ਧੋਖਾਧੜੀ ਅਤੇ ਹਵਾਲਾ ਕਾਰੋਬਾਰ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਭਗੋੜੇ ਉਦਯੋਗਪਤੀ ਵਿਜੇ ਮਾਲਿਆ ਨੇ ਕਿਹਾ ਹੈ ਕਿ ਉਹ ਬੈਂਕਾਂ ਤੋਂ ਲਿਆ ਗਿਆ ਪੂਰਾ ਮੁੱਲਧਨ (ਪ੍ਰਿੰਸੀਪਲ ਰਕਮ) ਮੋੜਨ ਲਈ ਤਿਆਰ ਹੈ। ਉਸਨੇ ਬੈਂਕਾਂ ਅਤੇ ਸਰਕਾਰ ਤੋਂ ਇਸ ਸਬੰਧੀ ਅਪੀਲ ਕੀਤੀ ਹੈ।
ਅੱਜ ਤੜਕੇ ਸਵੇਰ ਇੱਕ ਤੋਂ ਬਾਅਦ ਇੱਕ ਟਵੀਟ ਕਰਦਿਆਂ ਵਿਜੇ ਮਾਲਿਆ ਨੇ ਲਿਖਿਆ, ਸਿਆਸਤਦਾਨ ਅਤੇ ਮੀਡੀਆ ਲਗਾਤਾਰ ਤੇਜ਼ ਆਵਾਜ਼ ਕਰਕੇ ਮੇਰੇ ਡਿਫਾਲਟਰ ਹੋਣ ਦੀ ਗੱਲ ਕਰ ਰਹੇ ਹਨ ਜੋ ਕਿ ਜਨਤਕ ਬੈਂਕਾਂ ਦਾ ਪੈਸਾ ਲੈ ਕੇ ਭੱਜ ਗਿਆ। ਇਹ ਸਭ ਗਲਤ ਹੈ। ਮੈਨੂੰ ਸਹੀ ਮੌਕਾ ਕਿਉਂ ਨਹੀਂ ਦਿੱਤਾ ਜਾ ਰਿਹਾ ਅਤੇ ਇਸੇ ਤੇਜ਼ ਆਵਾਜ਼ ਚ ਕਰਨਾਟਕ ਹਾਈ ਕੋਰਟ ਸਾਹਮਣੇ ਮੇਰੀ ਸਮੁੱਚੀ ਰਜ਼ਾਮੰਦੀ ਵਾਲੀ ਗੱਲ ਨੂੰ ਉੱਚੀ ਆਵਾਜ਼ ਚ ਕਿਉਂ ਨਹੀਂ ਕਿਹਾ ਜਾ ਰਿਹਾ। ਇਹ ਦੁੱਖਦਾਈ ਹੈ।
Politicians and Media are constantly talking loudly about my being a defaulter who has run away with PSU Bank money. All this is false. Why don’t I get fair treatment and the same loud noise about my comprehensive settlement offer before the Karnataka High Court. Sad.
— Vijay Mallya (@TheVijayMallya) December 5, 2018
ਵਿਜੇ ਮਾਲਿਆ ਨੇ ਆਪਣੀ ਕਿੰਗਫਿਸ਼ਰ ਏਅਰਲਾਈਨਜ਼ ਦੇ ਦਿਵਾਲੀਆ ਹੋਣ ਅਤੇ ਬੈਂਕਾਂ ਦੇ ਕਰਜ਼ੇ ਦੇ ਮਸਲੇ ਤੇ ਕਿਹਾ, ਏਅਰਲਾਈਨਜ਼ ਆਂਸਿ਼ਕ ਤੌਰ ਤੇ ਏਟੀਐਫ ਕੀਮਤਾਂ ਚ ਵਾਧੇ ਕਾਰਨ ਵਿੱਤੀ ਸੰਕਟਾਂ ਦਾ ਸਾਹਮਣਾ ਕਰ ਰਹੀ ਸੀ। ਕਿੰਗਫਿਸ਼ਰ ਏਅਰਲਾਈਨ ਨੂੰ ਤੇਲ ਦੀ ਸਭ ਤੋਂ ਕਰੂਡ ਕੀਮਤਾਂ 140 ਡਾਲਰ ਬੈਰਲ ਦਾ ਸਾਹਮਣਾ ਕਰਨਾ ਪਿਆ। ਜਿਸ ਕਾਰਨ ਘਾਟਾ ਵੱਧਦਾ ਗਿਆ ਅਤੇ ਬੈਂਕਾਂ ਦਾ ਕਰਜ਼ਾ ਇਸ ਵਿਚ ਖਰਚ ਹੋਇਆ। ਮੈਂ ਬੈਂਕਾਂ ਦੇ ਕਰਜ਼ੇ ਦਾ 100 ਫੀਸਦ ਮੁੱਲਧਨ ਮੋੜਨ ਲਈ ਤਿਆਰ ਹਾਂ। ਕ੍ਰਿਪਾ ਕਰਕੇ ਇਸਨੂੰ ਲੈ ਲਓ।
Airlines struggling financially partly becoz of high ATF prices. Kingfisher was a fab airline that faced the highest ever crude prices of $ 140/barrel. Losses mounted and that’s where Banks money went.I have offered to repay 100 % of the Principal amount to them. Please take it.
— Vijay Mallya (@TheVijayMallya) December 5, 2018
ਵਿਜੇ ਮਾਲਿਆ ਨੇ ਕਿਹਾ, ਤਿੰਨ ਦਹਾਕਿਆਂ ਤੋਂ ਭਾਰਤ ਦੀ ਸਭ ਤੋਂ ਵੱਡੀ ਅਲਕੋਹਲ ਬ੍ਰੀਵਰੇਜ ਗਰੁੱਪ ਨੂੰ ਚਲਾ ਰਹੇ ਹਾਂ। ਇਸ ਨਾਲ ਟੈਕਸ ਵਜੋਂ ਸਰਕਾਰੀ ਖਜ਼ਾਨੇ ਨੂੰ ਸੈਂਕੜੇ ਕਰੋੜਾਂ ਰੁਪਏ ਦਾ ਯੋਗਦਾਨ ਦਿੱਤਾ ਹੈ। ਕਿੰਗਫਿਸ਼ਰ ਏਅਰਲਾਈਨਜ਼ ਵੀ ਇਸ ਖੇਤਰ ਚ ਚੰਗਾ ਯੋਗਦਾਨ ਕਰ ਰਹੀ ਸੀ। ਉਸਦਾ ਘਾਟੇ ਚ ਜਾਣਾ ਦੁੱਖਦਾਈ ਰਿਹਾ।
For three decades running India’s largest alcoholic beverage group, we contributed thousands of crores to the State exchequers. Kingfisher Airlines also contributed handsomely to the States. Sad loss of the finest Airline but still I offer to pay Banks so no loss. Please take it.
— Vijay Mallya (@TheVijayMallya) December 5, 2018
ਇਸ ਤੋਂ ਬਾਅਦ ਮਾਲਿਆ ਨੇ ਲਿਖਿਆ, ਆਪਣੀ ਹਵਾਲਗੀ ਦੇ ਮੁੱਦੇ ਤੇ ਮੀਡੀਆ ਤੇ ਚੱਲ ਰਹੀ ਬਹਿਸ ਨੂੰ ਮੈਂ ਦੇਖਿਆ ਹੈ। ਇਹ ਵੱਖਰਾ ਮਸਲਾ ਹੈ ਅਤੇ ਕਾਨੂੰਨ ਆਪਣੇ ਹਿਸਾਬ ਨਾਲ ਕੰਮ ਕਰੇਗਾ। ਸਭ ਤੋਂ ਖਾਸ ਗੱਲ ਲੋਕਾਂ ਦੇ ਪੈਸੇ ਦੀ ਹੈ ਅਤੇ ਮੈਂ ਇਸਨੂੰ 100 ਫੀਸਦੀ ਵਾਪਸ ਕਰਨ ਲਈ ਤਿਆਰ ਹਾਂ। ਮੈਂ ਆਦਰ ਸਤਿਕਾਰ ਨਾਲ ਬੈਂਕਾਂ ਅਤੇ ਸਰਕਾਰ ਤੋਂ ਇਸਨੂੰ ਮੰਨਣ ਦੀ ਅਪੀਲ ਕਰਦਾ ਹਾਂ। ਪਰ ਜੇਕਰ ਇਸਨੂੰ ਨਹੀਂ ਮੰਨਿਆ ਜਾਂਦਾ ਹੈ ਤਾਂ ਦੱਸਿਓਂ ਕਿਉਂ
I see the quick media narrative about my extradition decision. That is separate and will take its own legal course. The most important point is public money and I am offering to pay 100% back. I humbly request the Banks and Government to take it. If payback refused, WHY ?
— Vijay Mallya (@TheVijayMallya) December 5, 2018
ਦੱਸਣਯੋਗ ਹੈ ਕਿ ਵਿਜੇ ਮਾਲਿਆ ਤੇ ਈਡੀ ਨੇ 9,000 ਕਰੋੜ ਰੁਪਏ ਦਾ ਕਰਜ਼ਾ ਨਾ ਮੋੜਣ ਦਾ ਦੋਸ਼ ਲਗਾਇਆ ਹੈ। ਇਸ ਤੋਂ ਇਲਾਵਾ ਮਾਲਿਆ ਤੇ ਕੁੱਝ ਕਰਜ਼ੇ ਨੂੰ ਰਫਾ ਦਫਾ ਕਰਨ ਦਾ ਵੀ ਦੋਸ਼ ਹੈ। ਵਿਜੇ ਮਾਲਿਆ 2 ਮਾਰਚ 2016 ਨੂੰ ਜਰਮਨੀ ਹੁੰਦਿਆਂ ਲੰਦਨ ਚਲੇ ਗਏ ਸਨ। ਜਾਂਚ ਏਜੰਸੀਆਂ ਦਾ ਦਾਅਵਾ ਹੈ ਕਿ ਮਾਲਿਆ ਸ਼ੱਕੀ ਹਾਲਾਤਾਂ ਚ ਦੇਸ਼ ਛੱਡ ਕੇ ਭੱਜ ਗਏ ਹਨ।
