ਹਰਿਆਣੇ ਵਿੱਚ ਸਰਕਾਰ ਦੇ ਸਹੁੰ ਚੁੱਕ ਸਮਾਗਮ ਤੋਂ ਪਹਿਲਾਂ ਜਨਨਾਇਕ ਜਨਤਾ ਪਾਰਟੀ ਮੁਖੀ ਦੁਸ਼ਯੰਤ ਚੌਟਾਲਾ ਦੇ ਭਰਾ ਦਿਗਿਵਿਜੈ ਚੌਟਾਲਾ ਨੇ ਕਿਹਾ ਕਿ ਕੱਲ੍ਹ ਤੱਕ ਕਾਂਗਰਸ ਕਹਿ ਰਹੀ ਸੀ ਕਿ (BJP-JJP ਗੱਠਜੋੜ) ਲੋਕਾਂ ਦੇ ਫਤਵੇ ਵਿਰੁਧ ਹੈ। ਅਸੀਂ ਉਨ੍ਹਾਂ ਵਿਰੁਧ ਵੀ ਜਿੱਤ ਕੇ ਆਏ ਹਾਂ। ਕਾਂਗਰਸ ਗਿਣਤੀ ਨਹੀਂ ਇਕੱਠੀ ਕਰ ਸਕੀ। ਉਨ੍ਹਾਂ ਨੇ ਕਾਂਗਰਸ ਉੱਤੇ ਤੰਜ ਕਸਦੇ ਹੋਏ ਕਿਹਾ ਕਿ ਮਜਬੂਰ ਸੀ ਮਜ਼ਬੂਤ ਨਹੀਂ।
ਤਿਹਾੜ ਜੇਲ੍ਹ ਤੋਂ ਆਪਣੀ ਰਿਹਾਈ ਤੋਂ ਬਾਅਦ ਅਜੇ ਚੌਟਾਲਾ ਨੇ ਕਿਹਾ ਕਿ ਦੁਸ਼ਯੰਤ ਨੇ ਸਿਰਫ 11 ਮਹੀਨਿਆਂ ਵਿੱਚ ਸੰਸਥਾ ਦੀ ਸਥਾਪਨਾ ਕੀਤੀ ਹੈ। ਤਿਹਾੜ ਜੇਲ੍ਹ ਦੇ ਡਾਇਰੈਕਟਰ ਜਨਰਲ ਸੰਦੀਪ ਗੋਇਲ ਨੇ ਕਿਹਾ ਕਿ ਅਸੀਂ ਅਜੈ ਚੌਟਾਲਾ ਨੂੰ ਦੋ ਹਫ਼ਤਿਆਂ ਦੀ ਛੁੱਟੀ ਦਿੱਤੀ ਹੈ।
ਉਨ੍ਹਾਂ ਨੇ ਕੁਝ ਦਿਨ ਪਹਿਲਾਂ ਹੀ ਛੁੱਟੀ ਲਈ ਅਰਜ਼ੀ ਦਿੱਤੀ ਸੀ। ਉਹ ਆਪਣੀ ਮਾਂ ਦੇ ਦੇਹਾਂਤ ਦੀ ਯਾਦ ਵਿੱਚ ਹੋਣ ਵਾਲੇ ਕਰਮਕਾਂਡ ਵਿੱਚ ਸ਼ਾਮਲ ਹੋਣ ਲਈ ਜਾਣਾ ਚਾਹੁੰਦੇ ਹਨ।
ਗੋਇਲ ਨੇ ਅੱਗੇ ਕਿਹਾ ਕਿ ਅਜੇ ਚੌਟਾਲਾ ਨੇ ਦੂਜੀ ਵਾਰ ਛੁੱਟੀ ਲਈ ਅਰਜ਼ੀ ਦਿੱਤੀ ਹੈ। ਪਹਿਲਾਂ, ਉਹ ਤਿੰਨ ਹਫ਼ਤਿਆਂ ਲਈ ਛੁੱਟੀ 'ਤੇ ਗਏ ਸਨ।
