ਭਾਰਤੀ ਹਵਾਈ ਫੌਜ ਦੀ ਤਾਕਤ ਅੱਜ ਹੋਰ ਮਜ਼ਬੂਤ ਹੋ ਗਈ ਹੈ। ਚੰਡੀਗੜ੍ਹ ਸਥਿਤ ਇੰਡੀਅਨ ਏਅਰਫੋਰਸ (ਆਈਏਐਫ) ਦੇ 12ਵੇਂ ਵਿੰਗ ਏਅਰਫੋਰਸ ਸਟੇਸ਼ਨ ਵਿਚ ਅੱਜ ਇਕ ਪ੍ਰੋਗਰਾਮ ਵਿਚ ਚਿਨੂਕ ਹੈਵੀ ਲਿਫਟ ਹੈਲੀਕਾਪਟਰ ਦੀ ਪਹਿਲੀ ਯੂਨਿਟ ਨੁੰ ਸ਼ਾਮਲ ਕਰ ਲਿਆ ਗਿਆ। ਪ੍ਰੋਗਰਾਮ ਵਿਚ ਆਈਏਐਫ ਚੀਫ ਏਅਰ ਚੀਫ ਮਾਰਸ਼ਲ ਬੀਐਸ ਧਨੋਆ ਵੀ ਸ਼ਾਮਲ ਹੋਏ। ਆਈਏਐਫ ਵੱਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਚਿਨੂਕ ਹੈਲੀਕਾਪਟਰ ਕਈ ਵੱਡੇ ਦੇਸ਼ਾਂ ਦੀ ਹਵਾਈ ਫੌਜ ਇਸ ਸਮੇਂ ਵਰਤੋਂ ਕਰ ਰਹੀਆਂ ਹਨ। ਇਸ ਹੈਲੀਕਾਪਟਰ ਦੀ ਵਰਤੋਂ ਫੌਜ ਦੇ ਜ਼ਰੂਰੀ ਸਮਾਨ ਨੂੰ ਟਰਾਂਸਪੋਰਟ ਕਰਨ ਲਈ ਕੀਤੀ ਜਾਂਦੀ ਹੈ।
ਭਾਰਤੀ ਹਵਾਈ ਫੌਜ ਮੁੱਖੀ ਏਅਰ ਚੀਫ ਮਾਰਸ਼ਲ ਬੀ ਐਸ ਧਨੋਆ ਨੇ ਇਸ ਮੌਕੇ ਕਿਹਾ ਕਿ ਚਿਨੂਕ ਹੈਲੀਕਾਪਟਰ ਸਿਰਫ ਦਿਨ ਵਿਚ ਨਹੀਂ, ਰਾਤ ਸਮੇਂ ਵੀ ਫੌਜ ਆਪਰੇਸ਼ਨ ਨੁੰ ਅੰਜਾਮ ਦੇ ਸਕਦਾ ਹੈ। ਦਿਨਜਾਨ (ਅਸਮ) ਵਿਚ ਪੂਰਵੀ ਭਾਰਤ ਲਈ ਇਕ ਹੋਰ ਯੂਨਿਟ ਗਠਿਤ ਕੀਤੀ ਜਾਵੇਗੀ। ਚਿਨੂਕ ਦਾ ਸ਼ਾਮਲ ਹੋਣਾ ਵੀ ਉਸੇ ਤਰ੍ਹਾਂ ਗੇਮ ਚੇਂਜਰ ਸਾਬਤ ਹੋਵੇਗਾ, ਜਿਵੇਂ ਲੜਾਕੂ ਜਹਾਜ਼ਾਂ ਦੀ ਫਲੀਟ ਵਿਚ ਰਾਫੇਲ ਦਾ ਸ਼ਾਮਲ ਹੋਣਾ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਇਸ ਸਮੇਂ ਦੇਸ਼ ਸਾਹਮਣੇ ਸੁਰੱਖਿਆ ਨਾਲ ਜੁੜੀਆਂ ਕਈ ਵੱਡੀਆਂ ਚੁਣੌਤੀਆਂ ਹਨ ਅਤੇ ਮੁਸ਼ਕਲ ਥਾਵਾਂ ਲਈ ਇਸ ਤਰ੍ਹਾਂ ਦੀ ਸਮਰਥਾ ਵਾਲੇ ਹੈਲੀਕਾਪਟਰ ਦੀ ਜ਼ਰੂਰਤ ਹੈ। ਉਨ੍ਹਾਂ ਕਿਹਾ ਕਿ ਚਿਨੂਕ ਨੂੰ ਭਾਰਤ ਦੀਆਂ ਜ਼ਰੂਰਤਾਂ ਦੇ ਮੁਤਾਬਕ ਤਿਆਰ ਕੀਤਾ ਗਿਆ ਹੈ।
Air Chief Marshal BS Dhanoa: Chinook helicopter can carry out military operations, not only in day but during night too; another unit will be created for the East in Dinjan (Assam). Induction of Chinook will be a game changer the way Rafale is going to be in the fighter fleet. pic.twitter.com/TxJgJt8h5P
— ANI (@ANI) March 25, 2019
ਅਮਰੀਕੀ ਏਅਰੋਸਪੇਸ ਕੰਪਨੀ ਬੋਇੰਗ ਨੇ 10 ਫਰਵਰੀ ਨੂੰ ਭਾਰਤੀ ਹਵਾਈ ਫੌਜ ਲਈ ਚਾਰ ਚਿਨੂਕ ਹੈਲੀਕਾਪਟਰਾਂ ਦੀ ਸਪਲਾਈ ਗੁਜਰਾਤ ਵਿਚ ਮੁੰਦਰਾ ਬਦਰਗਾਹ ਉਤੇ ਕੀਤੀ ਸੀ। ਚਿਨੂਕ ਬਹੁਉਦੇਸ਼ੀ, ਵਰਟੀਕਲ ਲਿਫਟ ਪਲੇਟਫਾਰਮ ਹੈਲੀਕਾਪਟਰ ਹੈ ਜਿਸਦੀ ਵਰਤੋਂ ਸੈਨਿਕਾਂ, ਹਕਿਆਰਾਂ, ਉਪਕਰਨ ਅਤੇ ਈਧਨ ਨੂੰ ਢਾਉਣ ਲਈ ਕੀਤੀ ਜਾਂਦੀ ਹੈ। ਇਸਦੀ ਵਰਤੋਂ ਕੁਦਰਤੀ ਆਫਤਾਂ ਮੌਕੇ ਰਾਹਤ ਅਭਿਆਨਾਂ ਵਿਚ ਵੀ ਕੀਤੀ ਜਾਂਦੀ ਹੈ। ਰਾਹਤ ਸਮੱਗਰੀ ਪਹੁੰਚਾਉਣ ਅਤੇ ਵੱਡੀ ਗਿਣਤੀ ਵਿਚ ਲੋਕਾਂ ਨੂੰ ਬਚਾਉਣ ਲਈ ਵੀ ਵਰਤੋਂ ਕੀਤੀ ਜਾ ਸਕਦੀ ਹੈ। ਬਿਆਨ ਵਿਚ ਕਿਹਾ ਗਿਆ ਕਿ ਸੀਐਚ–47ਐਫ (ਆਈ) ਚਿਨੂਕ ਉਨਤ ਬਹੁਉਦੇਸ਼ੀ ਹੈਲੀਕਾਪਟਰ ਹੈ।
