ਆਲ ਇੰਡੀਆ ਮਜਲਿਸ-ਏ-ਇੱਤੇਹਾਦੁਲ ਮੁਸਲਮੀਨ (ਏ.ਆਈ.ਐਮ.ਆਈ.ਐਮ.) ਦੇ ਪ੍ਰਧਾਨ ਅਤੇ ਲੋਕ ਸਭਾ ਸੰਸਦ ਮੈਂਬਰ ਅਸਦੁਦੀਨ ਓਵੈਸੀ ਨੇ ਮੰਗਲਵਾਰ ਨੂੰ ਕਿਹਾ ਕਿ ਦੇਸ਼ 'ਚ ਕੌਮੀ ਨਾਗਰਿਕਤਾ ਰਜਿਸਟਰ (ਐਨਆਰਸੀ) ਨੂੰ ਲਾਗੂ ਕਰਨ ਦੀ ਦਿਸ਼ਾ 'ਚ ਕੌਮੀ ਮਰਦਮਸ਼ੁਮਾਰੀ ਰਜਿਸਟਰ (ਐਨਪੀਆਰ) ਪਹਿਲਾ ਕਦਮ ਹੈ।
Asaduddin Owaisi, AIMIM: Why is Home Minister misleading the nation? In Parliament he said 'Owaisi ji NRC will be implemented in the whole country'. Amit Shah sahab, as long as the sun keeps rising from the east we will keep telling the truth. NPR is the first step towards NRC. https://t.co/toAQU3yjV3 pic.twitter.com/8vgAqne8Ce
— ANI (@ANI) December 24, 2019
ਓਵੈਸੀ ਨੇ ਕਿਹਾ, "ਉਹ ਲੋਕ ਨਾਗਰਿਕਤਾ ਕਾਨੂੰਨ 1955 ਮੁਤਾਬਿਕ ਐਨਪੀਆਰ ਕਰਨ ਜਾ ਰਹੇ ਹਨ ਤਾਂ ਕੀ ਇਹ ਐਨਆਰਸੀ ਨਾਲ ਸਬੰਧਤ ਨਹੀਂ ਹੈ? ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੇਸ਼ ਨੂੰ ਗੁੰਮਰਾਹ ਕਿਉਂ ਕਰ ਰਹੇ ਹਨ? ਉਨ੍ਹਾਂ ਨੇ ਮੇਰਾ ਨਾਂ ਸੰਸਦ 'ਚ ਲਿਆ ਅਤੇ ਕਿਹਾ ਕਿ ਓਵੈਸੀ ਜੀ ਐਨਆਰਸੀ ਨੂੰ ਪੂਰੇ ਦੇਸ਼ 'ਚ ਲਾਗੂ ਕੀਤਾ ਜਾਵੇਗਾ। ਅਮਿਤ ਸ਼ਾਹ ਸਾਹਿਬ, ਜਦੋਂ ਤਕ ਸੂਰਜ ਪੂਰਬ ਦਿਸ਼ਾ ਤੋਂ ਨਿੱਕਲਦਾ ਰਹੇਗਾ, ਉਦੋਂ ਤਕ ਅਸੀ ਸੱਚ ਬੋਲਦੇ ਰਹਾਂਗੇ। ਐਨਆਰਸੀ ਲਈ ਪਹਿਲਾ ਕਦਮ ਹੈ ਐਨਪੀਆਰ। ਜਦੋਂ ਅਪ੍ਰੈਲ 2020 'ਚ ਐਨਪੀਆਰ ਪੂਰਾ ਹੋ ਜਾਵੇਗਾ, ਅਧਿਕਾਰੀ ਡਾਕੂਮੈਂਟਾਂ ਲਈ ਪੁੱਛਣਗੇ... ਫਿਰ ਅੰਤਮ ਸੂਚੀ ਐਨਆਰਸੀ 'ਚ ਆਵੇਗੀ।"
Home Minister Amit Shah to ANI on Asaduddin Owaisi's criticism of #CAA: If we say that the sun rises from the east then Owaisi ji will say no it rises from the west, he always opposes our stand. Still I again assure him that CAA has nothing to do with NRC pic.twitter.com/E6jo7YKzgW
— ANI (@ANI) December 24, 2019
ਜ਼ਿਕਰਯੋਗ ਹੈ ਕਿ ਮੰਗਲਵਾਰ ਨੂੰ ਹੀ ਸਮਾਚਾਰ ਏਜੰਸੀ ਏ.ਐਨ.ਆਈ. ਨਾਲ ਇਕ ਇੰਟਰਵਿਊ 'ਚ ਅਮਿਤ ਸ਼ਾਹ ਨੇ ਕਿਹਾ ਸੀ ਕਿ ਐਨਪੀਆਰ ਦਾ ਐਨਆਰਸੀ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ। ਓਵੈਸੀ 'ਤੇ ਹਮਲਾ ਕਰਦਿਆਂ ਉਨ੍ਹਾਂ ਕਿਹਾ ਸੀ, "ਇਸ ਮੁੱਦੇ 'ਤੇ ਓਵੈਸੀ ਜੀ ਦੇ ਰੁੱਖ ਤੋਂ ਮੈਂ ਬਿਲਕੁਲ ਵੀ ਹੈਰਾਨ ਨਹੀਂ ਹਾਂ। ਜੇ ਅਸੀ ਕਹਿੰਦੇ ਹਾਂ ਕਿ ਸੂਰਜ ਪੂਰਬ ਦਿਸ਼ਾ ਤੋਂ ਨਿੱਕਲਦਾ ਹੈ ਤਾਂ ਓਵੈਸੀ ਸਾਹਿਬ ਕਹਿਣਗੇ ਕਿ ਇਹ ਪੱਛਮ ਤੋਂ ਨਿੱਕਲਦਾ ਹੈ। ਪਰ ਮੈਂ ਓਵੈਸੀ ਜੀ ਨੂੰ ਵੀ ਭਰੋਸਾ ਦਿਵਾਉਣਾ ਚਾਹੁੰਦਾ ਹਾਂ ਕਿ ਐਨਪੀਆਰ ਪੂਰੀ ਤਰ੍ਹਾਂ ਐਨਆਰਸੀ ਤੋਂ ਵੱਖ ਹੈ ਅਤੇ ਇਹ ਦੋਵੇਂ ਆਪਸ 'ਚ ਨਹੀਂ ਜੁੜੇ ਹਨ।"
