ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਚਾਕੂ ਦੀ ਨੋਕ ’ਤੇ ਕਿਸਾਨ ਦੀ ਧੀ ਨਾਲ ਸਮੂਹਕ ਬਲਾਤਕਾਰ

ਕਾਨਪੁਰ ਦੇ ਨੇੜਲੇ ਨਰਵਲ ਖੇਤਰ ਦੇ ਇਕ ਪਿੰਡ ਚ ਐਤਵਾਰ ਦੀ ਰਾਤ ਘਰ ਦੇ ਬਾਹਰ ਸੌਂ ਰਹੀ ਕਿਸਾਨ ਦੀ 15 ਸਾਲਾ ਲੜਕੀ ਨੂੰ ਪਿੰਡ ਦੇ ਹੀ 5 ਨੌਜਵਾਨ ਚੁੱਕ ਲੈ ਗਏ। ਉਸਦੇ ਮੂੰਹ ਤੇ ਕਪੜਾ ਬੰਨ੍ਹ ਦਿੱਤਾ ਗਿਆ ਸੀ। ਨੌਜਵਾਨਾਂ ਨੇ ਚਾਕੂ ਦਿਖਾ ਕੇ ਨਾਬਾਲਗ ਲੜਕੀ ਨਾਲ ਸਮੂਹਕ ਬਲਾਤਕਾਰ ਕੀਤਾ।

 

ਸੋਮਵਾਰ ਸਵੇਰ ਉਹ ਖੂਨ ਨਾਲ ਲਿਬੜੀ ਹਾਲਤ ਚ ਖੇਤਾਂ ਚ ਪਈ ਮਿਲੀ। ਪਰਿਵਾਰ ਵਾਲਿਆਂ ਨੇ ਉਸ ਨੂੰ ਹਸਪਤਾਲ ਚ ਦਾਖਲ ਕਰਵਾਇਆ ਜਦਕਿ ਪੁਲਿਸ ਨੇ ਮਾਮਲਾ ਦਰਜ ਕੇ ਦੋਸ਼ੀਆਂ ਦੀ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ।

 

ਜਾਣਕਾਰੀ ਮੁਤਾਬਕ ਲੜਕੀ ਘਰ ਦੇ ਬਾਹਰ ਸੌਂ ਰਹੀ ਸੀ ਜਦਕਿ ਪਰਿਵਾਰ ਦੇ ਦੂਜੇ ਲੋਕ ਵੀ ਨੇੜੇ ਹੀ ਮੰਜਿਆਂ ਤੇ ਸੁੱਤੇ ਪਏ ਸਨ। ਰਾਤ ਨੂੰ ਲੜਕੀ ਜੰਗਲ-ਪਾਣੀ ਕਰਨ ਲਈ ਘਰ ਤੋਂ ਥੋੜੀ ਹੀ ਦੂਰ ਗਈ ਸੀ ਕਿ ਪਿੰਡ ਦੇ ਹੀ 5 ਨੌਜਵਾਨਾਂ ਨੇ ਉਸ ਦੇ ਮੂੰਹ ’ਤੇ ਕਪੜਾ ਬੰਨ੍ਹ ਕੇ ਉਸ ਨੂੰ ਅਗਵਾ ਕਰ ਲਿਆ।

 

ਪੀੜਤਾ ਨੇ ਦਸਿਆ ਕਿ ਦੋਸ਼ੀਆਂ ਨੇ ਉਸ ਨਾਲ ਚਾਕੂ ਦੀ ਨੋਕ ’ਤੇ ਵਾਰੀ-ਵਾਰੀ ਬਲਾਤਕਾਰ ਕੀਤਾ ਤੇ ਜਦੋਂ ਉਹ ਬੇਹੋਸ਼ ਹੋ ਗਈ ਤਾਂ ਦੋਸ਼ੀ ਦੌੜ ਗਏ।

 

ਪਿਤਾ ਨੇ ਦਸਿਆ ਕਿ ਸਵੇਰ ਜਦੋਂ ਉਸਦੀ ਧੀ ਮੰਜੇ ਤੇ ਨਾ ਮਿਲੀ ਤਾਂ ਉਹ ਸਾਰੇ ਹੈਰਾਨ ਰਹਿ ਗਏ ਤੇ ਬਹੁਤ ਡਰ ਗਏ। ਜਿਸ ਤੋਂ ਬਾਅਦ ਕਈ ਘੰਟਿਆਂ ਤਕ ਕੀਤੀ ਗਈ ਭਾਲ ਮਗਰੋਂ ਉਸਦੀ ਧੀ ਖੇਤਾਂ ਚੋਂ ਜਖ਼ਮੀ ਹਾਲਤ ਬਰਾਮਦ ਹੋਈ।

 

ਆਈਜੀ ਰੇਂਜ ਮੋਹਿਤ ਅਗਰਵਾਲ ਮੁਤਾਬਕ ਪਾਕਸੋ ਐਕਟ ਤਹਿਤ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਦੋਸ਼ੀਆਂ ਦੇ ਗ੍ਰਿਫਤਾਰੀ ਲਈ ਪੁਲਿਸ ਦੀ ਟੀਮ ਛਾਪੇਮਾਰੀ ਕਰ ਰਹੀ ਹੈ। ਛੇਤੀ ਹੀ ਉਹ ਜੇਲ੍ਹ ਦੀਆਂ ਸਲਾਖ਼ਾਂ ਪਿੱਛੇ ਹੋਣਗੇ। ਇਸ ਤੋਂ ਇਲਾਵਾ ਪੀੜਤਾ ਦਾ ਮੈਡੀਕਲ ਕਰਵਾਇਆ ਜਾ ਰਿਹਾ ਹੈ।

 

.

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:minor girl gang raped on knife point in up