ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਹਰਿਆਣਾ: ਬਿਜਲੀ ਵੰਡ ਕੰਪਨੀਆਂ ਦਾ ਸਕਲ ਤਕਨੀਕੀ ਤੇ ਵਪਾਰਕ ਘਾਟਾ ਘਟਿਆ

ਹਰਿਆਣਾ ਦੇ ਬਿਜਲੀ ਅਤੇ ਨਵੀਨ ਤੇ ਨਵੀਨੀਕਰਣ ਊਰਜਾ ਮੰਤਰੀ ਰਣਜੀਤ ਸਿੰਘ ਨੇ ਕਿਹਾ ਕਿ ਪਿਛਲੇ ਤਿੰਨ ਸਾਲਾਂ ਵਿਚ ਸੂਬੇ ਵਿਚ ਬਿਜਲੀ ਵੰਡ ਕੰਪਨੀਆਂ ਦੇ ਸਕਲ ਤਕਨੀਕੀ ਅਤੇ ਵਪਾਰਕ ਘਾਟੇ (ਏਟੀ ਐਂਡ ਸੀ ਲਾਸ) ਵਿਚ 12.5 ਫੀਸਦੀ ਦੀ ਵਰਨਣਯੋਗ ਕਮੀ ਆਈ ਹੈ। ਮਾਰਚ 2019 ਵਿਚ ਏਟੀ ਐਂਡ ਸੀ ਲਾਸ 17.45 ਫੀਸਦੀ ਰਿਹਾ ਜਦੋਂ ਕਿ ਮਾਰਚ 2024 ਤਕ ਇਸ ਨੂੰ ਘੱਟ ਕਰ ਕੇ 14.53 ਫੀਸਦੀ ਤਕ ਲਿਆਉਣ ਦਾ ਟੀਚਾ ਹੈ।

 

ਬਿਜਲੀ ਮੰਤਰੀ ਨੇ ਅੱਜ ਇੱਥੇ ਇਹ ਜਾਣਕਾਰੀ ਦਿੰਦੇ ਹੋਏ ਦਸਿਆ ਕਿ ਸੂਬੇ ਵਿਚ 95.96 ਕਰੋੜ ਰੁਪਏ ਦੀ ਲਾਗਤ ਨਾਲ 11 ਕੇ.ਵੀ. ਅਤੇ 33 ਕੇ.ਵੀ. ਦੀ 2539 ਖਤਕਨਾਕ ਲਾਇਨਾਂ ਨੂੰ ਚੋਣ ਕੀਤੀ ਹੈ। ਇੰਨਾਂ ਵਿੱਚੋਂ 595 ਲਾਇਨਾਂ ਨੂੰ ਸ਼ਿਫਟ ਕੀਤਾ ਜਾ ਚੁੱਕਾ ਹੈ ਜਦੋਂ ਕਿ ਬਾਕੀ ਦਾ ਕੰਮ ਉੱਚ ਪਹਿਲ ਦੇ ਆਧਾਰ 'ਤੇ ਕੀਤਾ ਜਾ ਰਿਹਾ ਹੈ। 

 

ਉਨਾਂ ਦਸਿਆ ਕਿ ਇਸ ਸਮੇਂ ਸੂਬੇ ਵਿਚ 7045 ਪਿੰਡਾਂ ਵਿੱਚੋਂ 4254 ਪਿੰਡਾਂ ਵਿਚ 24 ਘੰਟੇ ਬਿਜਲੀ ਜਦੋਂ ਕਿ ਜਦੋਂ ਕਿ 2791 ਪਿੰਡਾਂ ਵਿਚ ਸਾਢੇ 16 ਘੰਟੇ ਬਿਜਲੀ ਦਿੱਤੀ ਜਾ ਰਹੀ ਹੈ। ਇਸ ਤਰਾਂ, ਸ਼ਹਿਰੀ ਅਤੇ ਉਦਯੋਗਿਕ ਖੇਤਰ ਵਿਚ 24 ਘੰਟੇ ਬਿਜਲੀ ਦੀ ਸਪਲਾਈ ਕੀਤੀ ਜਾ ਰਹੀ ਹੈ।

 

ਉਨਾਂ ਦਸਿਆ ਕਿ ਬਿਜਲੀ ਸਪਲਾਈ ਨਾਲ ਜੁੜੀ ਸ਼ਿਕਾਇਤਾਂ ਦਰਜ ਕਰਵਾਉਣ ਲਈ ਟੋਲ ਫਰੀ ਨੰਬਰ 1912 ਉਪੱਲਬਧ ਕਰਵਾਇਆ ਗਿਆ ਹੈ। ਇਸ ਦੇ ਲਈ ਗੁਰੂਗ੍ਰਾਮ ਅਤੇ ਮੋਹਾਲੀ ਵਿਚ ਦੋ ਕਾਲ ਸੈਂਟਰ ਕੰਮ ਕਰ ਰਹੇ ਹਨ, ਜਿੱਥੇ ਹਰੇਕ ਸ਼ਿਕਾਇਤ ਦਾ ਫੀਡਬੈਕ ਲਿਆ ਜਾਂਦਾ ਹੈ। ਇਸ ਨੰਬਰ 'ਤੇ ਕੀਤੀ ਗਈ ਸ਼ਿਕਾਇਤਾਂ 'ਤੇ ਸਬੰਧਿਤ ਅਧਿਕਾਰੀ ਜਾਂ ਕਰਮਚਾਰੀ ਵੱਲੋਂ ਕਾਰਵਾਈ ਕਰਨ ਦਾ ਸਮੇਂ ਸ਼ਹਿਰੀ ਖੇਤਰ ਵਿਚ 4 ਘੰਟੇ ਜਦੋਂ ਕਿ ਗ੍ਰਾਮੀਣ ਖੇਤਰ ਵਿਚ 8 ਘੰਟੇ ਨਿਰਧਾਰਿਤ ਕੀਤਾ ਗਿਆ ਹੈ। 

 

ਉਨਾਂ ਦਸਿਆ ਕਿ ਸ਼ਿਕਾਇਤ ਹੱਲ ਦਾ ਐਸਤ ਸਮੇਂ ਉੱਤਰ ਹਰਿਆਣਾ ਬਿਜਲੀ ਵੰਡ ਨਿਗਮ ਵਿਚ 3.22 ਘੰਟੇ ਜਦੋਂ ਕਿ ਦੱਖਣ ਹਰਿਆਣਾ ਬਿਜਲੀ ਵੰਡ ਨਿਗਮ ਵਿਚ 2.49 ਘੰਟੇ ਹੈ। ਇਸ ਤੋਂ ਇਲਾਵਾ, ਸ਼ਹਿਰੀ ਖੇਤਰਾਂ ਵਿਚ ਔਸਤ ਨਿਪਟਾਉਣ ਸਮੇਂ ਨੂੰ 2 ਘੰਟੇ ਤੋਂ ਵੀ ਘੱਟ ਕਰਨ ਦੇ ਯਤਨ ਕੀਤੇ ਜਾ ਰਹੇ ਹਨ।

 

ਬਿਜਲੀ ਮੰਤਰੀ ਨੇ ਦਸਿਆ ਕਿ ਸੂਬੇ ਵਿਚ 10 ਲੱਖ ਸਮਾਰਟ ਮੀਟਰ ਲਗਾਏ ਜਾ ਰਹੇ ਹਨ ਜਿਨਾਂ ਵਿੱਚੋਂ ਗੁਰੂਗ੍ਰਾਮ ਅਤੇ ਕਰਨਾਲ ਸ਼ਹਿਰ ਵਿਚ ਲਗਭਗ 70 ਹਜਾਰ ਮੀਟਰ ਲਗਾਏ ਜਾ ਚੁੱਕੇ ਹਨ। ਬਕਾਇਆ ਮੀਟਰ 31 ਮਾਰਚ, 2020 ਤਕ ਲਗਾਏ ਜਾਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ, 2024 ਤਕ 20 ਲੱਖ ਹੋਰ ਸਮਾਰਟ ਮੀਟਰ ਲਗਾਏ ਜਾਣ ਦੀ ਯੋਜਨਾ ਹੈ ਜਿਨਾਂ ਦੀ ਖਰੀਦ ਦੀ ਪ੍ਰਕ੍ਰਿਆ ਸ਼ੁਰੂ ਕੀਤੀ ਜਾ ਚੁੱਕੀ ਹੈ। 

 

ਉਨਾਂ ਦਸਿਆ ਕਿ ਮੌਜੂਦਾ ਵਿਚ 97 ਸਬ-ਡਿਵੀਜਨਾਂ ਨੂੰ  ਸੈਂਟਰਲਾਇਜਡ ਆਈਟੀ ਬਿਲਿੰਗ ਪਲੇਟਫਾਰਮ ਨਾਲ ਜੋੜਿਆ ਗਿਆ ਹੈ। ਇਸ ਤੋਂ ਇਲਾਵਾ, ਜੂਨ 2020 ਤਕ 42 ਸਬ-ਡਿਵੀਜਨਾਂ ਜਦੋਂ ਕਿ ਸਤੰਬਰ, 2020 ਤਕ 103 ਸਬ-ਡਿਵੀਜਨਾਂ ਨੂੰ ਸਿੰਗਲ ਬਿਲਿੰਗ ਪਲੇਟਫਾਰਮ ਨਾਲ ਜੋੜਨ ਦਾ ਟੀਚਾ ਹੈ।

 

ਉਨਾਂ ਦਸਿਆ ਕਿ ਮੌਜੂਦਾ ਵਿਚ ਲਗਭਗ 2563 ਏ.ਪੀ. ਫੀਡਰਾਂ 'ਤੇ 51 ਹਜਾਰ ਤੋਂ ਵੱਧ ਢਾਣੀਆਂ ਜੁੜੀਆਂ ਹੋਈਆਂ ਹਨ। ਏ.ਪੀ. ਫੀਡਰ 'ਤੇ ਪੀ.ਏ.ਟੀ. ਟ੍ਰਾਂਸਫਾਰਮਰ ਲਗਾਉਣ ਦੇ ਬਾਅਦ, ਇੰਨਾਂ ਢਾਣੀਆਂ ਨੂੰ ਸਾਢੇ 16 ਘੰਟੇ ਦੇ ਗ੍ਰਾਮੀਣ ਘਰੇਲੂ ਸ਼ੈਡਯੂਲ 'ਤੇ ਬਿਜਲੀ ਸਪਲਾਈ ਕੀਤੀ ਜਾ ਰਹੀ ਹੈ। ਇਸ ਸਮੇਂ ਪੀ.ਏ.ਟੀ. ਰਾਹੀਂ ਲਗਭਗ 40 ਹਜਾਰ ਢਾਣੀਆਂ ਨੂੰ ਕਵਰ ਕੀਤਾ ਗਿਆ ਹੈ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Haryana: Electricity distribution companies lose their technical and business losses