ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

CAA ਵਿਰੋਧੀਆਂ ’ਤੇ ਭਾਜਪਾ ਦਾ ਵਾਰ, ਹੱਥ ’ਚ ਸੰਵਿਧਾਨ-ਦਿਲ ’ਚ ਵਾਰਸ ਪਠਾਨ

ਬੀਜੇਪੀ ਨੇ ਸ਼ੁੱਕਰਵਾਰ (21 ਫਰਵਰੀ) ਏਆਈਐਮਆਈਐਮ ਦੇ ਨੇਤਾ ਵਾਰਿਸ ਪਠਾਨ ਦੇ ਵਿਵਾਦਪੂਰਨ ਬਿਆਨ ਦੀ ਤਿੱਖੀ ਅਲੋਚਨਾ ਕਰਦਿਆਂ ਕਿਹਾ ਕਿ ਸੋਧੇ ਹੋਏ ਸਿਟੀਜ਼ਨਸ਼ਿਪ ਐਕਟ (ਸੀਏਏ) ਦੇ ਵਿਰੋਧ ਦੇ ਨਾਮ ’ਤੇ ਨਫ਼ਰਤ ਦੀ ਸਾਜਿਸ਼ ਅਤੇ ਰਾਜਨੀਤੀ ਚਲ ਰਹੀ ਹੈ। ਇਹ ਸਾਬਤ ਕਰਦਾ ਹੈ ਕਿ ਇਨ੍ਹਾਂ ਲੋਕਾਂ ਦੇ ਹੱਥਾਂ ਵਿੱਚ ਸੰਵਿਧਾਨ ਹੈ ਅਤੇ ਦਿਲ ਵਿੱਚ ਵਾਰਸ ਪਠਾਨ ਹੈ।

 

ਬੀਜੇਪੀ ਨੇ ‘ਉਦਾਰਵਾਦੀਆਂ ਦੀ ਚੁੱਪੀ’ ਬਾਰੇ ਵੀ ਸਵਾਲ ਕੀਤਾ ਜਿਨ੍ਹਾਂ ਨੇ ਅਜਿਹੇ ਬਿਆਨਾਂ ‘ਤੇ ਕਾਨੂੰਨ ਦਾ ਵਿਰੋਧ ਕੀਤਾ ਸੀ। ਏਆਈਐਮਆਈਐਮ ਦੇ ਨੇਤਾ ਨੇ ਸੀਏਏ ਦੇ ਵਿਰੋਧ ਵਿੱਚ 16 ਫਰਵਰੀ ਨੂੰ ਦੱਖਣੀ ਕਰਨਾਟਕ ਵਿੱਚ ਇੱਕ ਰੈਲੀ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ 15 ਕਰੋੜ, 100 ਕਰੋੜ ਤੇ ਭਾਰੀ ਪੈਣਗੇ।

 

ਬੀਜੇਪੀ ਦੇ ਬੁਲਾਰੇ ਸੰਬਿਤ ਪਾਤਰਾ ਨੇ ਪੱਤਰਕਾਰਾਂ ਨੂੰ ਕਿਹਾ, "ਅੱਜ ਅਸੀਂ ਇਕ ਨਫ਼ਰਤ ਦੀ ਰਾਜਨੀਤੀ ਦੀ ਇਕ ਉਦਾਹਰਣ ਲੈ ਕੇ ਆਏ ਹਾਂ ਜੋ ਕੁਝ ਲੋਕ ਸੀਏਏ ਦੇ ਵਿਰੋਧ ਵਿਚ ਪੂਰੇ ਦੇਸ਼ ਵਿਚ ਕਰ ਰਹੇ ਹਨ।"

 

ਏਆਈਐਮਆਈਐਮ ਨੇਤਾ ਦੇ ਬਿਆਨ ਦਾ ਹਵਾਲਾ ਦਿੰਦੇ ਹੋਏ ਪਾਤਰ ਨੇ ਕਿਹਾ ਕਿ ਜੇਕਰ ਭਾਜਪਾ ਨੇਤਾ ਅਜਿਹਾ ਬਿਆਨ ਦਿੰਦੇ ਤਾਂ ਅੱਜ ਸਾਰੇ ਅਖੌਤੀ ‘ਲਿਬਰਲਜ਼’ ਸੜਕ ‘ਤੇ ਆ ਜਾਂਦੇ, ਜਿਸ ਨਾਲ ਦੇਸ਼ ਭਰ ਚ ਹਫੜਾ-ਦਫੜੀ ਮਚ ਜਾਂਦੀ। ਪਰ ਅੱਜ ਕੋਈ ਇੱਕ ਵੀ ਸਾਹਮਣੇ ਨਹੀਂ ਆ ਰਿਹਾ, ਇੱਕ ਵੀ ਸਵਾਲ ਨਹੀਂ ਪੁੱਛਿਆ ਜਾ ਰਿਹਾ।

 

ਉਨ੍ਹਾਂ ਕਿਹਾ ਕਿ ਓਵੈਸੀ ਦੀ ਪਾਰਟੀ ਦੇ ਨੇਤਾ ਵਾਰਿਸ ਪਠਾਣ ਕਹਿੰਦੇ ਹਨ ਕਿ ਅਸੀਂ ਆਜ਼ਾਦੀ ਖੋਹ ਲਵਾਂਗੇ। ਮੈਂ ਇਨ੍ਹਾਂ ਅਖੌਤੀ ਲਿਬਰਲਾਂ ਨੂੰ ਪੁੱਛਣਾ ਚਾਹੁੰਦਾ ਹਾਂ, ਕਿਹੜੀ ਆਜ਼ਾਦੀ ਚਾਹੀਦੀ ਹੈ, ਕਿਸ ਤੋਂ ਆਜ਼ਾਦੀ ਚਾਹੀਦੀ ਹੈ?”

 

ਪਾਤਰਾ ਨੇ ਕਿਹਾ ਕਿ ਇਹ ਸਾਰੇ ਲੋਕ ਧੋਖਾਧੜੀ ਕਰ ਰਹੇ ਹਨ, ਸਾਡੇ ਮੁਸਲਿਮ ਭਰਾਵਾਂ ਨੂੰ ਭਰਮਾ ਰਹੇ ਹਨ। ਇਹ ਸਾਰੇ ਲੋਕਾਂ ਦੇ ਹੱਥ ਚ ਸੰਵਿਧਾਨ ਹੈ ਤੇ ਦਿਲ ਚ ਵਾਰਿਸ ਪਠਾਨ, ਇਹ ਸਾਬਤ ਹੋ ਗਿਆ ਹੈ।

 

ਭਾਜਪਾ ਦੇ ਬੁਲਾਰੇ ਨੇ ਦੋਸ਼ ਲਾਇਆ ਕਿ ਜਦੋਂ ਸਟੇਜ ਦੇ ਪਿੱਛੋਂ ਪਾਕਿਸਤਾਨ ਨੂੰ ਆਕਸੀਜਨ ਦੇਣ ਦੀ ਗੱਲ ਹੁੰਦੀ ਹੈ ਅਤੇ ਸੰਵਿਧਾਨ, ਤਿਰੰਗੇ ਨੂੰ ਸਟੇਜ ਦੇ ਸਾਹਮਣੇ ਰੱਖਣ ਦਾ ਦਿਖਾਵਾ ਕੀਤਾ ਜਾਂਦਾ ਹੈ ਤਾਂ ਕਈ ਵਾਰ ਹਕੀਕਤ ਮੂੰਹੋਂ ਬਾਹਰ ਆ ਜਾਂਦੀ ਹੈ।

 

ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਹੀ ਓਵੇਸੀ ਦੇ ਪਲੇਟਫਾਰਮ ‘ਤੇ ਪਾਕਿਸਤਾਨ ਜ਼ਿੰਦਾਬਾਦ ਦੇ ਨਾਅਰੇ ਲਗਾਏ ਗਏ ਹਨ। ਪਾਤਰਾ ਨੇ ਕਿਹਾ ਕਿ ਇਹ ਸਾਰੇ ਲੋਕ ਧੋਖਾਧੜੀ ਕਰ ਰਹੇ ਹਨ, ਸਾਡੇ ਮੁਸਲਿਮ ਭਰਾਵਾਂ ਨੂੰ ਭਰਮਾ ਰਹੇ ਹਨ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Hath mein Samvidhaan dil mein Waris Pathan BJP dig on protesters against CAA