ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਲੌਕਡਾਊਨ 'ਚ ਵਾਧੇ ਕਾਰਨ 3 ਮਈ ਤਕ ਨਹੀਂ ਚੱਲਣਗੀਆਂ ਯਾਤਰੀ ਰੇਲ ਗੱਡੀਆਂ

ਕੋਰੋਨਾ ਵਾਇਰਸ ਕਾਰਨ ਦੇਸ਼ 'ਚ 21 ਦਿਨ ਤੱਕ ਲਾਗੂ ਲੌਕਡਾਊਨ ਤੋਂ ਬਾਅਦ ਰੇਲਵੇ ਨੇ ਇੱਕ ਵੱਡਾ ਐਲਾਨ ਕੀਤਾ ਹੈ। ਰੇਲਵੇ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਯਾਤਰੀ ਸੇਵਾਵਾਂ ਮੁਅੱਤਲ ਕਰਨ ਦੀ ਮਿਆਦ ਨੂੰ ਵੀ 3 ਮਈ ਤੱਕ ਵਧਾ ਦਿੱਤਾ ਗਿਆ ਹੈ।
 

ਇਸ ਤੋਂ ਪਹਿਲਾਂ ਰੇਲ ਮੰਤਰਾਲੇ ਨੇ ਦੇਸ਼ ਭਰ ਦੇ ਰੇਲਵੇ ਮੁਲਾਜ਼ਮਾਂ ਨੂੰ ਕਰਫਿਊ ਪਾਸ ਵੰਡੇ ਸਨ। ਰੇਲਵੇ ਬੋਰਡ ਨੇ ਰੇਲ ਯਾਤਰੀਆਂ ਨੂੰ ਕੋਰੋਨਾ ਵਾਇਰਸ ਦੀ ਲਾਗ ਤੋਂ ਬਚਾਉਣ ਲਈ ਮਾਸਟਰ ਪਲਾਨ ਵੀ ਤਿਆਰ ਕੀਤਾ ਸੀ। ਇਸ ਦੇ ਤਹਿਤ ਰੇਲਗੱਡੀ ਨੂੰ ਹਰ ਗੇੜੇ ਤੋਂ ਬਾਅਦ ਸਾਬਣ ਜਾਂ ਸੈਨੀਟਾਈਜ਼ਰ ਸਪ੍ਰੇਅ ਨਾਲ ਕੀਟਾਣੂ ਮੁਕਤ ਕੀਤਾ ਜਾਣਾ ਸੀ। ਹਰ ਸਟਾਪੇਜ਼ 'ਤੇ ਟਾਇਲਟ ਦੀ ਚੰਗੀ ਤਰ੍ਹਾਂ ਸਫ਼ਾਈ ਅਤੇ ਯਾਤਰਾ ਦੌਰਾਨ ਹਰ ਦੋ ਘੰਟਿਆਂ ਬਾਅਦ ਕੋਚ ਤੇ ਟਾਇਲਟ ਡੋਰ ਹੈਂਡਲ, ਰੇਲਿੰਗ, ਵਿੰਡੋਜ਼ ਆਦਿ ਨੂੰ ਸੈਨੇਟਾਈਜ਼ਰ ਸਪ੍ਰੇਅ ਨਾਲ ਸਾਫ਼ ਕੀਤੇ ਜਾਣ ਦੀ ਯੋਜਨਾ ਬਣਾਈ ਗਈ ਸੀ।
 

 

ਇਸ ਤੋਂ ਇਲਾਵਾ ਰੇਲਵੇ ਨੇ ਨਿਰਦੇਸ਼ ਜਾਰੀ ਕੀਤੇ ਸਨ ਕਿ ਗੱਡੀ ਦਾ ਇੱਕ ਗੇੜਾ ਪੂਰਾ ਹੋਣ 'ਤੇ ਰੇਲਵੇ ਦੇ ਰਨਿੰਗ ਸਟਾਫ, ਸਹਾਇਕ ਚਾਲਕ, ਡਰਾਈਵਰ, ਗਾਰਡ, ਟੀਟੀਈ, ਕੋਚ ਸਹਾਇਕ ਅਤੇ ਇਲੈਕਟ੍ਰੀਕਲ-ਮਕੈਨੀਕਲ ਸਟਾਫ਼ ਦੀ ਥਰਮਲ ਸਕ੍ਰੀਨਿੰਗ ਲਾਜ਼ਮੀ ਹੋਵੇਗੀ। ਰਨਿੰਗ ਸਟਾਫ਼ ਨੂੰ ਆਪਣੇ ਹੱਥਾਂ ਵਿੱਚ ਫੇਸ ਮਾਸਕ ਤੇ ਦਸਤਾਨੇ ਪਹਿਨਣੇ ਪੈਣਗੇ। ਵੇਟਿੰਗ ਹਾਲ, ਰਿਟਾਇਰਿੰਗ ਰੂਮ, ਹੋਸਟਲ ਦੀ ਸਫ਼ਾਈ ਲਗਾਤਾਰ ਜਾਰੀ ਰਹੇਗੀ। ਜਿਨ੍ਹਾਂ ਰੇਲ ਯਾਤਰੀਆਂ ਕੋਲ ਮਾਸਕ ਨਹੀਂ ਹੋਣਗੇ, ਟੀਟੀਈ ਉਨ੍ਹਾਂ ਨੂੰ ਮਾਸਕ ਦੇਣਗੇ।
 

ਰੇਲ ਸਫ਼ਰ 'ਚ ਇਹ ਬਦਲਾਅ ਕਰਨ ਬਾਰੇ ਹੋਈ ਸੀ ਚਰਚਾ :
 

ਰੇਲਵੇ ਸਿਰਫ਼ ਨਾਨ-ਏਸੀ ਟ੍ਰੇਨਾਂ (ਸਲੀਪਰ ਕਲਾਸ) ਰੇਲ ਡੱਬੇ ਚਲਾਏਗੀ। ਰੇਲ ਗੱਡੀਆਂ 'ਚ ਏਸੀ ਕਲਾਸ ਕੋਚ ਨਹੀਂ ਹੋਣਗੇ।

 

ਯਾਤਰੀ ਨੂੰ ਸਫ਼ਰ ਤੋਂ 12 ਘੰਟੇ ਪਹਿਲਾਂ ਰੇਲਵੇ ਨੂੰ ਆਪਣੀ ਸਿਹਤ ਬਾਰੇ ਜਾਣਕਾਰੀ ਦੇਣਾ ਲਾਜ਼ਮੀ ਹੋਵੇਗਾ।


ਕੋਰੋਨਾ ਦੀ ਲਾਗ ਦੇ ਸੰਕੇਤ ਹੋਣ ਦੀ ਸਥਿਤੀ ਵਿੱਚ ਰੇਲਵੇ ਯਾਤਰੀ ਨੂੰ ਵਿਚਕਾਰ ਕਿਸੇ ਵੀ ਥਾਂ 'ਤੇ ਉਤਾਰ ਸਕਦਾ ਹੈ।


ਯਾਤਰੀ ਨੂੰ 100 ਫ਼ੀਸਦੀ ਰਿਫੰਡ ਦਿੱਤਾ ਜਾਵੇਗਾ।


ਰੇਲਵੇ ਸੀਨੀਅਰ ਸਿਟੀਜ਼ਨਜ਼ ਨੂੰ ਯਾਤਰਾ ਨਾ ਕਰਨ ਦਾ ਸੁਝਾਅ ਵੀ ਦੇਵੇਗਾ।


ਰੇਲ ਯਾਤਰਾ ਕਰਨ ਲਈ ਯਾਤਰੀਆਂ ਨੂੰ ਇੱਕ ਵਿਸ਼ੇਸ਼ ਸੁਰੰਗ ਵਿਚੋਂ ਲੰਘਣਾ ਲਾਜ਼ਮੀ ਹੈ।


ਸਮਾਜਿਕ ਦੂਰੀਆਂ ਦੀ ਪਾਲਣਾ ਹੋਵੇਗੀ।


ਜੇ ਕੋਚ ਵਿੱਚ ਕਿਸੇ ਯਾਤਰੀ ਨੂੰ ਕੋਰੋਨਾ ਵਾਇਰਸ ਵਰਗੇ ਲੱਛਣ ਪਾਏ ਜਾਂਦੇ ਹਨ, ਜਿਵੇਂ ਖਾਂਸੀ, ਜ਼ੁਕਾਮ, ਬੁਖਾਰ ਆਦਿ ਤਾਂ ਟੀਟੀਈ ਅਤੇ ਹੋਰ ਰਨਿੰਗ ਸਟਾਫ਼ ਰੇਲ ਗੱਡੀ ਨੂੰ ਅੱਧ ਵਿਚਕਾਰ ਰੋਕ ਕੇ ਅਜਿਹੇ ਯਾਤਰੀ ਨੂੰ ਉਤਾਰ ਦੇਵੇਗਾ।


ਰੇਲ ਦੇ ਸਾਰੇ ਚਾਰੇ ਦਰਵਾਜ਼ੇ ਬੰਦ ਰਹਿਣਗੇ ਤਾਂ ਜੋ ਗੈਰ-ਜ਼ਰੂਰੀ ਵਿਅਕਤੀ ਅੰਦਰ ਦਾਖ਼ਲ ਨਾ ਹੋ ਸਕੇ।


ਟ੍ਰੇਨ ਪੂਰੀ ਤਰ੍ਹਾਂ ਨਾਨ-ਏਸੀ ਹੋਵੇਗੀ ਅਤੇ ਨਾਨ-ਸਟਾਪ (ਇੱਕ ਸਟੇਸ਼ਨ ਅਤੇ ਦੂਜੇ ਸਟੇਸ਼ਨ) ਚਲਾਈ ਜਾਵੇਗੀ। ਜ਼ਰੂਰਤ ਅਨੁਸਾਰ ਇੱਕ ਜਾਂ ਦੋ ਸਟੇਸ਼ਨਾਂ 'ਤੇ ਰੋਕਿਆ ਜਾ ਸਕਦਾ ਹੈ।


ਟ੍ਰੇਨ ਦੇ ਕੋਚ ਦੀ ਸਾਈਡ ਬਰਥ ਖਾਲੀ ਰਹੇਗੀ ਤਾਂ ਜੋ ਸਮਾਜਕ ਦੂਰੀਆਂ ਦੀ ਪਾਲਣਾ ਕੀਤੀ ਜਾ ਸਕੇ।


ਇਸ ਤੋਂ ਇਲਾਵਾ ਸਿਰਫ਼ ਦੋ ਯਾਤਰੀ ਇਕ ਕੈਬਿਨ ਵਿੱਚ ਯਾਤਰਾ ਕਰਨਗੇ।
 

ਵੇਟਿੰਗ ਟਿਕਟ ਵਾਲੇ ਰੇਲ ਗੱਡੀ 'ਚ ਚੜ੍ਹ ਨਹੀਂ ਸਕਣਗੇ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Indian Railways extends suspension of its passenger services till May 3