ਕੋਰੋਨਾ ਵਾਇਰਸ ਦਾ ਲੌਕਡਾਊਨ ਪਾਰਟ -1 ਦੀ ਮਿਆਦ 14 ਅਪ੍ਰੈਲ ਨੂੰ ਖ਼ਤਮ ਹੋਣ ਵਾਲੀ ਸੀ, ਪਰ ਅੱਜ ਤਾਲਾਬੰਦੀ ਦੇ 21ਵੇਂ ਦਿਨ ਪੀਐਮ ਮੋਦੀ ਨੇ ਆਲ ਇੰਡੀਆ ਲੌਕਡਾਊਨ ਨੂੰ 3 ਮਈ ਤੱਕ ਵਧਾ ਦਿੱਤਾ। ਇਸ ਤਰ੍ਹਾਂ ਦੇਸ਼ ਵਿੱਚ ਕੋਰੋਨਾ ਵਾਇਰਸ ਦੇ ਜੋਖ਼ਮ ਦੇ ਮੱਦੇਨਜ਼ਰ 19 ਦਿਨਾਂ ਦਾ ਲੌਕਡਾਊਨ ਹੋਰ ਵੱਧ ਗਿਆ ਹੈ।
ਪੀਐਮ ਮੋਦੀ ਦੇ ਇਸ ਐਲਾਨ ਤੋਂ ਬਾਅਦ, ਹੁਣ 3 ਮਈ ਤੱਕ ਦੇਸ਼ ਵਿੱਚ ਨਾ ਤਾਂ ਰੇਲ ਗੱਡੀਆਂ ਚੱਲਣਗੀਆਂ ਅਤੇ ਨਾ ਹੀ ਘਰੇਲੂ ਜਾਂ ਅੰਤਰਰਾਸ਼ਟਰੀ ਜਹਾਜ਼। ਇਸ ਤੋਂ ਪਹਿਲਾਂ, ਪੀਐਮ ਮੋਦੀ ਨੇ 24 ਅਪ੍ਰੈਲ ਨੂੰ 21 ਦਿਨਾਂ ਦੀ ਤਾਲਾਬੰਦੀ ਦਾ ਐਲਾਨ ਕੀਤਾ ਸੀ, ਜਿਸ ਤੋਂ ਬਾਅਦ ਰੇਲ ਅਤੇ ਹਵਾਈ ਆਵਾਜਾਈ ਰੱਦ ਕਰ ਦਿੱਤਾ ਗਿਆ ਸੀ। ਪਰ ਅੱਜ ਪ੍ਰਧਾਨ ਮੰਤਰੀ ਮੋਦੀ ਨੇ ਅਗਲੇ 19 ਦਿਨਾਂ ਲਈ ਮੁੜ ਤਾਲਾਬੰਦੀ ਦਾ ਐਲਾਨ ਕੀਤਾ ਹੈ।
ਪ੍ਰਧਾਨ ਮੰਤਰੀ ਮੋਦੀ ਦੇ ਦੇਸ਼ ਭਰ ਵਿੱਚ ਕੋਰੋਨਾ ਤਾਲਾਬੰਦੀ ਨੂੰ 3 ਮਈ ਤੱਕ ਵਧਾਉਣ ਦੇ ਐਲਾਨ ਤੋਂ ਬਾਅਦ, ਨਾਗਰਿਕ ਹਵਾਬਾਜ਼ੀ ਮੰਤਰਾਲੇ ਨੇ ਕਿਹਾ ਕਿ ਸਾਰੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਹਵਾਈ ਜਹਾਜ਼ਾਂ ਦੇ ਕੰਮਕਾਜ 3 ਮਈ ਨੂੰ ਰਾਤ 11.59 ਵਜੇ ਤੱਕ ਰੱਦ ਕਰ ਦਿੱਤੇ ਜਾਣਗੇ।
ਰੇਲਵੇ ਅਨੁਸਾਰ, 'ਭਾਰਤੀ ਰੇਲਵੇ ਦੀਆਂ ਸਾਰੀਆਂ ਯਾਤਰੀ ਰੇਲ ਸੇਵਾਵਾਂ ਸਮੇਤ ਪ੍ਰੀਮੀਅਮ ਟ੍ਰੇਨ, ਮੇਲ/ਐਕਸਪ੍ਰੈਸ ਟ੍ਰੇਨ, ਯਾਤਰੀ ਰੇਲ, ਉਪਨਗਰ ਰੇਲ, ਕੋਲਕਾਤਾ ਮੈਟਰੋ ਰੇਲ, ਕੋਂਕਣ ਰੇਲਵੇ ਆਦਿ 3 ਮਈ ਤੱਕ ਮੁਅੱਤਲ ਕਰ ਦਿੱਤੀਆਂ ਜਾਣਗੀਆਂ।
ਦਰਅਸਲ, ਇਸ ਗੱਲ ਦੀ ਸੰਭਾਵਨਾ ਸੀ ਕਿ 14 ਅਪ੍ਰੈਲ ਤੋਂ ਬਾਅਦ ਸਰਕਾਰ ਕੁਝ ਰੇਲ ਗੱਡੀਆਂ ਚਲਾ ਸਕਦੀ ਹੈ, ਪਰ ਦੇਸ਼ ਵਿੱਚ ਕੋਰੋਨਾ ਦੀ ਰਫਤਾਰ ਅਜੇ ਘੱਟ ਨਹੀਂ ਹੋਈ ਹੈ, ਜਿਸ ਕਾਰਨ ਨਾ ਸਿਰਫ ਤਾਲਾਬੰਦੀ ਦੀ ਮਿਆਦ ਵਧਾਈ ਗਈ ਹੈ, ਪਰ 3 ਮਈ ਤੱਕ ਰੇਲ ਅਤੇ ਜਹਾਜ਼ ਦੇ ਸੰਚਾਲਨ ਨੂੰ ਵੀ ਰੱਦ ਕਰ ਦਿੱਤਾ ਗਿਆ ਹੈ।
ਇਸ ਤੋਂ ਪਹਿਲਾਂ, ਰੇਲਵੇ ਮੰਤਰਾਲੇ ਨੇ ਦੇਸ਼ ਭਰ ਦੇ ਸਾਰੇ ਸੁਰੱਖਿਆ ਰੇਲਵੇ ਕਰਮਚਾਰੀਆਂ ਨੂੰ ਕਰਫਿਊ ਪਾਸ ਵੰਡੇ ਸਨ। ਰੇਲਵੇ ਮੰਤਰਾਲੇ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਕਿਹਾ ਸੀ ਕਿ ਦੋ ਦਿਨਾਂ ਤੋਂ ਸੁਰੱਖਿਆ ਨਾਲ ਜੁੜੇ ਰੇਲਵੇ ਕਰਮਚਾਰੀਆਂ ਨੂੰ ਕਰਫਿਊ ਪਾਸ ਦਿੱਤੇ ਜਾ ਰਹੇ ਹਨ। ਇਸ ਵਿੱਚ ਸੁਰੱਖਿਆ ਅਤੇ ਰਨਿੰਗ ਸਟਾਫ਼ ਦੇ ਨਾਲ ਵਿਭਾਗ ਦੇ ਸ਼ਨਾਖਤੀ ਕਾਰਡ ਦੇ ਨਾਲ, ਰੇਲਵੇ ਦੇ ਕਲਾਸ ਇੱਕ ਅਧਿਕਾਰੀ ਦਾ ਇੱਕ ਪੱਤਰ ਹੋਵੇਗਾ, ਤਾਂ ਜੋ ਡਿਊਟੀ ਲਈ ਰੇਲਵੇ ਸਟੇਸ਼ਨ ਪਹੁੰਚਣ ਵਿੱਚ ਉਹ ਪੁਲਿਸ ਤੋਂ ਮਨਜ਼ੂਰੀ ਲੈ ਸਕਣ।
.........
