ਅਗਲੀ ਕਹਾਣੀ

ਇਲਾਹਾਬਾਦ ਹਾਈ ਕੋਰਟ ਦੇ ਜੱਜ ਐਸਐਨ ਸ਼ੁਕਲਾ ਨਾਮਜ਼ਦ, CBI ਨੇ ਮਾਰਿਆ ਛਾਪਾ

ਕੇਂਦਰੀ ਜਾਂਚ ਬਿਊਰੋ (ਸੀਬੀਆਈ) ਨੇ ਇਲਾਹਾਬਾਦ ਹਾਈ ਕੋਰਟ ਦੇ ਜੱਜ ਜਸਟਿਸ ਐਸ ਐਨ ਸ਼ੁਕਲਾ ਨੂੰ ਭ੍ਰਿਸ਼ਟਾਚਾਰ ਦੇ ਇੱਕ ਮਾਮਲੇ ਚ ਇੱਕ ਮੈਡੀਕਲ ਕਾਲਜ ਦੇ ਪੱਖ ਲੈਣ ਦੇ ਦੋਸ਼ ਚ ਨਾਮਜ਼ਦ ਕੀਤਾ ਹੈ ਤੇ ਉਨ੍ਹਾਂ ਦੀ ਲਖਨਊ ਸਥਿਤ ਰਿਹਾਇਸ਼ ’ਤੇ ਛਾਪਾ ਮਾਰਿਆ ਹੈ।

 

ਅਧਿਕਾਰੀਆਂ ਨੇ ਸ਼ੁੱਕਰਵਾਰ ਨੂੰ ਦੱਸਿਆ ਕਿ ਜਾਂਚ ਏਜੰਸੀ ਨੇ ਅਲਾਹਾਬਾਦ ਹਾਈ ਕੋਰਟ ਦੇ ਲਖਨਊ ਬੈਂਚ ਦੇ ਜਸਟਿਸ ਸ਼ੁਕਲਾ ਅਤੇ ਛੱਤੀਸਗੜ੍ਹ ਹਾਈ ਕੋਰਟ ਦੇ ਸੇਵਾਮੁਕਤ ਜੱਜ ਆਈ.ਐਮ. ਕੁਡੂਸੀ, ਪ੍ਰਸ਼ਾਦ ਐਜੂਕੇਸ਼ਨ ਟਰੱਸਟ ਦੇ ਭਗਵਾਨ ਪ੍ਰਸਾਦ ਯਾਦਵ ਅਤੇ ਪਲਾਸ਼ ਯਾਦਵ, ਟਰੱਸਟ ਅਤੇ ਨਿੱਜੀ ਵਿਅਕਤੀਆਂ ਭਾਵਨਾ ਪਾਂਡੇ ਅਤੇ ਸੁਧੀਰ ਗਿਰੀ ਨੂੰ ਮਾਮਲੇ ਚ ਨਾਮਜ਼ਦ ਕੀਤਾ ਹੈ।

 

ਮੁਲਜ਼ਮਾਂ ਖ਼ਿਲਾਫ਼ ਭਾਰਤੀ ਦੰਡ ਅਤੇ ਭ੍ਰਿਸ਼ਟਾਚਾਰ ਰੋਕੂ ਐਕਟ ਦੀ ਧਾਰਾ 120 ਬੀ (ਅਪਰਾਧਿਕ ਸਾਜਿਸ਼) ਦੇ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਐਫਆਈਆਰ ਦਰਜ ਕਰਨ ਤੋਂ ਬਾਅਦ ਸੀਬੀਆਈ ਨੇ ਲਖਨਊ, ਮੇਰਠ ਅਤੇ ਦਿੱਲੀ ਵਿੱਚ ਕਈ ਥਾਵਾਂ ’ਤੇ ਛਾਪੇ ਮਾਰਨੇ ਸ਼ੁਰੂ ਕਰ ਦਿੱਤੇ ਹਨ।

 

ਸੀਬੀਆਈ ਨੇ ਸ਼ੁੱਕਰਵਾਰ ਨੂੰ ਇਲਾਹਾਬਾਦ ਹਾਈ ਕੋਰਟ ਦੇ ਜਸਟਿਸ ਐਸ ਐਨ ਸ਼ੁਕਲਾ ਅਤੇ ਛੱਤੀਸਗੜ੍ਹ ਹਾਈ ਕੋਰਟ ਦੇ ਸੇਵਾਮੁਕਤ ਜਸਟਿਸ ਆਈਐਮ ਕੁਡੂਸੀ ਸਮੇਤ ਛੇ ਵਿਅਕਤੀਆਂ ਦੇ ਨਵੀਂ ਦਿੱਲੀ, ਲਖਨਊ ਅਤੇ ਮੇਰਠ ਦੇ ਠਿਕਾਣਿਆਂ ‘ਤੇ ਛਾਪੇ ਮਾਰੇ। ਛਾਪਾ ਇਕ ਅਜਿਹੇ ਕੇਸ ਨਾਲ ਜੁੜਿਆ ਹੋਇਆ ਹੈ ਜੋ ਨਿੱਜੀ ਮੈਡੀਕਲ ਕਾਲਜਾਂ ਨੂੰ ਬੇਲੋੜੇ ਲਾਭਾਂ ਨਾਲ ਜੋੜਦਾ ਹੈ।

 

ਛਾਪੇਮਾਰੀ ਵਿਚ ਚਲ ਅਤੇ ਅਚੱਲ ਜਾਇਦਾਦ ਤੋਂ ਇਲਾਵਾ ਇਸ ਕੇਸ ਨਾਲ ਸਬੰਧਤ ਕਾਗਜ਼ਾਤ ਵੀ ਬਰਾਮਦ ਕੀਤੇ ਗਏ ਹਨ। ਜਸਟਿਸ ਸ਼ੁਕਲਾ ਨੂੰ ਲਖਨਊ ਦੇ ਰਾਏਬਰੇਲੀ ਰੋਡ 'ਤੇ ਵਰਿੰਦਾਵਨ ਕਲੋਨੀ ਅਤੇ ਲਖਨਊ ਦੇ ਹਜ਼ਰਤਗੰਜ ਵਿਖੇ ਜਸਟਿਸ ਕੁਡੂਸੀ ਦੀ ਰਿਹਾਇਸ਼ ਅਤੇ ਨਵੀਂ ਦਿੱਲੀ ਦੇ ਗ੍ਰੇਟਰ ਕੈਲਾਸ਼ ਵਿਖੇ ਮਾਰੇ ਗਏ।

 

ਸੀਬੀਆਈ ਨੇ ਇਹ ਕੇਸ ਐਂਟੀ ਕੁਰੱਪਸ਼ਨ ਵਿੰਗ-2 ਦੇ ਡੀਐਸਪੀ ਮੁਕੇਸ਼ ਕੁਮਾਰ ਦੀ ਜਾਂਚ ਰਿਪੋਰਟ ਦੇ ਅਧਾਰ ਤੇ ਦਰਜ ਕੀਤਾ ਹੈ। ਇਸ ਚ ਜਸਟਿਸ ਐਸ ਐਨ ਸ਼ੁਕਲਾ, ਸੇਵਾਮੁਕਤ ਜਸਟਿਸ ਆਈਐਮ ਕੁਡੂਸੀ, ਨਵੀਂ ਦਿੱਲੀ ਨਿਵਾਸੀ ਭਾਵਨਾ ਪਾਂਡੇ, ਗੋਮਤੀ ਨਗਰ ਲਖਨ. ਨਿਵਾਸੀ ਬੀਪੀ ਯਾਦਵ ਅਤੇ ਉਸ ਦੇ ਬੇਟੇ ਪਲਾਸ਼ ਯਾਦਵ, ਮੇਰਠ ਨਿਵਾਸੀ ਸੁਧੀਰ ਗਿਰੀ, ਬੰਥਰਾ ਲਖਨਊ ਸਥਿਤ ਮੇਸਰਸ ਪ੍ਰਸਾਦ ਐਜੂਕੇਸ਼ਨਲ ਟਰੱਸਟ ਅਤੇ ਹੋਰ ਅਣਪਛਾਤੇ ਵਿਅਕਤੀਆਂ ਤੇ ਦੋਸ਼ ਲਾਇਆ ਗਿਆ ਹੈ। ਜਸਟਿਸ ਸ਼ੁਕਲਾ ਤੇ ਦੋਸ਼ ਹੈ ਕਿ ਉਹ ਐਮਬੀਬੀਐਸ ਕੋਰਸ ਚ ਦਾਖਲੇ ਲਈ ਨਿੱਜੀ ਮੈਡੀਕਲ ਕਾਲਜਾਂ ਦਾ ਪੱਖ ਪੂਰਦੇ ਹਨ।

 

ਕਾਰਜਕਾਰੀ ਜੱਜ ਵਿਰੁੱਧ ਪਹਿਲਾ ਕੇਸ

 

ਸੁਪਰੀਮ ਕੋਰਟ ਦੇ ਤਤਕਾਲੀ ਚੀਫ਼ ਜਸਟਿਸ (ਸੀਜੇਆਈ) ਜਸਟਿਸ ਰੰਜਨ ਗੋਗੋਈ ਨੇ 31 ਜੁਲਾਈ 2019 ਨੂੰ ਸੀਬੀਆਈ ਨੂੰ ਅਲਾਹਾਬਾਦ ਹਾਈ ਕੋਰਟ ਵਿੱਚ ਕੰਮ ਕਰ ਰਹੇ ਜਸਟਿਸ ਐਸ ਐਨ ਸ਼ੁਕਲਾ ਦੇ ਖ਼ਿਲਾਫ਼ ਭ੍ਰਿਸ਼ਟਾਚਾਰ ਰੋਕੂ ਐਕਟ ਤਹਿਤ ਕੇਸ ਦਾਇਰ ਕਰਨ ਦੀ ਆਗਿਆ ਦਿੱਤੀ ਸੀ। ਇਹ ਪਹਿਲਾ ਕੇਸ ਹੈ ਜਦੋਂ ਸੀਜੇਆਈ ਨੇ ਇੱਕ ਜਾਂਚ ਏਜੰਸੀ ਨੂੰ ਕਾਰਜਕਾਰੀ ਜਸਟਿਸ ਵਿਰੁੱਧ ਐਫਆਈਆਰ ਦਰਜ ਕਰਨ ਦੀ ਆਗਿਆ ਦਿੱਤੀ।

 

ਜਾਂਚ ਚ ਗ਼ਲਤ ਕੰਮ ਕਰਨ ਦਾ ਦੋਸ਼ੀ ਪਾਇਆ ਗਿਆ

 

ਤਤਕਾਲੀ ਸੀਜੇਆਈ ਜਸਟਿਸ ਦੀਪਕ ਮਿਸ਼ਰਾ ਨੇ ਵੀ ਜਸਟਿਸ ਸ਼ੁਕਲਾ ਖਿਲਾਫ ਜਾਂਚ ਦੀ ਸਿਫਾਰਸ਼ ਕੀਤੀ ਸੀ। ਉਸ ਸਮੇਂ ਸੁਪਰੀਮ ਕੋਰਟ ਦੁਆਰਾ ਗਠਿਤ ਇਕ ਅੰਦਰੂਨੀ ਜਾਂਚ ਕਮੇਟੀ ਨੇ ਜਸਟਿਸ ਸ਼ੁਕਲਾ ਨੂੰ ਗੰਭੀਰ ਗਲਤ ਕੰਮ ਕਰਨ ਲਈ ਦੋਸ਼ੀ ਪਾਇਆ ਸੀ। ਕਮੇਟੀ ਨੇ ਜਾਂਚ ਕੀਤੀ ਕਿ ਕੀ ਜਸਟਿਸ ਸ਼ੁਕਲਾ ਨੇ ਸੁਪਰੀਮ ਕੋਰਟ ਦੇ ਹੁਕਮਾਂ ਦੀ ਉਲੰਘਣਾ ਕਰਦਿਆਂ ਨਿੱਜੀ ਮੈਡੀਕਲ ਕਾਲਜਾਂ ਵਿੱਚ ਵਿਦਿਆਰਥੀਆਂ ਦੇ ਦਾਖਲੇ ਲਈ ਸਮੇਂ ਦੀ ਹੱਦ ਵਧਾ ਦਿੱਤੀ ਸੀ?

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:CBI files case against Allahabad High Court judge SN Shukla