ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

SSC recruitment 2017-18: ਤਿੰਨ ਭਰਤੀਆਂ 'ਚ 15 ਹਜ਼ਾਰ ਤੋਂ ਵੱਧ ਨੌਕਰੀਆਂ ਲਟਕੀਆਂ 

 

ਸਟਾਫ਼ ਸਿਲੈਕਸ਼ਨ ਕਮਿਸ਼ਨ (ਐਸਐਸਸੀ) ਦੀਆਂ ਤਿੰਨ ਮੁੱਖ ਭਰਤੀਆਂ ਵਿੱਚ 15240 ਅਸਾਮੀਆਂ ਦੀ ਚੋਣ ਰੁਕੀ ਹੋਈ ਹੈ। ਇਨ੍ਹਾਂ ਵਿੱਚੋਂ ਦੋ ਭਰਤੀ 2017 ਅਤੇ ਇਕ ਭਰਤੀ 2018 ਦੀ ਹੈ। ਇਸ ਤਹਿਤ ਕੇਂਦਰੀ ਮੰਤਰਾਲਿਆਂ ਅਤੇ ਵਿਭਾਗਾਂ ਦੀਆਂ ਵੱਖ-ਵੱਖ ਸ਼੍ਰੇਣੀਆਂ ਦੀ ਨਿਯੁਕਤੀ ਹੋਣੀ ਹੈ। ਇਨ੍ਹਾਂ ਭਰਤੀਆਂ ਵਿੱਚ ਸ਼ਾਮਲ ਉਮੀਦਵਾਰਾਂ ਨੂੰ ਲੰਬੇ ਸਮੇਂ ਤੋਂ ਚੋਣ ਦੀ ਉਮੀਦ ਹੈ।

 

ਤਿੰਨੋਂ ਭਰਤੀਆਂ ਵਿੱਚ ਸਭ ਤੋਂ ਵੱਧ 8125 ਅਸਾਮੀਆਂ ਐਸਐਸਸੀ ਦੀ ਸਭ ਤੋਂ ਵੱਡੀ ਅਤੇ ਪ੍ਰਮੁੱਖ ਸੰਯੁਕਤ ਗ੍ਰੈਜੂਏਟ ਪੱਧਰ ਦੀ ਭਰਤੀ ਯਾਨੀ ਸੀਜੀਐਲ 2017 ਵਿੱਚ ਹੈ। ਸੀਜੀਐਲ ਵਿੱਚ ਪੋਸਟਾਂ ਗ੍ਰੈਜੂਏਟ ਵਿਦਿਅਕ ਯੋਗਤਾਵਾਂ ਵਾਲੇ ਕੇਂਦਰੀ ਮੰਤਰਾਲਿਆਂ ਅਤੇ ਵਿਭਾਗਾਂ ਵਿੱਚ ਰੱਖੀਆਂ ਜਾਂਦੀਆਂ ਹਨ। 

 

ਲਿਖਤੀ ਪ੍ਰੀਖਿਆ ਅਤੇ ਹੁਨਰ ਟੈਸਟ ਵਿੱਚ ਸਫ਼ਲ ਉਮੀਦਵਾਰਾਂ ਦੇ ਰਿਕਾਰਡ ਦੀ ਤਸਦੀਕ 31 ਜੁਲਾਈ ਨੂੰ ਪੂਰੀ ਹੋ ਗਈ ਹੈ। ਕਮਿਸ਼ਨ ਦੇ ਚੇਅਰਮੈਨ ਨੇ ਕਿਹਾ ਹੈ ਕਿ ਇਸ ਭਰਤੀ ਦਾ ਅੰਤਮ ਪੜਾਅ ਭਾਵ ਹੁਨਰ ਪ੍ਰੀਖਿਆ ਦਾ ਮੁਲਾਂਕਣ ਨਵੰਬਰ ਤੱਕ ਪੂਰਾ ਹੋਣਾ ਹੈ।

 

ਸੰਯੁਕਤ ਉੱਚ ਸੈਕੰਡਰੀ ਪੱਧਰ ਦੀ ਭਰਤੀ ਯਾਨੀ ਸੀਐਚਐਸਐਲ ਵਿੱਚ 5914 ਅਸਾਮੀਆਂ ਹਨ। ਇਸ ਭਰਤੀ ਲਈ 33967 ਉਮੀਦਵਾਰਾਂ ਦੇ ਰਿਕਾਰਡ ਦੀ ਤਸਦੀਕ 22 ਸਤੰਬਰ ਤੱਕ ਚੱਲੇਗੀ। ਅੰਤਮ ਨਤੀਜੇ ਆਉਣ ਵਿੱਚ ਅਜੇ ਵੀ ਸਮਾਂ ਲੱਗੇਗਾ। ਤੀਜੀ ਸਟੈਨੋਗ੍ਰਾਫ਼ਰ ਗ੍ਰੇਡ ਸੀ ਅਤੇ ਡੀ 2018 ਭਰਤੀ ਹੈ, ਜਿਸ ਦੀਆਂ 1201 ਪੋਸਟਾਂ ਹਨ। ਹੁਨਰ ਟੈਸਟ ਤੋਂ ਬਾਅਦ ਅੰਤਮ ਨਤੀਜੇ ਦਾ ਐਲਾਨ ਕਰਨਾ ਬਾਕੀ ਹੈ।


-ਸੀਜੀਐਲ, ਸੀਐਚਐਸਐਲ 2017 ਅਤੇ ਸਟੈਨੋਗ੍ਰਾਫਰ 2018 ਦੀ ਭਰਤੀ ਲਈ ਹੈ ਇਹ ਅਸਾਮੀਆਂ
-ਦੋ ਸਾਲ ਤੋਂ ਜ਼ਿਆਦਾ ਸਮੇਂ ਤੋਂ ਲਟਕੀ ਹੈ ਕੇਂਦਰੀ ਦਫ਼ਤਰਾਂ ਦੇ ਇਨ੍ਹਾਂ ਅਹੁਦਿਆਂ ਦੋ ਚੋਣ

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:SSC recruitment 2017-18: more than 15 thousand jobs stuck in three recruitment SC CGL 2017 SSC CHSL 2017 and SSC Stenographer 2018