ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਝਾਰਖੰਡ: ਪੱਥਲਗੜੀ ਦਾ ਵਿਰੋਧ ਕਰਨ 'ਤੇ ਅਗ਼ਵਾ ਕੀਤੇ ਸਾਰੇ ਸੱਤ ਲੋਕਾਂ ਦਾ ਕਤਲ

ਝਾਰਖੰਡ ਦੇ ਪੱਛਮੀ ਸਿੰਘਭੂਮ ਜ਼ਿਲ੍ਹੇ ਵਿੱਚ ਪੱਥਲਗੜੀ ਦੇ ਵਿਰੋਧ ਵਿੱਚ ਅਗ਼ਵਾ ਕੀਤੇ ਗਏ ਸੱਤ ਲੋਕਾਂ ਦੀਆਂ ਲਾਸ਼ਾਂ ਬੁੱਧਵਾਰ ਸਵੇਰੇ ਬਰਾਮਦ ਕਰ ਲਈਆਂ ਗਈਆਂ ਹਨ। ਪੁਲਿਸ ਦੀਆਂ ਲਾਸ਼ਾਂ ਪਿੰਡ ਬੁਰਗੁਲੀਕੇਰਾ ਨੇੜੇ ਜੰਗਲ ਵਿੱਚੋਂ ਬਰਾਮਦ ਕੀਤੀਆਂ ਹਨ। ਪੁਲਿਸ ਨੇ ਸਾਰੇ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਹੈ।
 

ਦੱਸ ਦੇਈਏ ਕਿ ਪੱਥਲਗੜੀ ਦੇ ਸਮਰਥਕ ਐਤਵਾਰ ਨੂੰ ਪਿੰਡ ਬੁਰੂਗੁਲੀਕੇਰਾ ਵਿੱਚ ਪਿੰਡ ਵਾਸੀਆਂ ਨਾਲ ਮੀਟਿੰਗ ਕਰ ਰਹੇ ਸਨ। ਉਹ ਪਿੰਡ ਵਾਸੀਆਂ ਨੂੰ ਵੋਟਰ ਕਾਰਡ, ਆਧਾਰ ਕਾਰਡ ਆਦਿ ਜਮ੍ਹਾਂ ਕਰਵਾਉਣ ਲਈ ਕਹਿ ਰਹੇ ਸਨ। ਇਸ ਸਮੇਂ ਦੌਰਾਨ ਉਪ ਮੁਖੀਆਂ ਜੇਮਸ ਬੁਢ ਸਮੇਤ ਹੋਰਾਂ ਨੇ ਵਿਰੋਧ ਕਰਦਿਆਂ ਕਿਹਾ ਕਿ ਜੇ ਆਪਣੇ ਵੋਟਰ ਕਾਰਡ, ਆਧਾਰ ਕਾਰਡ ਆਦਿ ਜਮ੍ਹਾਂ ਕਰ ਦੇਣਗੇ ਤਾਂ ਬੱਚਿਆਂ ਨੂੰ ਪੜ੍ਹਾਈ ਵਿੱਚ ਮੁਸ਼ਕਲ ਆਵੇਗੀ। ਇਸ ਨਾਲ ਨਾਰਾਜ਼ ਪੱਥਲਗੜੀ ਸਮਰਥਕ ਉਪ ਮੁਖੀਆਂ ਜੇਮਸ ਬੁਢ ਅਤੇ ਹੋਰ ਪੰਜ ਲੋਕਾਂ ਨਾਲ ਕੁੱਟਮਾਰ ਕਰਨ ਲੱਗੇ। 
 

ਇਸ ਤੋਂ ਬਾਅਦ ਪੱਥਲਗੜੀ ਹਮਾਇਤੀਆਂ ਨੇ ਜੇਮਸ ਬੁਢ ਅਤੇ ਛੇ ਹੋਰ ਲੋਕਾਂ ਨੂੰ ਚੁੱਕ ਕੇ ਜੰਗਲ ਵੱਲ ਲੈ ਗਏ। ਐਤਵਾਰ ਦੇਰ ਰਾਤ ਤੱਕ ਜਦੋਂ ਉਹ ਘਰ ਵਾਪਸ ਨਹੀਂ ਪਰਤੇ ਤਾਂ ਸੋਮਵਾਰ ਨੂੰ ਜੇਮਸ ਬੁਢਾ ਅਤੇ ਛੇ ਹੋਰ ਲੋਕਾਂ ਦੇ ਪਰਿਵਾਰਕ ਮੈਂਬਰ ਥਾਣਾ ਗੁਦੜੀ ਪੁੱਜੇ। ਉਨ੍ਹਾਂ ਨੇ ਪੁਲਿਸ ਨੂੰ ਮਾਮਲੇ ਦੀ ਜਾਣਕਾਰੀ ਦਿੱਤੀ।
 

ਮੰਗਲਵਾਰ ਦੁਪਹਿਰ ਨੂੰ ਪੁਲਿਸ ਨੂੰ ਜੇਮਸ ਬੁਢ ਅਤੇ ਛੇ ਹੋਰ ਲੋਕਾਂ ਦੀ ਹੱਤਿਆ ਕਰਕੇ ਉਨ੍ਹਾਂ ਦੀਆਂ ਲਾਸ਼ਾਂ ਨੂੰ ਜੰਗਲ ਵਿੱਚ ਸੁੱਟਣ ਦੀ ਖ਼ਬਰ ਮਿਲੀ ਸੀ। ਇਸ ਇਲਾਕਾ ਨਕਸਲਵਾਦ ਹੋਣ ਕਾਰਨ ਮੰਗਲਵਾਰ ਰਾਤ ਤੱਕ ਪੁਲਿਸ ਮੌਕੇ ਉੱਤੇ ਨਹੀਂ ਪਹੁੰਚੀ। ਇਸ ਤੋਂ ਬਾਅਦ ਅੱਜ ਸਵੇਰ  ਪੁਲਿਸ ਨੇ ਅਗ਼ਵਾ ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਹਨ।
 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Jharkhand: All seven people killed who were kidnapped for protesting against Pathalgadi