ਅਗਲੀ ਕਹਾਣੀ

ਡੇਂਗੂ ਕਾਰਨ ਹੋਈ ਮੌਤ ਤਾਂ ਪੀੜਤ ਪਰਿਵਾਰ ਨੂੰ ਮਿਲੇਗਾ 25 ਲੱਖ ਦਾ ਮੁਆਵਜ਼ਾ: ਕੋਰਟ

ਇਲਾਹਾਬਾਦ ਹਾਈ ਕੋਰਟ ਨੇ ਡੇਂਗੂ ਤੋਂ ਨੌਜਵਾਨ ਦੀ ਮੌਤ ‘ਤੇ ਪੀੜਤ ਪਰਿਵਾਰ ਨੂੰ 25 ਲੱਖ ਰੁਪਏ ਮੁਆਵਜ਼ੇ ਦੇ ਨਿਰਦੇਸ਼ ਦਿੱਤੇ ਹਨ। ਅਦਾਲਤ ਨੇ ਸੂਬੇ ਦੇ ਸਾਰੇ ਜ਼ਿਲ੍ਹਾ ਕੁਲੈਕਟਰਾਂ ਨੂੰ ਡੇਂਗੂ ਦੀ ਰੋਕਥਾਮ ਲਈ ਸਾਰੇ ਲੋੜੀਂਦੇ ਉਪਰਾਲੇ ਕਰਨ ਅਤੇ ਇਸ ਦੀ ਨਿਗਰਾਨੀ ਕਰਨ ਦੇ ਨਿਰਦੇਸ਼ ਦਿੱਤੇ ਹਨ।

 

ਅਦਾਲਤ ਨੇ ਕਿਹਾ ਕਿ ਡੇਂਗੂ ਦੀ ਰੋਕਥਾਮ ਲਈ ਸਥਾਪਿਤ ਵਿਸ਼ੇਸ਼ ਹਸਪਤਾਲ ਅਤੇ ਖੂਨ ਦੀ ਵੱਖਰੀ ਇਕਾਈ ਨੂੰ ਪੂਰੀ ਤਰ੍ਹਾਂ ਕਾਰਜਸ਼ੀਲ ਰੱਖਿਆ ਜਾਣਾ ਚਾਹੀਦਾ ਹੈ ਤਾਂ ਜੋ ਡੇਂਗੂ ਮਰੀਜ਼ਾਂ ਨੂੰ ਇਲਾਜ ਵਿੱਚ ਕੋਈ ਮੁਸ਼ਕਲ ਪੇਸ਼ ਨਾ ਆਵੇ। ਇਸ ਦੇ ਨਾਲ ਹੀ ਸੂਬਾ ਸਰਕਾਰ ਨੂੰ ਸਵਰੂਪ੍ਰਾਨੀ ਨਹਿਰੂ ਹਸਪਤਾਲ ਵਿਚ ਡਾਇਲਸਿਸ ਯੂਨਿਟ ਲਈ ਲੋੜੀਂਦੇ ਫੰਡ ਮੁਹੱਈਆ ਕਰਵਾਉਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ।

 

ਇਹ ਹੁਕਮ ਜਸਟਿਸ ਪੀਕੇਐਸ ਬਘੇਲ ਅਤੇ ਜਸਟਿਸ ਪਿਯੂਸ਼ ਅਗਰਵਾਲ ਦੀ ਡਿਵੀਜ਼ਨ ਬੈਂਚ ਨੇ ਐਡਵੋਕੇਟ ਬੀਪੀ ਮਿਸ਼ਰਾ ਦੇ ਬੇਟੇ ਦੀ ਡੇਂਗੂ ਕਾਰਨ ਮੌਤ ਦੇ ਮਾਮਲੇ ‘ਤੇ ਵਿਚਾਰ ਅਧੀਨ ਪਟੀਸ਼ਨ ਤੇ ਜਾਰੀ ਕੀਤੇ।

 

ਐਡਵੋਕੇਟ ਬੀਪੀ ਮਿਸ਼ਰਾ ਦੇ ਬੇਟੇ ਦੀ ਸਾਲ 2016 ਵਿੱਚ ਡੇਂਗੂ ਕਾਰਨ ਮੌਤ ਹੋ ਗਈ ਸੀ। ਬੇਟੇ ਦੀ ਮੌਤ ਤੋਂ ਬਾਅਦ ਉਨ੍ਹਾਂ ਨੇ ਚੀਫ਼ ਜਸਟਿਸ ਨੂੰ ਇੱਕ ਪੱਤਰ ਭੇਜ ਕੇ ਇਲਾਜ ਚ ਅਣਗਹਿਲੀ ਦੀ ਸ਼ਿਕਾਇਤ ਕੀਤੀ। ਅਦਾਲਤ ਨੇ ਪੱਤਰ ਨੂੰ ਇੱਕ ਜਨਹਿਤ ਮੁਕੱਦਮਾ ਮੰਨਿਆ।

 

ਅਦਾਲਤ ਨੇ ਕਿਹਾ ਕਿ ਡਾਕਟਰਾਂ ਵਲੋਂ ਬਿਮਾਰੀ ਦੇ ਸਹੀ ਕਾਰਨਾਂ ਦਾ ਪਤਾ ਨਾ ਲਗਾ ਸਕਣ ਕਾਰਨ ਨੌਜਵਾਨ ਦੀ ਮੌਤ ਹੋ ਗਈ। ਡਾਕਟਰ ਇਹ ਨਹੀਂ ਜਾਣ ਸਕੇ ਕਿ ਉਸਨੂੰ ਡੇਂਗੂ ਹੈ ਤੇ ਉਸਨੂੰ ਅਜਿਹੀਆਂ ਦਵਾਈਆਂ ਦਿੱਤੀਆਂ ਗਈਆਂ ਜੋ ਡੇਂਗੂ ਮਰੀਜ਼ ਲਈ ਘਾਤਕ ਹਨ। ਬਾਅਦ ਚ ਡਾਕਟਰਾਂ ਦੁਆਰਾ ਦਿੱਤੀਆਂ ਐਂਟੀਬਾਇਓਟਿਕਸ ਕਾਰਨ ਮਰੀਜ਼ ਦੀ ਸਥਿਤੀ ਵਿਗੜ ਗਈ ਅਤੇ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ।

 

ਅਦਾਲਤ ਨੇ ਇਸ ਮਾਮਲੇ ਚ ਸੂਬਾ ਸਰਕਾਰ ਤੋਂ ਜਵਾਬ ਮੰਗਿਆ। ਸੂਬਾ ਸਰਕਾਰ ਦੁਆਰਾ ਦੱਸਿਆ ਗਿਆ ਕਿ ਵੈਕਟਰ ਬਾਂਡ ਦੀ ਬਿਮਾਰੀ ਨੂੰ ਰੋਕਣ ਲਈ ਸਾਰੇ ਉਪਰਾਲੇ ਕੀਤੇ ਗਏ ਹਨ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Death due to dengue family will get 25 lakh rupees compensation: HC