ਪਾਕਿਸਤਾਨੀ ਫੌਜ ਅਤੇ ਖੁਫੀਆ ਏਜੰਸੀ, ਇੰਟਰ ਸਰਵਿਸ ਇੰਟੇਲੀਜੈਂਸ ਨੇ ਅੱਤਵਾਦੀ ਸੰਗਠਨਾਂ ਨੂੰ ਆਦੇਸ਼ ਦਿੱਤੇ ਹਨ ਕਿ ਉਹ ਜੰਮੂ ਤੇ ਕਸ਼ਮੀਰ ਵਿਚ ਪ੍ਰਮੁੱਖ ਧਰਮਿਕ ਸਥਾਨਾਂ ਨੂੰ ਨਿਸ਼ਾਨਾ ਬਣਾਉਣ। ਉਚ ਪੱਧਰੀ ਸੂਤਰਾਂ ਅਨੁਸਾਰ ਬੁੱਧਵਾਰ ਨੂੰ ਕਿਹਾ ਕਿ ਪਤਾ ਚਲਿਆ ਹੈ ਕਿ ਪਾਕਿਤਸਤਾਨ ਫੌਜ ਅਤੇ ਆਈਐਸਆਈ ਨਵਗਠਿਤ ਕੇਂਦਰ ਸ਼ਾਸਤ ਪ੍ਰਦੇਸ਼ ਦਾ ਮਾਹੌਲ ਖਰਾਬ ਕਰਨਾ ਚਾਹੁੰਦੀ ਹੈ।
ਕੇਂਦਰ ਸਰਕਾਰ ਵੱਲੋਂ ਪੰਜ ਅਗਸਤ ਨੂੰ ਸੰਵਿਧਾਨ ਦੀ ਧਾਰਾ 370 ਨੂੰ ਰੱਦ ਕੀਤੇ ਜਾਣ ਬਾਅਦ ਇਸ ਸੂਬੇ ਵਿਚ ਪਾਬੰਦੀ ਲਾਗੂ ਹੈ। ਇਹ ਜਾਣਕਾਰੀ ਉਦੋਂ ਸਾਹਮਣੇ ਆਈ ਹੈ, ਜਦੋਂ ਉਚ ਪੱਧਰੀ ਸੂਤਰਾਂ ਨੇ ਪਾਕਿਸਤਾਨ ਅਤੇ ਜੰਮੂ ਤੇ ਕਸ਼ਮੀਰ ਵਿਚ ਫੜੀ ਗਈ ਖੁਫੀਆ ਜਾਣਕਾਰੀ ਉਤੇ ਆਧਾਰਿਤ ਵੇਰਵਾ ਸਾਂਝ ਕੀਤਾ।
