ਼ਾਹ ਦੇਣ ਦਾ ਫ਼ੈਸਲਾ ਕੀਤਾ ਹੈ ਜੋ ਸ਼ਾਖਾ ਵਿੱਚ ਤਾਲਾਬੰਦੀ ਵਿੱਚ ਵੀ ਕੰਮ ਕਰ ਰਹੇ ਹਨ।
ਸਟੇਟ ਬੈਂਕ ਨੇ ਇਕ ਸਰਕੂਲਰ ਜਾਰੀ ਕਰਕੇ ਇਸ ਦਾ ਐਲਾਨ ਕੀਤਾ। ਬੈਂਕ ਨੇ ਕਿਹਾ ਹੈ ਕਿ ਤਾਲਾਬੰਦੀ ਦੀ ਮਿਆਦ ਦੇ ਦੌਰਾਨ, ਬ੍ਰਾਂਚ ਵਿੱਚ ਕੰਮ ਕਰਨ ਵਾਲੇ ਕਰਮਚਾਰੀਆਂ ਨੂੰ ਹਰ ਛੇ ਦਿਨਾਂ ਦੇ ਕੰਮ ਲਈ ਇੱਕ ਦਿਨ ਦੀ ਵਾਧੂ ਤਨਖਾਹ (ਬੇਸਿਕ + ਡੀਏ) ਦਿੱਤੀ ਜਾਵੇਗੀ। ਇਹ ਨਿਯਮ 23 ਮਾਰਚ ਤੋਂ 14 ਅਪ੍ਰੈਲ ਤੱਕ ਜਾਂ ਤਾਲਾਬੰਦੀ ਦੇ ਅੰਤ ਤੱਕ ਜਾਰੀ ਰਹੇਗਾ।
We salute our staff members who continue to serve the customers even during these difficult times. All steps are being taken to ensure the safety of the employees and the customers. Here is how our branches across the country are tackling this ongoing situation. #SocialDistancing pic.twitter.com/WIt0erIc4E
— State Bank of India (@TheOfficialSBI) March 28, 2020
ਸਟੇਟ ਬੈਂਕ ਨੇ ਸਰਕੂਲਰ ਵਿੱਚ ਕਿਹਾ ਕਿ ਇਸ ਚੁਣੌਤੀ ਭਰੀ ਸਥਿਤੀ ਵਿੱਚ ਗਾਹਕਾਂ ਦੀ ਸੇਵਾ ਕਰ ਰਹੇ ਸਾਡੇ ਕਰਮਚਾਰੀਆਂ ਦੀ ਨਿਰਸਵਾਰਥ ਸੇਵਾ ਦੇ ਮੱਦੇਨਜ਼ਰ, ਵਾਧੂ ਤਨਖਾਹ ਉਨ੍ਹਾਂ ਲਈ ਵਾਜਬ ਹੋਵੇਗੀ। ਬੈਂਕ ਆਪਣੇ ਕਰਮਚਾਰੀਆਂ ਪ੍ਰਤੀ ਸੰਵੇਦਨਸ਼ੀਲ ਹੈ ਅਤੇ ਉਨ੍ਹਾਂ ਦੇ ਵਚਨਬੱਧ ਯਤਨਾਂ ਵਿੱਚ ਉਨ੍ਹਾਂ ਦੇ ਨਾਲ ਹੈ।
ਸ਼ਾਖਾ, ਸੀਪੀਸੀ, ਸੀਏਸੀ, ਖਜ਼ਾਨਾ ਕਾਰਜ, ਗਲੋਬਲ ਮਾਰਕੀਟ, ਜੀਆਈਟੀਸੀ ਅਤੇ ਆਈ ਟੀ ਸੇਵਾਵਾਂ ਪ੍ਰਦਾਨ ਕਰ ਰਹੇ ਸਾਰੇ ਕਰਮਚਾਰੀਆਂ ਨੂੰ ਵਾਧੂ ਤਨਖਾਹ ਦਿੱਤੀ ਜਾਵੇਗੀ। ਇਹ ਰਕਮ ਨਿਰਧਾਰਤ ਅਵਧੀ ਦੌਰਾਨ ਕਰਮਚਾਰੀਆਂ ਨੂੰ ਐਚਆਰਐਮਐਸ ਰਾਹੀ ਦਿੱਤੀ ਜਾਵੇਗੀ।
