ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਸਾਵਧਾਨ: ਜੇ ਡਾਕਟਰ ਦੇ ਕਹਿਣ ‘ਤੇ ਨਹੀਂ ਕਰਵਾਈ ਜਾਂਚ ਤਾਂ ਦਰਜ ਹੋਵੇਗਾ ਕੇਸ 

ਕੋਰੋਨਾ ਨਾਲ ਪ੍ਰਭਾਵਿਤ ਮਰੀਜ਼ਾਂ ਦੀ ਪਛਾਣ ਕਰਨ ਲਈ ਸਿਹਤ ਵਿਭਾਗ ਨੇ ਹਾਟਸਪੌਟ ਵਾਲੇ ਖੇਤਰਾਂ ਸਮੇਤ ਸਿਹਤ ਕੇਂਦਰਾਂ 'ਤੇ ਸ਼ੱਕੀਆਂ ਦੀ ਜਾਂਚ ਵੀ ਤੇਜ਼ ਕਰ ਦਿੱਤੀ ਹੈ। ਅਜਿਹੀ ਸਥਿਤੀ ਵਿੱਚ ਡਾਕਟਰਾਂ ਨੂੰ ਹਦਾਇਤ ਕੀਤੀ ਗਈ ਹੈ ਕਿ ਜੇ ਕੋਈ ਸ਼ੱਕੀ ਲੱਛਣਾਂ ਨਾਲ ਮਿਲਦਾ ਹੈ ਅਤੇ ਉਨ੍ਹਾਂ ਦੇ ਕਹਿਣ ‘ਤੇ ਕੋਰੋਨਾ ਜਾਂਚ ਕਰਵਾਉਣ ਤੋਂ ਇਨਕਾਰ ਕਰਦਾ ਹੈ ਤਾਂ ਉਹ ਪੁਲਿਸ ਨੂੰ ਸ਼ਿਕਾਇਤ ਕਰਨ। ਉਸ ਵਿਰੁਧ ਕੇਸ ਦਰਜ ਕੀਤਾ ਜਾਵੇਗਾ।
 

ਦਰਅਸਲ, ਸਿਹਤ ਵਿਭਾਗ ਦੇ ਕੰਟਰੋਲ ਰੋਮ 108 ਉੱਤੇ ਬਹੁਤ ਸਾਰੇ ਲੋਕ ਦਿਨ ਵੇਲੇ ਫੋਨ ਕਰਦੇ ਹਨ ਕਿ ਉਨ੍ਹਾਂ ਦੇ ਇਲਾਕੇ ਵਿੱਚ ਕੋਰੋਨਾ ਸ਼ੱਕੀ ਹੈ। ਇੱਕ ਐਂਬੂਲੈਂਸ ਭੇਜੀ ਜਾਂਦੀ ਪਰ ਉਹ ਆਉਣ ਤੋਂ ਨਾਂਹ ਕਰ ਦਿੱਤਾ ਹੈ।
 

ਅਧਿਕਾਰੀਆਂ ਅਨੁਸਾਰ ਐਂਬੂਲੈਂਸ ਚਾਲਕਾਂ ਨੇ ਇਸ ਬਾਰੇ ਕਈ ਵਾਰ ਸ਼ਿਕਾਇਤ ਵੀ ਕੀਤੀ ਹੈ। ਇਸ ਤੋਂ ਇਲਾਵਾ ਬਹੁਤ ਸਾਰੇ ਅਜਿਹੇ ਸ਼ੱਕੀ, ਜੋ ਡਾਕਟਰ ਵੱਲੋਂ ਕੋਰੋਨਾ ਜਾਂਚ ਕਰਵਾਉਣ ਲਈ ਸਿਵਲ ਹਸਪਤਾਲ ਆਉਂਦੇ ਹਨ, ਉਹ ਕੋਰੋਨਾ ਜਾਂਚ ਤੋਂ ਬਚਣ ਦਾ ਬਹਾਨਾ ਵੀ ਬਣਾਉਂਦੇ ਹਨ।

 

ਇਸ ਤਰ੍ਹਾਂ ਕਰਨਾ ਹੁਣ ਸ਼ੱਕੀ ਮਰੀਜ਼ਾਂ ਨੂੰ ਵੀ ਭਾਰੀ ਪੈ ਸਕਦਾ ਹੈ। ਡਾਕਟਰ ਦੇ ਕਹਿਣ ਉੱਤੇ ਜੇ ਜਾਂਚ ਨਹੀਂ ਕਰਵਾਈ ਤਾਂ ਉਸ ਵਿਰੁਧ ਪੁਲਿਸ ਵਿੱਚ ਸ਼ਿਕਾਇਤ ਕੀਤੀ ਜਾ ਸਕਦੀ ਹੈ।

 

ਸਿਵਲ ਸਰਜਨ ਡਾ ਜੇ ਐਸ ਪੂਨੀਆ ਨੇ ਕਿਹਾ ਕਿ ਹਾਲਾਂਕਿ ਅਜੇ ਤੱਕ ਅਜਿਹਾ ਕੋਈ ਮਾਮਲਾ ਸਾਹਮਣੇ ਨਹੀਂ ਆਇਆ ਹੈ, ਜੇਕਰ ਕੋਈ ਜਾਂਚ ਕਰਵਾਉਣ ਤੋਂ ਇਨਕਾਰ ਕਰਦਾ ਹੈ ਤਾਂ ਪੁਲਿਸ ਦੀ ਮਦਦ ਲੈ ਕੇ ਜਾਂਚ ਕੀਤੀ ਜਾਵੇਗੀ। ਵਿਭਾਗ ਇਹ ਯਕੀਨੀ ਬਣਾਉਮ ਲਈ ਹਰ ਸੰਭਵ ਯਤਨ ਕਰ ਰਿਹਾ ਹੈ ਕਿ ਕੋਰੋਨਾ ਦੀ ਲਾਗ ਕਿਸੇ ਵੀ ਤਰ੍ਹਾਂ ਨਾ ਫੈਲੇ। ਇਸ ਸਭ ਦੇ ਮੱਦੇਨਜ਼ਰ, ਹਰ ਤਰ੍ਹਾਂ ਦੇ ਸਖ਼ਤ ਕਦਮ ਚੁੱਕੇ ਜਾ ਰਹੇ ਹਨ।
 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:FIR will be registered against person who will not done coronavirus test on doctor advice in Gurugram