ਆਈਐਨਐਕਸ ਮੀਡੀਆ ਕੇਸ ਵਿਚ ਸਾਬਕਾ ਕੇਂਦਰੀ ਮੰਤਰੀ ਪੀ ਚਿਦੰਬਰਮ ਦੀ ਗ੍ਰਿਫਤਾਰੀ ਉਤੇ ਉਨ੍ਹਾਂ ਦੇ ਪੁੱਤਰ ਅਤੇ ਕਾਂਗਰਸ ਦੇ ਆਗੂ ਕਾਰਤੀ ਚਿਦੰਬਰਮ ਨੇ ਸਵਾਲ ਉਠਾਇਆ ਹੈ। ਸ਼ਿਵਗੰਗਾ ਤੋਂ ਲੋਕ ਸਭਾ ਮੈਂਬਰ ਕਾਰਤੀ ਚਿਦੰਬਰਮ ਨੇ ਦਿੱਲੀ ਵਿਚ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਦੇ ਪਿਤਾ ਨੂੰ ਨਿਸ਼ਾਨਾ ਨਹੀਂ ਸਗੋਂ ਕਾਂਗਰਸ ਪਾਰਟੀ ਨੂੰ ਨਿਸ਼ਾਨਾ ਬਣਾਇਆ ਗਿਆ ਹੈ।
ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੇ ਪਿਤਾ ਦੀ ਗ੍ਰਿਫਤਾਰੀ ਖਿਲਾਫ ਐਮ ਕੇ ਸਟਾਲਿਨ ਸਮੇਤ ਡੀਐਮਕੇ ਦੇ ਆਗੂਆਂ ਨੇ ਵੀ ਸਵਾਲ ਚੁੱਕੇ।
ਕਾਰਤੀ ਚਿਦੰਬਰਮ ਨੇ ਕਿਹਾ ਕਿ ਮੈਂ ਕਦੇ ਵੀ ਪੀਟਰ ਮੁਖਰਜੀ ਨੂੰ ਨਹੀਂ ਮਿਲਿਆ। ਜੀਵਨ ਵਿਚ ਕਦੇ ਵੀ ਇੰਦਰਾਣੀ ਮੁਖਰਜੀ ਨਾਲ ਨਹੀਂ ਮਿਲਿਆ। ਉਸ ਸਮੇਂ ਪਹਿਲੀ ਵਾਰ ਇੰਦਰਾਣੀ ਮੁਖਰਜੀ ਨੂੰ ਦੇਖਿਆ ਜਦੋਂ ਸੀਬੀਆਈ ਅਸੀਂ ਉਸ ਨਾਲ ਆਹਮੋ–ਸਾਹਮਣਾ ਕਰਨ ਲਈ ਗਏ ਸੀ। ਉਸਦੀ ਕੰਪਨੀ ਦੇ ਕਿਸੇ ਵੀ ਨਾਲ ਮੇਰੀ ਕੋਈ ਗੱਲਬਾਤ ਨਹੀਂ ਸੀ।
ਇਸ ਤੋਂ ਪਹਿਲਾਂ, ਚੇਨਈ ਤੋਂ ਦਿੱਲੀ ਨੂੰ ਨਿਕਲਦੇ ਹੋਏ ਕਾਰਤੀ ਨੇ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਇਹ ਪੂਰਾ ਘਟਨਾਕ੍ਰਮ ਗੰਭੀਰ ਮੁੱਦਿਆਂ ਤੋਂ ਦੇਸ਼ ਨੂੰ ਲੋਕਾਂ ਦਾ ਧਿਆਨ ਭਟਕਾਉਣ ਲਈ ਕੀਤਾ ਗਿਆ ਹੈ।
