ਅਗਲੀ ਕਹਾਣੀ

ITI ਦੀ ਲਾਪਰਵਾਹੀ ਨਾਲ 40 ਫੀਸਦੀ ਵਿਦਿਆਰਥੀਆਂ ਨੂੰ ਮਿਲੀ ਜ਼ੀਰੋ

ITI ਦੀ ਲਾਪਰਵਾਹੀ ਨਾਲ 40 ਫੀਸਦੀ ਵਿਦਿਆਰਥੀਆਂ ਨੂੰ ਮਿਲੀ ਜ਼ੀਰੋ

ਆਈਟੀਆਈ ਦੇ ਸੈਸ਼ਨ 2017–19 ਵਿਚ ਦਾਖਲਾ ਲੈਣ ਵਾਲੇ ਵਿਦਿਆਰਥੀਆਂ, ਦੇ ਦੋ ਸਾਲਾ (ਤੀਜੇ ਸੇਮੇਸਟਰ) ਦੀ ਪ੍ਰੀਖਿਆ ਦਾ ਨਤੀਜਾ ਦੋ ਮਈ ਨੂੰ ਆਇਆ ਸੀ ਜੋ ਬੇਹੱਦ ਹੈਰਾਨ ਕਰਨ ਵਾਲਾ ਹੈ। ਇਨ੍ਹਾਂ ਨਤੀਜਿਆਂ ਅਨੁਸਾਰ ਤਕਰੀਬਨ 40 ਫੀਸਦੀ ਵਿਦਿਆਰਥੀਆਂ ਨੂੰ ਇਜਨੀਅਰਿੰਗ ਡਰਾਇੰਗ (ਈਡੀ) ਵਿਸ਼ੇ ਵਿਚ ਜ਼ੀਰੋ ਅੰਕ ਮਿਲੇ ਹਨ। ਵੱਡੀ ਗੱਲ ਇਹ ਹੈ ਕਿ ਇਹ ਗਲਤੀ ਵਿਦਿਆਰਥੀਆਂ ਦੀ ਨਹੀਂ, ਰਾਜ ਵੋਕੇਸ਼ਨਲ ਟ੍ਰੇਨਿੰਗ ਪਰਿਸ਼ਦ (ਐਸਸੀਵੀਟੀ) ਦੀ ਹੈ, ਜਿਸਦੇ ਚਲਦਿਆਂ ਕਰੀਬ ਸੂਬੇ ਭਰ ਦੇ 50 ਹਜ਼ਾਰ ਵਿਦਿਆਰਥੀਆਂ ਦੇ ਭਵਿੱਖ ਉਤੇ ਸੰਕਟ ਆ ਗਿਆ ਹੈ।

 

ਵਿਦਿਆਰਥੀਆਂ ਦੀ ਆਨਲਾਈਨ ਮਾਰਕਸੀਟ ਵਿਚ ਈਡੀ ਦੀ ਲਿਖਤੀ ਤੇ ਪ੍ਰੈਕਟੀਕਲ ਪ੍ਰੀਖਿਆ ਦੇ ਅੰਕ ਭਰੇ ਹੀ ਨਹੀਂ ਗਏ ਹਨ। ਐਸਸੀਵੀਟੀ ਦੀ ਇਹ ਲਾਪਰਵਾਹੀ ਵਿਦਿਆਰਥੀਆਂ ਨੂੰ ਭਾਰੀ ਪੈ ਰਹੀ ਹੈ। ਉਧਰ 10 ਜੂਨ ਤੋਂ ਚੌਥੇ ਸੈਮੇਸਟਰ ਦੀ ਪ੍ਰੀਖਿਆ ਸ਼ੁਰੂ ਹੋ ਰਹੀ ਹੈ। ਅਜਿਹੇ ਵਿਚ ਵਿਦਿਆਰਥੀ ਤੈਅ ਨਹੀਂ ਕਰ ਰਹੇ ਕਿ ਉਨ੍ਹਾਂ ਵਿਸ਼ੇ ਦੀ ਤਿਆਰੀ ਕਰਨੀ ਹੈ ਜਾਂ ਨਹੀਂ।

 

270 ਨੰਬਰ ਦਾ ਪ੍ਰੈਕਟੀਕਲ ਫਿਰ ਵੀ ਮਿਲਿਆ ਜੀਰੋ : ਪ੍ਰੈਕਟੀਕਲ ਵਿਚ ਕਿਸੇ ਵੀ ਵਿਦਿਆਰਥੀ ਨੂੰ ਜੀਰੋ ਮਿਲਣਾ ਆਪਣੇ ਆਪ ਵਿਚ ਅਜੂਬਾ ਹੈ। ਇੰਜਨੀਅਰਿੰਗ ਡਰਾਇੰਗ ਦੀ ਲਿਖਤੀ ਪ੍ਰੀਖਿਆ 75 ਨੰਬਰ ਦੀ ਹੁੰਦੀ ਹੈ, ਜਦੋਂ ਕਿ ਪ੍ਰੈਕਟੀਕਲ 270 ਨੰਬਰ ਦਾ ਹੁੰਦਾ ਹੈ। ਪ੍ਰਾਈਵੇਟ ਆਈਟੀਆਈ ਵੇਲਫੇਅਰ ਐਸੋਸੀਏਸ਼ਨ ਦੇ ਲਖਨਊ ਮੰਡਲ ਪ੍ਰਧਾਨ ਰਾਜਿੰਦਰ ਦਵੇਦੀ ਨੇ ਦੱਸਿਆ ਕਿ ਪਰਿਸ਼ਦ ਨੇ ਵਿਦਿਆਰਥੀਆਂ ਦੇ ਨੰਬਰ ਭਾਰਤ ਸਰਕਾਰ ਨੂੰ ਨਹੀਂ ਭੇਜੇ ਹਨ। ਇਸ ਲਈ ਆਨਲਾਈਨ ਨਤੀਜਿਆਂ ਵਿਚ ਜੀਰੋ ਨੰਬਰ ਵਿਖਾਏ ਜਾ ਰਹੇ ਹਨ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:40 percent of students fail from ITIs negligence