ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਦਿਲੀਪ ਪਾਰਿਖ ਦੀ ਲੰਬੀ ਬਿਮਾਰੀ ਤੋਂ ਬਾਅਦ ਸ਼ੁੱਕਰਵਾਰ ਨੂੰ ਇੱਕ ਨਿੱਜੀ ਹਸਪਤਾਲ ਵਿੱਚ ਮੌਤ ਹੋ ਗਈ। ਉਸ ਦੇ ਪਰਿਵਾਰ ਨੇ ਇਹ ਜਾਣਕਾਰੀ ਦਿੱਤੀ। ਉਹ 82 ਸਾਲਾਂ ਦੇ ਸਨ।
ਪਾਰਿਖ ਅਕਤੂਬਰ 1997 ਤੋਂ ਮਾਰਚ 1998 ਦਰਮਿਆਨ ਸੂਬੇ ਦੇ 13ਵੇਂ ਮੁੱਖ ਮੰਤਰੀ ਰਹੇ। ਉਸ ਸਮੇਂ ਉਹ ਸ਼ੰਕਰਸਿੰਘ ਵਾਘੇਲਾ ਵੱਲੋਂ ਬਣਾਈ ਗਈ ਰਾਸ਼ਟਰੀ ਜਨਤਾ ਪਾਰਟੀ (ਆਰਜੇਪੀ) ਦੇ ਨਾਲ ਸਨ, ਜੋ ਕਿ ਭਾਜਪਾ ਤੋਂ ਵੱਖਰੇ ਤੌਰ ਉੱਤੇ ਬਣਾਈ ਗਈ ਸੀ। ਪਾਰਿਖ ਦੀ ਸਰਕਾਰ ਨੂੰ ਕਾਂਗਰਸ ਦਾ ਸਮਰੱਥਨ ਪ੍ਰਾਪਤ ਸੀ।
ਪਾਰਿਖ ਨੇ ਆਪਣੇ ਰਾਜਨੀਤਿਕ ਜੀਵਨ ਦੀ ਸ਼ੁਰੂਆਤ 1990 ਦੇ ਅੱਧ ਵਿੱਚ ਭਾਜਪਾ ਵਿਧਾਇਕ ਵਜੋਂ ਕੀਤੀ ਸੀ। ਉਹ ਇੱਕ ਉਦਯੋਗਪਤੀ ਸਨ ਅਤੇ ਗੁਜਰਾਤ ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਦੇ ਪ੍ਰਧਾਨ ਵੀ ਰਹਿ ਚੁੱਕੇ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪਾਰਿਖ ਦੀ ਮੌਤ 'ਤੇ ਸੋਗ ਜ਼ਾਹਰ ਕਰਦਿਆਂ ਕਿਹਾ ਹੈ ਕਿ ਉਨ੍ਹਾਂ ਨੇ ਪੂਰੇ ਤਨਦੇਹੀ ਨਾਲ ਗੁਜਰਾਤ ਦੇ ਲੋਕਾਂ ਲਈ ਕੰਮ ਕੀਤਾ।
Dilipbhai Parikh made a mark in the world of industry and public service. He worked for the people of Gujarat with utmost dedication. His affable nature endeared him to people across all walks of life. Saddened by his demise. My condolences to his family and admirers. Om Shanti!
— Narendra Modi (@narendramodi) October 25, 2019
ਮੋਦੀ ਨੇ ਟਵੀਟ ਕੀਤਾ ਕਿ ਦਿਲੀਪ ਭਾਈ ਪਾਰਿਖ ਨੇ ਉਦਯੋਗ ਅਤੇ ਲੋਕ ਸੇਵਾ ਦੀ ਦੁਨੀਆ ਵਿੱਚ ਆਪਣੀ ਪਛਾਣ ਬਣਾਈ। ਉਸ ਨੇ ਪੂਰੇ ਤਨਦੇਹੀ ਨਾਲ ਗੁਜਰਾਤ ਦੇ ਲੋਕਾਂ ਲਈ ਕੰਮ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਆਪਣੇ ਮਿਲਣਸਾਰ ਸੁਭਾਅ ਕਾਰਨ, ਉਨ੍ਹਾਂ ਨੇ ਹਰ ਵਰਗ ਦੇ ਲੋਕਾਂ ਦੇ ਦਿਲਾਂ ਵਿੱਚ ਜਗ੍ਹਾ ਬਣਾਈ। ਮੈਂ ਉਨ੍ਹਾਂ ਦੇ ਦੇਹਾਂਤ ਤੋਂ ਦੁਖੀ ਹਾਂ। ਉਨ੍ਹਾਂ ਦੇ ਪਰਿਵਾਰ ਅਤੇ ਪ੍ਰਸ਼ੰਸਕਾਂ ਪ੍ਰਤੀ ਮੇਰੀ ਸੰਵੇਦਨਾਵਾਂ, ਓਮ ਸ਼ਾਂਤੀ!
Saddened by the demise of Shri Dilip Parikh Ji - Former Chief Minister of Gujarat . I pray for the departed soul. I express my deepest condolences to his family and friends.
— Vijay Rupani (@vijayrupanibjp) October 25, 2019
Om Shanti...
ਗੁਜਰਾਤ ਦੇ ਮੁੱਖ ਮੰਤਰੀ ਵਿਜੇ ਰੂਪਾਨੀ ਨੇ ਵੀ ਟਵੀਟ ਕਰਕੇ ਮਰਹੂਮ ਮੁੱਖ ਮੰਤਰੀ ਨੂੰ ਸ਼ਰਧਾਂਜਲੀ ਦਿੱਤੀ। ਰੂਪਾਨੀ ਨੇ ਕਿਹਾ ਕਿ ਮੈਂ ਗੁਜਰਾਤ ਦੇ ਸਾਬਕਾ ਮੁੱਖ ਮੰਤਰੀ ਦਿਲੀਪ ਪਾਰਿਖ ਦੇ ਦੇਹਾਂਤ ਤੋਂ ਦੁਖੀ ਹਾਂ। ਮੈਂ ਵਿਛੜੀ ਰੂਹ ਦੀ ਸ਼ਾਂਤੀ ਲਈ ਅਰਦਾਸ ਕਰਦਾ ਹਾਂ।
