ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਗੁਜਰਾਤ ਰਾਜ ਸਭਾ ਚੋਣਾਂ: ਅਸਤੀਫ਼ਾ ਦੇਣ ਵਾਲੇ ਕਾਂਗਰਸ ਦੇ 5 ਵਿਧਾਇਕਾਂ ਨੂੰ ਪਾਰਟੀ ਨੇ ਕੀਤਾ ਮੁਅੱਤਲ 

ਗੁਜਰਾਤ ਵਿੱਚ ਰਾਜ ਸਭਾ ਚੋਣਾਂ ਤੋਂ ਪਹਿਲਾਂ ਅਸਤੀਫਾ ਦੇਣ ਵਾਲੇ ਪੰਜ ਕਾਂਗਰਸੀ ਵਿਧਾਇਕਾਂ ਦੀ ਮੁਢਲੀ ਮੈਂਬਰਸ਼ਿਪ ਪਾਰਟੀ ਨੇ ਖ਼ਤਮ ਕਰ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਗੁਜਰਾਤ ਵਿਧਾਨ ਸਭਾ ਦੇ ਸਪੀਕਰ ਰਾਜੇਂਦਰ ਤ੍ਰਿਵੇਦੀ ਨੇ ਸੋਮਵਾਰ (16 ਮਾਰਚ) ਨੂੰ ਸਦਨ ਨੂੰ ਦੱਸਿਆ ਕਿ ਕਾਂਗਰਸ ਦੇ ਪੰਜ ਵਿਧਾਇਕਾਂ ਨੇ ਅਸਤੀਫਾ ਦੇ ਦਿੱਤਾ ਹੈ ਅਤੇ ਉਨ੍ਹਾਂ ਦਾ ਅਸਤੀਫਾ ਮਨਜ਼ੂਰ ਕਰ ਲਿਆ ਹੈ। ਸਪੀਕਰ ਨੇ ਕਿਹਾ ਕਿ ਇਹ ਪੰਜ ਵਿਧਾਇਕ ਗੜ੍ਹਡਾ ਤੋਂ ਪ੍ਰਵੀਨ ਮਾਰੂ, ਅਬਦਸਾ ਤੋਂ ਪ੍ਰਦਿਯਮ ਸਿੰਘ ਜਡੇਜਾ, ਲਿੰਬਡੀ ਤੋਂ ਸੋਮਾ ਕੋਲੀ ਪਟੇਲ, ਧਾਰੀ ਤੋਂ ਜੇ ਵੀ ਕਾਕਡੀਆ ਅਤੇ ਡਾਂਗ ਤੋਂ ਮੰਗਲ ਗਵਿਤ ਹਨ।

 

 

 

 

ਪੰਜ ਵਿਧਾਇਕਾਂ ਦੇ ਅਸਤੀਫ਼ੇ ਨਾਲ 182 ਮੈਂਬਰੀ ਗੁਜਰਾਤ ਵਿਧਾਨ ਸਭਾ ਵਿੱਚ ਕਾਂਗਰਸ ਦੇ ਵਿਧਾਇਕਾਂ ਦੀ ਗਿਣਤੀ 73 ਤੋਂ ਘੱਟ ਕੇ 68 ਰਹਿ ਗਈ ਹੈ। ਰਾਜ ਸਭਾ ਚੋਣਾਂ ਤੋਂ ਪਹਿਲਾਂ ਸੱਤਾਧਾਰੀ ਭਾਜਪਾ ਵੱਲੋਂ ਘੋੜੇ-ਵਪਾਰ ਦੀ ਉਮੀਦ ਵਿੱਚ ਕਾਂਗਰਸ ਨੇ ਆਪਣੇ 14 ਵਿਧਾਇਕਾਂ ਨੂੰ ਸ਼ਨਿੱਚਰਵਾਰ (14 ਮਾਰਚ) ਨੂੰ ਜੈਪੁਰ ਭੇਜਿਆ ਸੀ। ਇੱਕ ਦਿਨ ਬਾਅਦ 15 ਮਾਰਚ ਨੂੰ ਕਾਂਗਰਸ ਨੇ 10 ਹੋਰ ਵਿਧਾਇਕਾਂ ਨੂੰ ਜੈਪੁਰ ਭੇਜਿਆ।

 

ਭਾਜਪਾ ਨੇ ਅਭੈ ਭਾਰਦਵਾਜ, ਰਮੀਲਾ ਬਾਰਾ ਅਤੇ ਨਰਹਰੀ ਅਮੀਨ ਨੂੰ ਚੋਣ ਲਈ ਮੈਦਾਨ ਵਿੱਚ ਉਤਾਰਿਆ ਹੈ। ਵਿਧਾਨ ਸਭਾ ਵਿੱਚ ਵਿਧਾਇਕਾਂ ਦੀ ਗਿਣਤੀ ਨੂੰ ਵੇਖਦੇ ਹੋਏ ਸੱਤਾਧਾਰੀ ਭਾਜਪਾ ਰਾਜ ਸਭਾ ਵਿੱਚ ਦੋ ਸੀਟਾਂ ਜਿੱਤ ਸਕਦੀ ਹੈ, ਤੀਜੀ ਸੀਟ ਉੱਤੇ ਜਿੱਤ ਦਰਜ ਕਰਨ ਲਈ ਉਸ ਨੂੰ ਕਰਾਸ ਵੋਟਿੰਗ ਕਰਾਉਣਾ ਹੋਵੇਗਾ ਜਾਂ ਕਾਂਗਰਸ ਵਿਧਾਇਕਾਂ ਦਾ ਬਲਬਦਲ ਕਰਵਾਉਣਾ ਹੋਵੇਗਾ। ਇਸ ਦੇ ਨਾਲ ਹੀ ਕਾਂਗਰਸ ਨੇ ਆਪਣੇ ਸੀਨੀਅਰ ਨੇਤਾਵਾਂ ਸ਼ਕਤੀ ਸਿੰਘ ਗੋਹਿਲ ਅਤੇ ਭਰਤ ਸਿੰਘ ਸੋਲੰਕੀ ਨੂੰ ਨਾਮਜ਼ਦ ਕੀਤਾ ਹੈ। ਰਾਜ ਸਭਾ ਦੀਆਂ ਚਾਰ ਸੀਟਾਂ 26 ਮਾਰਚ ਨੂੰ ਗੁਜਰਾਤ ਵਿਚ ਹੋਣੀਆਂ ਹਨ।
 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Gujarat Congress suspends five party MLA who resigned as legislators Ahead Rajya Sabha Elections