ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਯਾਤਰੂਆਂ ਵਜੋਂ ਦਿੱਲੀ ਆਏ 120 ਪਾਕਿਸਤਾਨੀ ਹਿੰਦੂ ਪਰਿਵਾਰ ਯਮੁਨਾ ਕੰਢੇ ਵਸੇ

ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ (ਐਨਜੀਟੀ) ਨੇ ਗੁਰਦੁਆਰਾ ਮਜਨੂ ਕਾ ਟੀਲਾ ਦੇ ਦੱਖਣ ਵਿਚ ਯਮੁਨਾ ਦੇ ਡੁੱਬਣ ਵਾਲੇ ਇਲਾਕਿਆਂ ਬਣੀਆਂ ਝੁੱਗੀਆਂ ਅਤੇ ਅਰਧ-ਸਥਾਈ ਢਾਂਚਿਆਂ 'ਤੇ ਸਖਤ ਇਤਰਾਜ਼ ਕਰਦਿਆਂ ਇਸ ਮਾਮਲੇ ਕਾਰਵਾਈ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।

 

ਦਰਅਸਲ, ਕੁਝ ਸਾਲ ਪਹਿਲਾਂ 100 ਤੋਂ ਵੱਧ ਪਾਕਿਸਤਾਨੀ ਹਿੰਦੂ ਪਰਿਵਾਰ ਸ਼ਰਧਾਲੂ ਵੀਜ਼ੇ 'ਤੇ ਕੌਮੀ ਰਾਜਧਾਨੀ ਆਏ ਸਨ, ਪਰ ਉਹ ਵਾਪਸ ਜਾਣ ਦੀ ਥਾਂ ਗੁਰੂਦੁਆਰਾ ਮਜਨੂ ਕਾ ਟੀਲਾ ਦੇ ਦੱਖਣ ਯਮੁਨਾ ਦੇ ਹੜ੍ਹ ਵਾਲੇ ਇਲਾਕਿਆਂ ਬਣੀ ਝੁੱਗੀਆਂ ਅਤੇ ਅਸਥਾਈ ਢਾਂਚਿਆਂ ਰਹਿਣ ਲੱਗ ਪਏ। ਉਨ੍ਹਾਂ ਚੋਂ ਬਹੁਤ ਸਾਰਿਆਂ ਕੋਲ ਮਜਨੂੰ ਕਾ ਟੀਲਾ ਦੇ ਪਤੇ 'ਤੇ ਆਧਾਰ ਕਾਰਡ, ਪੈਨ ਕਾਰਡ ਤੇ ਬੈਂਕ ਖਾਤੇ ਬਣੇ ਹੋਏ ਹਨ। ਉਨ੍ਹਾਂ ਦੇ ਬੱਚੇ ਨੇੜਲੇ ਸਰਕਾਰੀ ਸਕੂਲਾਂ ਵੀ ਪੜ੍ਹਨ ਲੱਗ ਪਏ ਹਨ।

 

ਇਹ ਪ੍ਰਗਟਾਵਾ ਪਟੀਸ਼ਨਰ ਜਗਦੇਵ ਦੀ ਪਟੀਸ਼ਨ ‘ਤੇ ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ (ਐਨਜੀਟੀ) ਦੇ ਸਾਹਮਣੇ ਪੇਸ਼ ਕੀਤੀ ਰਿਪੋਰਟ ਵਿੱਚ ਹੋਇਆ ਹੈ। ਪਟੀਸ਼ਨ ਵਿਚ ਗੁਰੂਦੁਆਰੇ ਦੇ ਦੱਖਣੀ ਹਿੱਸੇ ਤੋਂ ਕੀਤੇ ਜਾ ਰਹੇ ਕਬਜ਼ਿਆਂ ਖ਼ਿਲਾਫ਼ ਕਾਰਵਾਈ ਅਤੇ ਦਰੱਖਤਾਂ ਦੀ ਭਾਰੀ ਕਟਾਈ ਖ਼ਿਲਾਫ਼ ਕਾਰਵਾਈ ਦੀ ਮੰਗ ਕੀਤੀ ਗਈ ਹੈ।

 

ਐਨਜੀਟੀ ਦੇ ਪ੍ਰਧਾਨ ਜਸਟਿਸ ਆਦਰਸ਼ ਕੁਮਾਰ ਗੋਇਲ ਦੀ ਅਗਵਾਈ ਵਾਲੇ ਬੈਂਚ ਨੇ ਇਸ ਰਿਪੋਰਟ ‘ਤੇ ਸਖਤ ਰੁਖ ਅਪਣਾਉਂਦਿਆਂ ਪੁੱਛਿਆ ਹੈ ਕਿ ਯਮੁਨਾ ਦੇ ਡੁੱਬਣ ਵਾਲੇ ਖੇਤਰ ਅਜਿਹੇ ਕਬਜ਼ਿਆਂ ਦੀ ਆਗਿਆ ਅਧਿਕਾਰੀ ਕਿਵੇਂ ਦੇ ਸਕਦੇ ਹਨ।

 

ਹਾਲਾਂਕਿ ਇੱਥੇ ਬਿਜਲੀ ਪ੍ਰਦਾਨ ਨਹੀਂ ਕੀਤੀ ਜਾਂਦੀ। ਸਾਂਝੇ ਚੈਨਲਾਂ ਰਾਹੀਂ ਪਾਣੀ ਦੀ ਸਪਲਾਈ ਕੀਤੀ ਜਾ ਰਹੀ ਹੈ। ਕੁਝ ਵਸਨੀਕਾਂ ਨੇ ਫੁੱਟਪਾਥ ਨੇੜੇ ਛੋਟੀਆਂ ਦੁਕਾਨਾਂ ਵੀ ਸ਼ੁਰੂ ਕਰ ਦਿੱਤੀਆਂ ਹਨ। ਰਿਪੋਰਟ ਦਿੱਤੀ ਗਈ ਜਾਣਕਾਰੀ ਦਿੱਲੀ ਸਰਕਾਰ, ਦਿੱਲੀ ਵਿਕਾਸ ਅਥਾਰਟੀ ਅਤੇ ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਅਧਿਕਾਰੀਆਂ ਦੁਆਰਾ ਜਾਂਚ ਤੋਂ ਬਾਅਦ ਰਿਪੋਰਟ ਉੱਤੇ ਅਧਾਰਤ ਹੈ।

 

ਇਸ ਮਾਮਲੇ ਵਿੱਚ ਡੀਡੀਏ ਦੀ ਤਰਫੋਂ ਸੀਨੀਅਰ ਵਕੀਲ ਰਾਜੀਵ ਬਾਂਸਲ ਅਤੇ ਵਕੀਲ ਕੁਸ਼ ਸ਼ਰਮਾ ਪੇਸ਼ ਹੋਏ। ਉਨ੍ਹਾਂ ਕਿਹਾ, “ਇਸ ਸਾਈਟ ਦੀ ਜਾਂਚ ਦੌਰਾਨ ਇਹ ਖੁਲਾਸਾ ਹੋਇਆ ਸੀ ਕਿ ਸਾਲ 2011 ਤੋਂ 2014 ਤੱਕ ਤੀਰਥ ਯਾਤਰਾ ’ਤੇ ਭਾਰਤ ਆਏ ਪਾਕਿਸਤਾਨੀ ਹਿੰਦੂ ਨਾਗਰਿਕਾਂ ਦੇ ਲਗਭਗ 700 ਲੋਕ ਜਾਂ 120 ਪਰਿਵਾਰ ਝੁੱਗੀਆਂ ਅਤੇ ਅਸਥਾਈ ਢਾਂਚਿਆਂ ਵਿੱਚ ਰਹਿ ਰਹੇ ਹਨ। ਉਨ੍ਹਾਂ ਦੇ ਕਬਜ਼ੇ ਵਾਲੀ ਜ਼ਮੀਨ ਤਕਰੀਬਨ 5,000 ਵਰਗ ਗਜ਼ ਹੈ।

 

ਰਿਪੋਰਟ ਦੇ ਅਨੁਸਾਰ, "ਉਥੇ ਰਹਿੰਦੇ ਲੋਕਾਂ ਤੋਂ ਮਿਲੀ ਜਾਣਕਾਰੀ ਦੇ ਅਨੁਸਾਰ ਸਰਕਾਰੀ ਅਧਿਕਾਰੀਆਂ ਨੇ ਉਨ੍ਹਾਂ ਨੂੰ ਜ਼ਮੀਨ 'ਤੇ ਕਬਜ਼ਾ ਕਰਨ ਲਈ ਕਿਹਾ ਪਰ ਉਨ੍ਹਾਂ ਕੋਲੋਂ ਅਜਿਹੀ ਕੋਈ ਲਿਖਤੀ ਇਜ਼ਾਜ਼ਤ ਨਹੀਂ ਮਿਲੀ। ਉਪਰੋਕਤ ਜ਼ਮੀਨ ਮਕਾਨ ਅਤੇ ਸ਼ਹਿਰੀ ਮਾਮਲਿਆਂ ਦੇ ਮੰਤਰਾਲੇ ਦੇ ਅਧੀਨ ਆਉਂਦੀ ਹੈ ਅਤੇ ਵਿਕਾਸ ਦਫ਼ਤਰ ਜੋ ਦੇਖਭਾਲ ਅਤੇ ਰੱਖਰਖਾਅ ਲਈ 7 ਜੁਲਾਈ 1971 ਨੂੰ ਡੀਡੀਏ ਨੂੰ ਤਬਦੀਲ ਕੀਤਾ ਗਿਆ ਸੀ।

 

 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:120 Pakistani Hindu families living on Yamuna floodplains NGT orders action