ਬਲੀਆ ਜ਼ਿਲ੍ਹੇ ਦੇ ਬੈਰੀਆ ਖੇਤਰ ਵਿਚ ਐਤਵਾਰ ਸਵੇਰੇ ਗੰਗਾ ਨਦੀ ਵਿਚ ਨਹਾਉਣ ਸਮੇਂ ਦੋ ਨੌਜਵਾਨਾਂ ਦੀ ਡੁੱਬਕੇ ਮੌਤ ਹੋ ਗਈ। ਪੁਲਿਸ ਸੂਤਰਾਂ ਨੇ ਇੱਥੇ ਦੱਸਿਆ ਕਿ ਬੈਰੀਆ ਥਾਣਾ ਖੇਤਰ ਦੇ ਚਾਂਦਪੁਰ ਪਿੰਡ ਦੇ ਪੁਨੇਸ਼ ਕੁਮਾਰ ਸਿੰਘ (16), ਅਭਿਸ਼ੇਕ ਕੁਮਾਰ ਸਿੰਘ (12), ਆਦਤਿਆ ਸਿੰਘ (14), ਆਦਰਸ਼ ਕੁਮਾਰ ਸਿੰਘ (12) ਅਤੇ ਕਲੂ ਉਰਫ ਰਾਮੇਸ਼ਵਰ ਗੁਪਤ (14) ਸਤੀਘਾਟ ਭੁਸੌਲਾ ਗ੍ਰਾਮ ਵਿਚ ਗੰਗਾ ਨਦੀ ਵਿਚ ਸਵੇਰੇ ਨਹਾਉਣ ਗਏ ਸਨ।
ਇਸ ਵਿਚ ਉਹ ਡੂੰਘੇ ਪਾਣੀ ਵਿਚ ਚਲੇ ਗਏ। ਚੀਕ–ਪੁਕਾਰ ਸੁਣਕੇ ਆਸਪਾਸ ਮੌਜੂਦ ਪਿੰਡ ਵਾਸੀਆਂ ਨੇ ਡੁੱਬ ਰਹੇ ਲੜਕਿਆਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ। ਉਨ੍ਹਾਂ ਵਿਚੋਂ ਪੁਨੇਸ਼ ਅਤੇ ਕਲੂ ਦੀ ਡੁੱਬਣ ਨਾਲ ਮੌਤ ਹੋ ਗਈ। ਅਭਿਸ਼ੇਕ, ਆਦਤਿਆ ਅਤੇ ਆਦਰਸ਼ ਨੂੰ ਪਿੰਡ ਵਾਸੀਆਂ ਨੇ ਬਚਾਅ ਲਿਆ। ਪੁਲਿਸ ਨੇ ਦੋਵਾਂ ਲਾਸ਼ਾਂ ਨੂੰ ਆਪਦੇ ਕਬਜ਼ੇ ਵਿਚ ਲੈ ਲਿਆ।
