ਆਮਦਨ ਟੈਕਸ ਵਿਭਾਗ ਆਪਣੇ ਆਪ ਹੀ ਆਧਾਰ ਨੰਬਰ ਦੀ ਵਰਤੋਂ ਕਰਕੇ ਰਿਟਰਨ ਭਰਨ ਵਾਲੇ ਟੈਕਸਦਾਤਾਵਾਂ ਨੂੰ ਸਥਾਈ ਖਾਤਾ ਨੰਬਰ (ਪੈਨ) ਜਾਰੀ ਕਰੇਗਾ। ਇਹ ਦੋਵੇਂ ਡੇਟਾਬੇਸ ਨੂੰ ਜੋੜਨ ਲਈ ਇਕ ਨਵੇਂ ਸਿਸਟਮ ਦਾ ਹਿੱਸਾ ਹਨ।
ਕੇਂਦਰੀ ਅਗਾਮੀ ਟੈਕਸ ਬੋਰਡ (CBDT) ਦੇ 30 ਅਗਸਤ ਦੀ ਨੋਟੀਫਿਕੇਸ਼ਨ ਅਨੁਸਾਰ, ਜੇਕਰ ਕੋਈ ਵਿਅਕਤੀ ਆਧਾਰ ਦੀ ਵਰਤੋਂ ਕਰਕੇ ਰਿਟਰਨ ਫਾਈਲ ਕਰਦਾ ਹੈ ਅਤੇ ਉਸ ਕੋਲ ਪੈਨ ਨੰਬਰ ਨਹੀਂ ਹੈ, ਤਾਂ ਇਹ ਮੰਨਿਆ ਜਾਵੇਗਾ ਕਿ ਉਸ ਨੇ ਪੈਨ ਜਾਰੀ ਕਰਨ ਲਈ ਅਰਜ਼ੀ ਦਿੱਤੀ ਹੈ।
ਇਸ ਤੋਂ ਬਾਅਦ, ਉਸ ਨੂੰ ਕੋਈ ਹੋਰ ਦਸਤਾਵੇਜ਼ ਦਾਖ਼ਲ ਕਰਨ ਦੀ ਲੋੜ ਨਹੀਂ ਹੋਵੇਗੀ। ਇਹ ਨਿਯਮ 1 ਸਤੰਬਰ ਤੋਂ ਲਾਗੂ ਹੋ ਗਿਆ ਹੈ। ਨੋਟੀਫ਼ਿਕੇਸ਼ਨ ਵਿੱਚ ਕਿਹਾ ਗਿਆ ਹੈ ਕਿ ਟੈਕਸ ਵਿਭਾਗ ਪੈਨ ਨੰਬਰ ਦੀ ਅਲਾਟਮੈਂਟ ਲਈ, ਆਧਾਰ ਤੋਂ ਵਿਅਕਤੀ ਦੀ ਹੋਰ ਜਾਣਕਾਰੀ ਇਕੱਤਰ ਕਰ ਲਵੇਗਾ।
