ਆਮ ਆਦਮੀ ਪਾਰਟੀ ਨੇ ਤਾਲਕਟੋਰਾ ਸਟੇਡੀਅਮ ਚ ਸੋਮਵਾਰ ਨੂੰ ਪਾਰਟੀ ਦੇ ਮਹੀਨਵਾਰ ਚੰਦਾ ਮੁਹਿੰਮ ਦਾ ਆਗਾਜ਼ ਕੀਤਾ। ਪਾਰਟੀ ਦੇ ਕੌਮੀ ਕਨਵੀਨਰ ਅਤੇ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਜੇਕਰ ਤੁਸੀਂ ਇਮਾਨਦਾਰ ਸਰਕਾਰ ਦੁਬਾਰਾ ਚਾਹੁੰਦੇ ਹੋ ਤਾਂ ਆਮ ਆਦਮੀ ਪਾਰਟੀ ਨੂੰ ਚੰਦਾ ਦੇਣਾ ਪਵੇਗਾ। ਇਸ ਮੌਕੇ ‘ਆਪ’ ਨਾਲ ਜੁੜਣ ਅਤੇ ਚੰਦਾ ਦੇਣ ਲਈ ਮੋਬਾਈਲ ਨੰਬਰ 9871010101 ਨੰਬਰ ਵੀ ਜਾਰੀ ਕੀਤਾ ਗਿਆ। ਇਸ ਤੇ ਮਿਸਡ ਕਾਲ ਦੇ ਕੇ ਕੋਈ ਵੀ ਪਾਰਟੀ ਨਾਲ ਜੁੜ ਸਕਦਾ ਹੈ ਤੇ ਆਪਣੀ ਲੋੜ ਮੁਤਾਬਕ ਚੰਦਾ ਦੇ ਸਕਦਾ ਹੈ।
ਕੇਜਰੀਵਾਲ ਨੇ ਕਿਹਾ ਕਿ ਇਹ ਇਤਿਹਾਸ ਚ ਪਹਿਲੀ ਵਾਰ ਹੈ ਜਦੋਂ ਪਾਰਟੀ ਕੰਗਾਲ ਹੈ। ਪਰ ਸਰਕਾਰ ਕੋਲ ਬਹੁਤ ਪੈਸਾ ਹੈ। ਉਨ੍ਹਾਂ ਕਿਹਾ, ਅਗਲੇ ਦੋ ਸਾਲ ਚੋਣਾਂ ਹੋਣ ਵਾਲੀਆਂ ਹਨ ਅਤੇ ਸਾਡੇ ਕੋਲ ਪੈਸਾ ਨਹੀਂ ਹੈ। ਪਾਰਟੀ ਨੂੰ ਪੈਸੇ ਦੀ ਲੋੜ ਹੈ। ਵਲੰਟੀਅਰ ਵੀ ਹਰੇਕ ਮਹੀਨੇ 100 ਰੁਪਏ ਜ਼ਰੂਰ ਦਾਨ ਕਰਨ। ਕੇਜਰੀਵਾਲ ਨੇ ਪਾਰਟੀ ਅਹੁਦੇਦਾਰਾਂ ਅਤੇ ਪੂਰੀ ਕੈਬਨਿਟ ਦੀ ਹਾਜ਼ਰੀ ਚ ਦਾਆਵਾ ਕੀਤਾ ਕਿ ਦਿੱਲੀ ਚ ਦੇਸ਼ ਦੀ ਸਭ ਤੋਂ ਇਮਾਨਦਾਰ ਸਰਕਾਰ ਹੈ।
अगर आप चाहते हैं कि स्कूल ठीक हों, अस्पताल अच्छे हों, बिजली पानी घर घर पहुँचे तो “आप” को ज़रूर चंदा दें। यही सही राष्ट्र निर्माण है। https://t.co/v6pktmGvWY
— Arvind Kejriwal (@ArvindKejriwal) October 15, 2018
ਕੇਜਰੀਵਾਲ ਨੇ ਕਿਹਾ ਕਿ ਸਾਢੇ ਤਿੰਨ ਸਾਲ ਚ ਅਸੀਂ ਚਾਰ ਬਜਟ ਪੇਸ਼ ਕਰ ਚੁੱਕੇ ਹਨ। ਚਾਰ ਸਾਲ ਚ ਦੋ ਲੱਖ ਕਰੋੜ ਖਰਚ ਕੀਤੇ ਹਨ। ਠੇਕੇਦਾਰਾਂ ਤੋਂ ਅਸੀਂ ਇੱਕ ਫੀਸਦ ਕਮੀਸ਼ਨ ਵੀ ਲੈਂਦੇ ਤਾਂ 2000 ਕਰੋੜ ਰੁਪਏ ਮਿਲ ਜਾਂਦੇ। ਪਰ ਅਸੀਂ ਇਮਾਨਦਾਰੀ ਨਾਲ ਕੰਮ ਕੀਤਾ ਹੈ। ਦਿੱਲੀ ਦੇ ਸਕੂਲਾਂ ਦੀ ਹਾਲਤ ਸੁਧਾਰੀ। 24 ਘੰਟੇ ਸਭ ਤੋਂ ਸਸਤੀ ਬਿਜਲੀ ਮੁਹੱਈਆ ਕਰਵਾ ਰਹੇ ਹਾਂ। ਅਸੀਂ ਉਹ ਕਰਕੇ ਦਿਖਾਇਆ ਜੋ ਦੂਜੇ ਸੂਬਿਆਂ ਚ ਸੱਤਾ ਚ ਕਾਬਜ 15-15 ਸਾਲ ਪੁਰਾਣੇ ਲੋਕ ਨਹੀਂ ਕਰ ਸਕੇ।
आप का दान, राष्ट्र निर्माण
— Aarti (@aartic02) October 15, 2018
India’s Biggest Crowd Funding launched by @ArvindKejriwal
💥 Give a Missed Call to Donate to AAP : - 9871010101 #KejriwalCalls4Donation pic.twitter.com/qVEJwS4F02
ਉਨ੍ਹਾਂ ਕਿਹਾ ਕਿ ਠੇਕੇਦਾਰਾਂ ਤੋਂ ਪੈਸੇ ਲਏ ਹੁੰਦੇ ਤਾਂ ਸਕੂਲਾਂ ਦੀ ਹਾਲਤ ਚੰਗੀ ਨਹੀਂ ਹੁੰਦੀ। ਮੁਹੱਲਾ ਕਲੀਨਿਕ ਨਹੀਂ ਬਣਦੇ। ਮੁਫਲ ਇਲਾਜ ਨਹੀਂ ਹੰੁਦਾ। ਬਿਜਲੀ ਦਾ ਮੁੱਲ ਹਰੇਕ ਸਾਲ ਵੱਧਦੇ ਤੇ ਪਾਰਟੀ ਨੂੰ ਵੀ ਪੈਸੇ ਦੀ ਘਾਟ ਨਾ ਹੁੰਦੀ। ਅਸੀਂ ਵੱਖਰੀ ਸਿਆਸਤ ਕੀਤੀ, ਇਸ ਲਈ ਆਮ ਆਦਮੀ ਪਾਰਟੀ ਕੋਲ ਪੈਸਾ ਨਹੀਂ ਹੈ। ਚੋਣਾਂ ਲੜਨ ਲਈ ਪੈਸਾ ਚਾਹੀਦਾ ਹੈ। ਇਸ ਲਈ ਇਸ ਇਮਾਨਦਾਰ ਸਰਕਾਰ ਲਈ ਚੰਦਾ ਦੇਣਾ ਪਵੇਗਾ। ਉਨ੍ਹਾਂ ਨੇ ਸਾਰਿਆਂ ਨੂੰ ਵੱਧ ਤੋਂ ਵੱਧ ਚੰਦਾ ਦੇਣ ਦੀ ਅਪੀਲ ਕੀਤੀ।
ਇਸ ਮੌਕੇ ਪਾਰਟੀ ਵਰਕਰਾਂ ਅਤੇ ਮੰਤਰੀਆਂ ਸਮੇਤ ਕੇਜਰੀਵਾਲ ਦੇ ਪਿਤਾ ਅਤੇ ਪਤਨੀ ਵੀ ਮੌਜੂਦ ਸਨ ਅਤੇ ਪਾਰਟੀ ਫੰਡ ਚ ਚੰਦਾ ਦੇ ਕੇ ਇਸ ਮੁਹਿੰਮ ਦੀ ਸ਼ੁਰੂਆਤ ਕੀਤੀ।
