ਦਿੱਲੀ ਦੇ ਫੋਰਟਿਸ ਹਸਪਤਾਲ ਦੇ ਡਾਕਟਰਾਂ ਨੇ ਇਕ ਮਹੀਨੇ ਦੀ ਉਮਰ ਦੇ ਇਕ ਛੋਟੇ ਬੱਚੇ ਦੀ ਦਿਲ ਦੀ ਸਫਲ ਸਰਜਰੀ ਕੀਤੀ ਹੈ ਜੋ ਕਿ ਬਹੁਤ ਹੀ ਘੱਟ ਮਿਲਣ ਵਾਲੀ ਅਤੇ ਜਮਾਂਦਰੂ ਦਿਲ ਦੀ ਬਿਮਾਰੀ ਨਾਲ ਜੰਮਿਆ ਹੈ। ਇਸ ਮਾਸੂਮ ਅਨੋਮਲਸ ਕੋਰੋਨਰੀ ਆਰਟਰੀ ਫਾਰਮ ਦ ਪਲਮੋਨਰੀ (ਏਐਲਸੀਏਪੀਏ) ਤੋਂ ਪੀੜਤ ਸੀ। ਖਾਸ ਗੱਲ ਇਹ ਹੈ ਕਿ ਤਿੰਨ ਲੱਖ ਬੱਚਿਆਂ ਵਿੱਚ ਇਹ ਬਿਮਾਰੀ ਇੱਕ ਬੱਚਾ ਨੂੰ ਹੁੰਦੀ ਹੈ।
ਦਿਲ ਨਾਲ ਜੁੜੇ ਜਮਾਂਦਰੂ ਨੁਕਸ (ਸੀਐਚਡੀ) ਨੂੰ ਬਲੈਂਡ ਵ੍ਹਾਈਟ ਗਾਰਲੈਂਡ ਸਿੰਡਰੋਮ ਵੀ ਕਿਹਾ ਜਾਂਦਾ ਹੈ। ਇਸ ਬਿਮਾਰੀ ਵਿਚ ਪਲਮਨਰੀ ਨਾੜੀ ਖੱਬੇ ਕੋਰੋਨਰੀ ਨਾੜੀ ਧਮਨੀ ਦੀ ਥਾਂ ਸ਼ੁਰੂ ਹੁੰਦੀ ਹੈ, ਜੋ ਦਿਲ ਦੀਆਂ ਮਾਸਪੇਸ਼ੀਆਂ ਨੂੰ ਖੂਨ ਦੀ ਸਪਲਾਈ ਕਰਦੀ ਹੈ, ਅਤੇ ਦਿਲ ਦੀ ਮਾਸਪੇਸ਼ੀ ਚ ਖੂਨ ਦੀ ਸਪਲਾਈ ਕਰਨ ਨਾੜੀਆਂ ਇਸ ਸਥਿਤੀ ਚ ਆਮ ਤੋਰ ਤੇ ਜੁੜੀਆਂ ਨਹੀਂ ਹੁੰਦੀਆਂ।
ਟੀਮ ਦੀ ਅਗਵਾਈ ਸੀਟੀਵੀਐਸ ਦੇ ਡਾਇਰੈਕਟਰ ਅਤੇ ਪ੍ਰਿੰਸੀਪਲ ਡਾਕਟਰ ਦਿਨੇਸ਼ ਕੁਮਾਰ ਮਿੱਤਲ ਅਤੇ ਪੀਡਿਏਟ੍ਰਿਕ ਕਾਰਡੋਲੋਜੀ ਦੇ ਸੀਨੀਅਰ ਸਲਾਹਕਾਰ ਡਾ. ਗੌਰਵ ਗਰਗ ਨੇ ਕੀਤੀ। ਸਰਜਰੀ ਤੋਂ ਬਾਅਦ ਬੱਚੇ ਨੂੰ ਇਕ ਦਿਨ ਲਈ ਵੈਂਟੀਲੇਟਰ 'ਤੇ ਰੱਖਿਆ ਗਿਆ।
ਡਾ: ਮਿੱਤਲ ਨੇ ਕਿਹਾ, ਨਵਜੰਮੇ ਬੱਚੇ ਦੀ ਸਰਜਰੀ ਇਕ ਬਹੁਤ ਹੀ ਗੁੰਝਲਦਾਰ ਕੰਮ ਸੀ ਕਿਉਂਕਿ ਅੰਗ ਬਹੁਤ ਛੋਟੇ ਹੁੰਦੇ ਹਨ ਅਤੇ ਸਭ ਤੋਂ ਵੱਡੀ ਗੱਲ ਇਹ ਸੀ ਕਿ ਬੱਚੇ ਦੇ ਦਿਲ ਦੀ ਕੰਮਕਾਰ ਪ੍ਰਣਾਲੀ ਬਹੁਤ ਘੱਟ ਸੀ ਪਰ ਬੱਚੇ ਦਾ ਹੁੰਗਾਰਾ ਚੰਗਾ ਸੀ। ਬੱਚੇ ਨੂੰ ਆਪ੍ਰੇਸ਼ਨ ਦੇ ਅਗਲੇ ਦਿਨ ਵੈਂਟੀਲੇਟਰ ਹਟਾ ਦਿੱਤਾ ਗਿਆ ਅਤੇ ਅੱਠਵੇਂ ਦਿਨ ਉਸਨੂੰ ਹਸਪਤਾਲ ਤੋਂ ਛੁੱਟੀ ਦੇ ਦਿੱਤੀ ਗਈ।
