ਅਗਲੀ ਕਹਾਣੀ

ਸਰਜੀਕਲ ਹਮਲੇ: ਭਾਰਤੀ ਜਵਾਨਾਂ ਨੇ ਚੀਤੇ ਦੀ ਟੱਟੀ ਤੇ ਪਿਸ਼ਾਬ ਨਾਲ ਭਜਾਏ ਸਨ ਪਾਕੀ ਕੁੱਤੇ

ਸਰਜੀਕਲ ਹਮਲੇ: ਭਾਰਤੀ ਜਵਾਨਾਂ ਨੇ ਚੀਤੇ ਦੀ ਟੱਟੀ ਤੇ ਪਿਸ਼ਾਬ ਨਾਲ ਭਜਾਏ ਸਨ ਪਾਕੀ ਕੁੱਤੇ

ਕਬਜ਼ੇ ਵਾਲੇ ਖੇਤਰ `ਚ ਭਾਰਤ ਦੇ ਫ਼ੌਜੀ ਜਵਾਨਾਂ ਨੇ ਸਰਜੀਕਲ ਹਮਲੇ ਕੀਤੇ ਸਨ, ਤਦ ਉਨ੍ਹਾਂ ਪਾਕਿਸਤਾਨੀ ਕੁੱਤਿਆਂ ਨੂੰ ਦੂਰ ਭਜਾਉਣ ਲਈ ਚੀਤੇ ਦੀ ਟੱਟੀ ਤੇ ਪਿਸ਼ਾਬ ਦੀ ਵਰਤੋਂ ਕੀਤੀ ਸੀ। ਫ਼ੌਜੀ ਆਪਣੇ ਨਾਲ ਇਹ ਗੰਦਗੀ ਵੀ ਲੈ ਕੇ ਗਏ ਸਨ ਕਿਉਂਕਿ ਉਸ ਦੀ ਬੋਅ ਤੋਂ ਕੁੱਤੇ ਬਹੁਤ ਦੂਰ ਨੱਸਦੇ ਹਨ।


ਇਹ ਜਾਣਕਾਰੀ ਨਗਰੋਟਾ ਕੋਰ ਕਮਾਂਡਰ ਦੇ ਲੈਫ਼ਟੀਨੈਂਟ ਜਨਰਲ ਰਾਜੇਂਦਰਾ ਨਿੰਬੋਰਕਰ ਨੇ ਪੁਣੇ `ਚ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਜਦੋਂ ਉਹ ਬਗਾਨੇ ਇਲਾਕੇ `ਚ ਦਾਖ਼ਲ ਹੋਣ ਵਾਲੇ ਸਨ, ਤਦ ਉਨ੍ਹਾਂ ਨੂੰ ਪਹਿਲਾਂ ਹੀ ਪਤਾ ਸੀ ਕਿ ਰਾਤ ਨੂੰ ਕੁੱਤੇ ਜ਼ਰੂਰ ਉਨ੍ਹਾਂ ਨੂੰ ਭੌਂਕਣਗੇ ਤੇ ਉਨ੍ਹਾਂ ਨੇੜੇ ਆ ਕੇ ਉਨ੍ਹਾਂ ਨੂੰ ਵੱਢਣਾ ਵੀ ਚਾਹੁਣਗੇ। ‘ਮੈਨੂੰ ਪਤਾ ਸੀ ਕਿ ਉਹ ਚੀਤਿਆਂ ਤੇ ਤੇਂਦੂਏ ਤੋਂ ਬਹੁਤ ਡਰਦੇ ਹਨ। ਇਸੇ ਲਈ ਆਪਣੇ ਨਾਲ ਚੀਤੇ ਦਾ ਮਲ-ਮੂਤਰ ਵੀ ਰੱਖ ਲਿਆ ਸੀ।`


ਫ਼ੌਜੀ ਅਧਿਕਾਰੀ ਨਿੰਬੋਰਕਰ ਪੁਣੇ `ਚ ਇੱਕ ਪੁਰਸਕਾਰ ਸਮਾਰੋਹ ਦੌਰਾਨ ਬੋਲ ਰਹੇ ਸਨ। ਚੇਤੇ ਰਹੇ ਕਿ ਸਤੰਬਰ 2016 `ਚ ਭਾਰਤੀ ਥਲ ਸੈਨਾ ਨੇ ਕੰਟਰੋਲ ਰੇਖਾ ਪਾਰ ਕਰ ਕੇ ਮਕਬੂਜ਼ਾ ਕਸ਼ਮੀਰ `ਚ ਸਥਿਤ ਅੱਤਵਾਦੀ ਕੈਂਪ ਤਬਾਹ ਕੀਤੇ ਸਨ। ਇਹ ਇੱਕ ਜਵਾਬੀ ਕਾਰਵਾਈ ਸੀ ਕਿਉਂਕਿ ਉਸ ਤੋਂ ਪਹਿਲਾਂ 18 ਸਤੰਬਰ ਨੂੰ ਅੱਤਵਾਦੀਆਂ ਨੇ ਉੜੀ `ਚ ਭਾਰਤੀ ਫ਼ੌਜ `ਤੇ ਹਮਲਾ ਕਰ ਕੇ 19 ਫ਼ੌਜੀਆਂ ਨੂੰ ਸ਼ਹੀਦ ਕਰ ਦਿੱਤਾ ਸੀ।   

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Indian soldiers took leopard urine and feces with them