ਅਗਲੀ ਕਹਾਣੀ

ਝਾਰਖੰਡ 'ਚ ਮਹਾਗੱਠਜੋੜ ਨੂੰ ਜਿਤਾਓ, ਅਸੀਂ ਕਰਾਂਗੇ ਜ਼ਮੀਨ ਦੀ ਰਾਖੀ : ਰਾਹੁਲ ਗਾਂਧੀ

ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਝਾਰਖੰਡ ਵਿੱਚ ਸਿਮਡੇਗਾ ਦੇ ਲੋਕਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਛੱਤੀਸਗੜ੍ਹ ਵਿੱਚ ਇੱਕ ਸਾਲ ਪਹਿਲਾਂ ਚੋਣਾਂ ਹੋਈਆਂ ਸਨ ਅਤੇ ਝਾਰਖੰਡ ਵਿੱਚ ਫੰਡਾਂ ਦੀ ਕੋਈ ਘਾਟ ਨਹੀਂ ਹੈ। ਪਰ ਪੈਸਾ ਲੋਕਾਂ ਦੇ ਹੱਥ ਵਿੱਚ ਨਹੀਂ ਹੈ। ਅੱਜ ਝਾਰਖੰਡ ਵਿੱਚ ਭਾਜਪਾ ਸਰਕਾਰ ਆਦਿਵਾਸੀਆਂ ਨੂੰ ਕੁਚਲਣ ਦਾ ਕੰਮ ਕਰ ਰਹੀ ਹੈ। ਛੱਤੀਸਗੜ੍ਹ ਵਿੱਚ ਵੀ ਅਜਿਹਾ ਹੀ ਹੋ ਰਿਹਾ ਸੀ।

 

ਕਾਂਗਰਸ ਨੇ ਇੱਕ ਸਾਲ ਵਿੱਚ ਛੱਤੀਸਗੜ੍ਹ ਦਾ ਚਿਹਰਾ ਬਦਲ ਦਿੱਤਾ ਹੈ। ਕਿਸਾਨਾਂ ਦੀ ਜ਼ਮੀਨ ਖੋਹ ਲਈ ਗਈ ਅਤੇ ਕੋਈ ਕਾਰਨ ਨਹੀਂ ਦਿੱਤਾ ਜਾਂਦਾ ਸੀ ਅਤੇ ਉਨ੍ਹਾਂ ਦੀ ਜ਼ਮੀਨ ਨੂੰ ਸਨਅਤਕਾਰਾਂ ਨੂੰ ਦੇ ਦਿੱਤੀ ਜਾਂਦੀ ਸੀ। 
 

ਅਸੀਂ ਉਥੇ ਬਹੁਤ ਸਾਰੇ ਕਾਨੂੰਨਾਂ ਨੂੰ ਬਦਲਿਆ ਅਤੇ ਪਹਿਲੀ ਵਾਰ ਉਦਯੋਗਪਤੀ ਤੋਂ ਜ਼ਮੀਨ ਲੈ ਕੇ ਕਿਸਾਨਾਂ ਨੂੰ ਵਾਪਸ ਕੀਤੀ ਗਈ। ਕਾਂਗਰਸ ਭੂਮੀ ਗ੍ਰਹਿਣ ਬਿੱਲ ਲੈ ਕੇ ਅਸੀਂ ਆਏ ਸੀ ਅਤੇ ਉਸ ਕਾਨੂੰਨ ਤਹਿਤ ਜੇ ਉਦਯੋਗਪਤੀ ਨੇ ਪੰਜ ਸਾਲਾਂ ਵਿੱਚ ਉਥੇ ਕਾਰੋਬਾਰ ਸ਼ੁਰੂ ਨਹੀਂ ਕੀਤਾ ਤਾਂ ਜ਼ਮੀਨ ਵਾਪਸ ਕਿਸਾਨਾਂ ਨੂੰ ਦੇ ਦਿੱਤੀ ਜਾਵੇਗੀ।


ਰਾਹੁਲ ਗਾਂਧੀ ਦੀ ਸਿਮਡੇਗਾ ਰੈਲੀ ਦੀਆਂ ਖ਼ਾਸ ਗੱਲਾਂ

1- ਝਾਰਖੰਡ ਦੀ ਲੋਕਾਂ ਨਾਲ ਵਾਅਦਾ ਕੀਤਾ ਹੈ ਕਿ ਛੱਤੀਸਗੜ੍ਹ ਦੀ ਤਰਜ਼ 'ਤੇ ਇਥੇ ਵੀ ਆਦਿਵਾਸੀਆਂ ਦੀ ਜ਼ਮੀਨ ਦੀ ਰਾਖੀ ਕੀਤੀ ਜਾਵੇਗੀ। ਕਿਸਾਨਾਂ ਨੂੰ ਫ਼ਸਲਾਂ ਦਾ ਉੱਚਿਤ ਭਾਅ ਦਿੱਤਾ ਜਾਵੇਗਾ।

2- ਗ਼ਰੀਬਾਂ ਨੂੰ ਮਨਰੇਗਾ ਦੇਣ 'ਤੇ ਜ਼ੋਰ ਦਿੰਦਿਆਂ ਕਿਹਾ ਗਿਆ ਕਿ ਮਜ਼ਦੂਰਾਂ ਨੂੰ ਪੈਸੇ ਦੇ ਕੇ ਹੀ ਰੁਜ਼ਗਾਰ ਵਧੇਗਾ, ਉਦਯੋਗਪਤੀਆਂ ਨੂੰ ਪੈਸੇ ਦੇਣ ਨਾਲ ਬੇਰੁਜ਼ਗਾਰੀ ਵਧੇਗੀ, ਘੱਟ ਨਹੀਂ ਹੋਵੇਗੀ।

3- ਝਾਰਖੰਡ ਦੇ ਲੋਕਾਂ ਨੂੰ ਐਲਾਨ ਕੀਤਾ ਕਿ ਜੇ ਤੁਸੀਂ ਆਪਣਾ ਪਾਣੀ, ਜੰਗਲ ਅਤੇ ਜ਼ਮੀਨ ਬਚਾਉਣਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਕਾਂਗਰਸ ਨੂੰ ਵੋਟ ਦੇਣਾ ਪਵੇਗਾ, ਮਹਾਗੱਠਜੋੜ ਨੂੰ ਜਿਤਾਉਣਾ ਪਵੇਗਾ।


4- ਜਿੱਥੇ ਵੀ ਭਾਜਪਾ ਦੀ ਸਰਕਾਰ ਹੈ, ਕਿਸਾਨਾਂ ਦੀ ਜ਼ਮੀਨ ਸਨਅਤਕਾਰਾਂ ਨੂੰ ਦਿੱਤੀ ਜਾਂਦੀ ਹੈ ਪਰ ਕਿਸਾਨਾਂ ਨੂੰ ਉਨ੍ਹਾਂ ਦੀ ਫ਼ਸਲ ਦਾ ਮੁੱਲ ਨਹੀਂ ਦਿੱਤਾ ਜਾਂਦਾ। ਭਾਜਪਾ ਨੇ ਕਿਧਰੇ ਵੀ ਕਿਸਾਨਾਂ ਦਾ ਕਰਜ਼ਾ ਮੁਆਫ਼ ਨਹੀਂ ਕੀਤਾ ਪਰ ਜਿਥੇ ਵੀ ਕਾਂਗਰਸ ਦੀ ਸਰਕਾਰ ਹੈ, ਕਿਸਾਨਾਂ ਦਾ ਕਰਜ਼ਾ ਮੁਆਫ਼ ਕੀਤਾ ਗਿਆ ਹੈ।

5 - ਤੁਹਾਨੂੰ ਡਰਾਇਆ ਹੋਇਆ ਹੈ, ਜੇ ਸਾਡੀ ਗੱਠਜੋੜ ਦੀ ਸਰਕਾਰ ਆਉਂਦੀ ਹੈ ਤਾਂ ਅਸੀਂ ਅਜਿਹਾ ਨਹੀਂ ਹੋਣ ਦੇਵਾਂਗੇ।
 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Congress leader Rahul Gandhi in public rally in Simdega Jharkhand win the grand alliance we will protect the land and give employment