ਬਿਹਾਰ ਦੇ ਗਯਾ ਦੇ ਬਾਰਾਚਟੀ ਥਾਣਾ ਖੇਤਰ ਦੇ ਨਕਸਲੀ ਪ੍ਰਭਾਵਿਤ ਭੋਗਤਾਡੀਹ ਜੈਗੀਰ ਪਿੰਡ ਨੇੜੇ ਬੁੱਧਵਾਰ ਦੀ ਰਾਤ ਭਾਕਪਾ ਮਾਓਵਾਦੀ ਦੀ ਟੀਮ ਨੇ ਇਕ ਸੜਕ ਨਿਰਮਾਣ ਕੰਮ ਵਿਚ ਲੱਗੇ 4 ਵਾਹਨਾਂ ਨੂੰ ਅੱਗ ਲਗਾ ਦਿੱਤੀ। 30 ਦੀ ਗਿਣਤੀ ਵਿਚ ਰਹੇ ਹਥਿਆਰਬੰਦ ਨਕਸਲੀਆਂ ਨੇ ਤਿੰਨ ਜੇਸੀਬੀ ਮਸ਼ੀਨ ਅਤੇ ਇਕ ਟਰੈਕਟਰ ਨੂੰ ਅੱਗ ਦੇ ਹਵਾਲੇ ਕਰ ਦਿੱਤਾ।
ਘਟਨਾ ਦਾ ਕਾਰਨ ਲੇਵੀ ਨਾਲ ਜੁੜਿਆ ਦੱਸਿਆ ਜਾ ਰਿਹਾ ਹੈ। ਇੱਥੇ ਆਰਈਓ ਵੱਲੋਂ ਤਿੰਨ ਕਿਲੋਮੀਟਰ ਲੰਬੀ ਸੜਕ ਦਾ ਨਿਰਮਾਣ ਪਿਛਲੇ 2 ਮਹੀਨੇ ਤੋਂ ਕਰਵਾਇਆ ਜਾ ਰਿਹਾ ਸੀ। ਘਟਨਾ ਦੇ ਬਾਅਦ ਪਿੰਡ ਵਿਚ ਦਹਿਸ਼ਤ ਦਾ ਮਾਹੌਲ ਪੈਦਾ ਹੋ ਗਿਆ ਹੈ।
ਪੁਲਿਸ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਘਟਨਾ ਤੋਂ ਪਹਿਲਾਂ ਨਿਰਮਾਣ ਕੰਮ ਵਾਲੀ ਥਾਂ ਉਤੇ ਕਈ ਵਾਰ ਪੇਟ੍ਰੋਲਿੰਗ ਕੀਤੀ ਗਈ ਸੀ। ਠੇਕੇਦਾਰ ਨੂੰ ਵੀ ਅਲਰਟ ਕੀਤਾ ਗਿਆ ਸੀ। ਪਿਛਲੇ ਦਿਨੀਂ ਇਲਾਕੇ ਦੇ ਤਿਲੇਟਡ ਪਿੰਡ ਦੇ ਰਾਜ ਕੁਮਾਰ ਸਿੰਘ ਭੋਗਤਾ ਨੂੰ ਫੜ੍ਹਕੇ ਨਕਸਲੀਆਂ ਨੇ ਗੋਲੀ ਮਾਰਕੇ ਕਤਲ ਕਰ ਦਿੱਤਾ ਸੀ। ਘਟਨਾ ਦੀ ਸੂਚਨਾ ਬਾਅਦ ਟ੍ਰੇਨੀ ਆਈਪੀਐਸ ਅਧਿਕਾਰੀ ਸਵਰਣ ਪ੍ਰਭਾਤ ਨੇ ਐਸਐਸਬੀ ਜਵਾਨਾਂ ਨਾਲ ਘਟਨਾ ਸਥਾਨ ਉਤੇ ਪਹੁੰਚਕੇ ਮਾਮਲੇ ਨੂੰ ਦੇਖਿਆ। ਆਸਪਾ ਦੇ ਇਲਾਕੇ ਵਿਚ ਤਲਾਸੀ਼ ਮੁਹਿੰਮ ਚਲਾਈ ਜਾ ਰਹੀ ਹੈ।
