ਨਾਗਰਿਕਤਾ ਸੋਧ ਕਾਨੂੰਨ (ਸੀਏਏ) ਦਾ ਵਿਰੋਧ ਕਰ ਰਹੇ ਬਾਲੀਵੁੱਡ ਦੇ ਮਸ਼ਹੂਰ ਨਿਰਦੇਸ਼ਕ ਅਨੁਰਾਗ ਕਸ਼ਯਪ ਨੇ ਹੁਣ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਬਾਰੇ ਵਿਵਾਦਤ ਟਵੀਟ ਕੀਤਾ ਹੈ। ਅਨੁਰਾਗ ਕਸ਼ਯਪ ਸੋਸ਼ਲ ਮੀਡੀਆ 'ਤੇ ਆਪਣੇ ਸਿਆਸੀ ਵਿਚਾਰਾਂ ਕਾਰਨ ਚਰਚਾ 'ਚ ਰਹਿੰਦੇ ਹਨ। ਇਸ ਵਾਰ ਉਨ੍ਹਾਂ ਨੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੂੰ 'ਜਾਨਵਰ' ਕਿਹਾ ਹੈ।
हमारा गृहमंत्री कितना डरपोक है । खुद की police , खुद ही के गुंडे , खुद की सेना और security अपनी बढ़ाता है और निहत्थे protestors पर आक्रमण करवाता है । घटियेपन और नीचता की हद अगर है तो वो है @AmitShah । इतिहास थूकेगा इस जानवर पर।
— Anurag Kashyap (@anuragkashyap72) January 26, 2020
ਅਨੁਰਾਗ ਕਸ਼ਯਪ ਨੇ ਆਪਣੇ ਟਵੀਟ 'ਚ ਲਿਖਿਆ, "ਸਾਡੇ ਗ੍ਰਹਿ ਮੰਤਰੀ ਕਿੰਨੇ ਕਾਇਰ ਹਨ। ਆਪਣੀ ਪੁਲਿਸ, ਆਪਣੇ ਗੁੰਡੇ, ਆਪਣੀ ਫੌਜ ਤੇ ਸੁਰੱਖਿਆ ਆਪਣੀ ਵਧਾਉਂਦੇ ਹਨ ਅਤੇ ਨਿਹੱਥੇ ਪ੍ਰਦਰਸ਼ਨਕਾਰੀਆਂ 'ਤੇ ਹਮਲਾ ਕਰਵਾਉਂਦੇ ਹਨ। ਘਟੀਆਪਣ ਅਤੇ ਨੀਚਤਾ ਦੀ ਜੇ ਹੱਦ ਹੈ ਤਾਂ ਉਹ ਹੈ @AmitShah. ਇਤਿਹਾਸ ਥੁੱਕੇਗਾ ਇਸ ਜਾਨਵਰ 'ਤੇ।"
ਗੈਂਗਸ ਆਫ ਵਾਸੇਪੁਰ ਦੇ ਨਿਰਮਾਤਾ ਅਨੁਰਾਗ ਕਸ਼ਯਪ ਇਨ੍ਹੀਂ ਦਿਨੀਂ ਕਾਫ਼ੀ ਵਿਵਾਦਤ ਬਿਆਨ ਦੇ ਰਹੇ ਹਨ, ਜਿਸ ਕਾਰਨ ਉਹ ਅਕਸਰ ਹੀ ਸੋਸ਼ਲ ਮੀਡੀਆ 'ਤੇ ਟਰੋਲ ਵੀ ਹੋ ਜਾਂਦੇ ਹਨ। ਅਨੁਰਾਗ ਕਸ਼ਯਪ ਦੁਆਰਾ ਅਮਿਤ ਸ਼ਾਹ ਬਾਰੇ ਕੀਤੇ ਗਏ ਇਸ ਵਿਵਾਦਤ ਅਤੇ ਇਤਰਾਜ਼ਯੋਗ ਟਵੀਟ ਤੋਂ ਬਾਅਦ ਲੋਕਾਂ ਨੇ ਉਸ ਨੂੰ ਟਰੋਲ ਕਰਨਾ ਸ਼ੁਰੂ ਕਰ ਦਿੱਤਾ ਹੈ।
ਇਕ ਯੂਜਰ ਨੇ ਲਿਖਿਆ, "ਇਹ ਵਿਅਕਤੀ ਨਸ਼ੇੜੀ ਹੈ। ਫਿਰ ਪੀ ਕੇ ਆ ਗਿਆ ਹੈ।"
घटियेपन और नीचता की हद अगर है तो वो तू और तेरे जैसे टुकड़े गैंग वाले है ! और वो बात देश के अलावा तू भी बेहतर जानता है । और तेरे जैसे "जयचंदो" पर तो सिर्फ इतिहास ही नही, बल्कि वर्तमान भी थूंक रहा है ।
— Girish Barot (@GirishBarot14) January 27, 2020
ਇਕ ਹੋਰ ਯੂਜਰ ਨੇ ਲਿਖਿਆ, "ਤੁਸੀਂ ਸੀਏਏ ਦਾ ਵਿਰੋਧ ਕਰ ਰਹੋ ਹੋ। ਉਦੋਂ ਕਿੱਥੇ ਸੀ ਜਦੋਂ ਕਸ਼ਮੀਰੀ ਪੰਡਿਤਾਂ ਨੂੰ ਧੱਕੇ ਮਾਰ ਕੇ ਬਾਹਰ ਕੱਢ ਦਿੱਤਾ ਗਿਆ ਸੀ।"
उड़ता पंजाब फिल्म में पंजाबियों को नशेड़ी बता कर उन्हें बदनाम कर रहा था।
— Shashank Patel (@shashank1P) January 27, 2020
जबकि, खुद तरह तरह के सस्ते ड्रग्स लेकर ऊल जुलूल बकता रहता है।
अबकी बार कौन सी लिया रे @anuragkashyap72 ??
ਜ਼ਿਕਰਯੋਗ ਹੈ ਕਿ ਬਾਲੀਵੁੱਡ ਅਦਾਕਾਰ ਫਰਹਾਨ ਅਖਤਰ, ਅਕਸ਼ੈ ਕੁਮਾਰ, ਨੰਦਿਤਾ ਦਾਸ, ਸਵਰਾ ਭਾਸਕਰ, ਸ਼ਬਾਨਾ ਆਜ਼ਮੀ, ਕਬੀਰ ਖਾਨ ਵਰਗੇ ਕਈ ਸਿਤਾਰੇ ਦੇਸ਼ ਨਾਲ ਜੁੜੇ ਹਰ ਮੁੱਦੇ 'ਤੇ ਖੁੱਲ੍ਹ ਕੇ ਬੋਲਦੇ ਵਿਖਾਈ ਦੇ ਰਹੇ ਹਨ। ਹਾਲ ਹੀ ਵਿੱਚ ਬਾਲੀਵੁੱਡ ਫਿਲਮ ਨਿਰਮਾਤਾ ਮੀਰਾ ਨਾਇਰ, ਗਾਇਕਾ ਟੀ.ਐਮ. ਕ੍ਰਿਸ਼ਨਾ, ਇਤਿਹਾਸਕਾਰ ਰੋਮਿਲਾ ਥਾਪਰ ਸਮੇਤ 300 ਤੋਂ ਵੱਧ ਮਸ਼ਹੂਰ ਹਸਤੀਆਂ ਨੇ ਨਾਗਰਿਕਤਾ ਸੋਧ ਕਾਨੂੰਨ (ਸੀ.ਏ.ਏ) ਅਤੇ ਨੈਸ਼ਨਲ ਰਜਿਸਟਰ ਆਫ ਸਿਟੀਜ਼ਨਜ਼ (ਐਨ.ਆਰ.ਸੀ.) ਦਾ ਵਿਰੋਧ ਕਰਨ ਵਾਲੇ ਵਿਦਿਆਰਥੀਆਂ ਨੂੰ ਸਹੀ ਦੱਸਦਿਆਂ ਇੱਕ ਖੁੱਲਾ ਪੱਤਰ ਜਾਰੀ ਕੀਤਾ ਹੈ, ਜਿਸ 'ਚ ਕਿਹਾ ਗਿਆ ਹੈ ਕਿ ਸੀਏਏ ਅਤੇ ਐਨਆਰਸੀ ਭਾਰਤ ਲਈ ਖਤਰਾ ਹੈ।
