ਮੁੰਬਈ ਦੇ 26/11 ਦੇ ਹਮਲਿਆਂ ਦੇ ਦਸ ਸਾਲਾਂ ਬਾਅਦ ਵੀ ਹੁਣ ਤੱਕ ਅਜਮਲ ਕਸਾਬ ਦਾ ਹਾਸਾ ਵਿਸ਼ਨੂੰ ਜੇਂਡੇ ਦੇ ਦਿਲ ਵਿੱਚ ਚੁੱਭਦਾ ਹੈ। ਹਮਲੇ ਦੀ ਉਸ ਕਾਲੀ ਰਾਤ ਨੂੰ, ਛਤਰਪਤੀ ਸ਼ਿਵਾਜੀ ਟਰਮੀਨਲ ਤੇ ਰੇਲਵੇ ਅਧਿਕਾਰੀ ਜੇਂਡੇ ਨੇ ਆਪਣੀ ਸੂਝ-ਬੂਝ ਨਾਲ ਬਹੁਤ ਸਾਰੇ ਲੋਕਾਂ ਦੀ ਜਾਨ ਬਚਾਈ ਸੀ।
ਵਿਸ਼ਨੂੰ ਜੇਂਡੇ ਨੇ ਉਸ ਭਿਆਨਕ ਰਾਤ ਨੂੰ ਯਾਦ ਕਰਦੇ ਹੋਏ ਕਿਹਾ, "ਮੈਨੂੰ ਕਸਾਬ ਦਾ ਉਹ ਹਾਸਾ ਅੱਜ ਵੀ ਯਾਦ ਹੈ. ਰਾਈਫਲ ਦੇ ਨਾ ਉਹ ਉਪ ਨਗਰ ਸ਼ਹਿਰ ਦੇ ਪਲੇਟਫਾਰਮ ਵੱਲ ਵਧ ਰਿਹਾ ਸੀ। ਜੇਂਡੇ ਨੇ ਕਿਹਾ ਕਿ ਕਸਾਬ ਆਪਣੀ ਰਾਈਫਲ 'ਤੋਂ ਗੋਲੀਆਂ ਚਲਾ ਰਿਹਾ ਸੀ ਤੇ ਲੋਕਾਂ ਨੂੰ ਗਾਲ੍ਹਾਂ ਕੱਢਦੇ ਹੋਏ ਹੱਸ ਵੀ ਰਿਹਾ ਸੀ।
ਜੇਂਡੇ ਹੁਣ ਕੇਂਦਰੀ ਰੇਲਵੇ ਵਿੱਚ ਗਾਰਡ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਭੁੱਲਣਾ ਸੰਭਵ ਨਹੀਂ ਕਿ ਕਿਵੇਂ ਅੱਤਵਾਦੀਆਂ ਨੇ ਲੋਕਾਂ ਨੂੰ ਮਾਰਿਆ ਸੀ। 26/11 ਮੁੰਬਈ ਹਮਲੇ ਵਿੱਚ ਕੁੱਲ 166 ਲੋਕ ਮਾਰੇ ਗਏ ਸਨ ਤੇ 52 ਲੋਕਾਂ ਦੀ ਜਾਨ ਰੇਲਵੇ ਸਟੇਸ਼ਨ ਉੱਤੇ ਗਈ ਸੀ। ਸਟੇਸ਼ਨ 'ਤੇ ਗੋਲੀਬਾਰੀ 'ਚ 108 ਲੋਕ ਜ਼ਖ਼ਮੀ ਵੀ ਹੋਏ ਹਨ।
