ਆਪਣੀ ਨਵੀਂ ਆ ਰਹੀ ਫਿਲਮ ‘ਲਾਲ ਸਿੰਘ ਚੱਢਾ’ ਦੀ ਸ਼ੂਟਿੰਗ ਲਈ ਕਾਸ਼ੀ ਪਹੁੰਚੇ ਆਮਿਰ ਖਾਨ ਸਵੇਰੇ ਗੰਗਾ ਘਾਟ 'ਤੇ ਮਸਤੀ ਕਰਦੇ ਦਿਖਾਈ ਦਿੱਤੇ। ਉਹ ਪੁਲਿਸ ਵਾਲਿਆਂ ਨਾਲ ਸੈਲਫੀ ਲੈ ਰਹੇ ਸੀ ਤੇ ਕਈ ਵਾਰ ਸੰਤਾਂ ਨਾਲ ਗੱਲਬਾਤ ਕਰਦੇ ਨਜ਼ਰ ਆਏ।
ਜਿਸ ਨੇ ਵੀ ਆਮਿਰ ਤੋਂ ਗਰੁੱਪ ਫ਼ੋਟੋ ਦੀ ਮੰਗ ਕੀਤੀ, ਆਮਿਰ ਖਾਨ ਨੇ ਉਨ੍ਹਾਂ ਨਾਲ ਗਰੁੱਪ ਫੋ਼ਟੋ ਖਿਚਵਾਈ। ਕਦੇ ਉਹ ਪੁਲਿਸ ਵਾਲਿਆਂ ਨਾਲ ਸੈਲਫੀ ਲੈਂਦੇ ਤੇ ਕਦੇ ਸੰਤਾਂ ਦੇ ਚ ਬੈਠ ਕੇ ਗੱਲਾਂ ਕਰਦੇ। ਆਮਿਰ ਕਾਫੀ ਦੇਰ ਤਕ ਕਾਸ਼ੀ-ਘਾਟ ਦੇ ਪੌੜੀਆਂ 'ਤੇ ਚਲਦੇ ਦਿਖਾਈ ਦਿੱਤੇ।
ਆਪਣੀ ਫਿਲ਼ਮ ਦੀ ਸ਼ੂਟਿੰਗ ਕਰਨ ਲਈ ਚੇਤ ਸਿੰਘ ਕਿਲ੍ਹਾ ਪੁੱਜੇ ਆਮਿਰ ਖਾਨ ਨੇ ਪ੍ਰਭੂ ਘਾਟ ’ਤੇ ਜਦੋਂ ਅੰਗਦ ਦੀ ਦੁਕਾਨ ਦੇਖੀ ਤੇ ਦੁਕਾਨਦਾਰ ਨੂੰ ਕਿਹਾ ਕਿ ਅੰਗਦ ਜ਼ਰਾ ਅਦਰਕ ਵਾਲੀ ਚਾਏ ਪਿਲਾਨਾ। ਆਮਿਰ ਚਾਹ ਬਣਾਉਣ ਵਾਲੇ ਅੰਗਦ ਦੇ ਕੋਲ ਬੈਠ ਗਏ ਤੇ ਚਾਹ ਪੀਤੀ ਤੇ ਚਾਹ ਦੇ ਸੁਆਦ ਦੀ ਪ੍ਰਸ਼ੰਸਾ ਵੀ ਕੀਤੀ।
