ਭਾਰਤ ਦੇ ਚੀਫ ਜਸਟਿਸ ਰੰਜਨ ਗੋਗਾਈ ਨੇ ਐਤਵਾਰ ਨੂੰ ਕਿਹਾ ਕਿ ਅਸਾਮ ਵਿੱਚ ਨਾਗਰਿਕਾਂ ਦਾ ਨੈਸ਼ਨਲ ਰਜਿਸਟਰ (ਐਨਆਰਸੀ) ‘ਭਵਿੱਖ ਦਾ ਅਧਾਰ ਦਸਤਾਵੇਜ਼’ਅਤੇ ‘ਸ਼ਾਂਤਮਈ ਮੌਜੂਦਗੀ ਲਈ ਇੱਕ ਮਹੱਤਵਪੂਰਣ ਪਹਿਲ’ ਸੀ। ਉਨ੍ਹਾਂ ਕਿਹਾ ਕਿ ਅਸਾਮ ਵਿੱਚ ਐਨਆਰਸੀ ਇੱਕ ਅਸਥਾਈ ਦਸਤਾਵੇਜ਼ ਨਹੀਂ ਹੈ, ਇਹ ਭਵਿੱਖ ਵਿੱਚ ਮਦਦਗਾਰ ਹੋਵੇਗਾ। ਸੀਜੇਆਈ ਨੇ ਇਹ ਗੱਲਾਂ ਮ੍ਰਿਣਾਲ ਤਾਲੁਕਦਾਰ ਦੀ ਕਿਤਾਬ ਪੋਸਟ-ਕਲੋਨੀਅਲ ਅਸਾਮ ਦੇ ਲਾਂਚ ਪ੍ਰੋਗਰਾਮ ਵਿੱਚ ਕਹੀਆਂ।
ਉਨ੍ਹਾਂ ਕਿਹਾ ਕਿ 19 ਲੱਖ ਜਾਂ 40 ਲੱਖ ਤੋਂ ਫ਼ਰਕ ਨਹੀਂ ਪੈਂਦਾ ਪਰ ਭਵਿੱਖ ਲਈ ਇਹ ਦਸਤਾਵੇਜ਼ ਜ਼ਰੂਰੀ ਹੈ। ਗੋਗੋਈ ਨੇ ਕਿਹਾ ਕਿ ਐਨਆਰਸੀ ਦਾ ਅੰਦਰੂਨੀ ਮੁੱਲ, ਮੇਰੇ ਵਿਚਾਰ ਵਿੱਚ ਆਪਸੀ ਸ਼ਾਂਤੀਪੂਰਨ ਸਹਿ-ਮੌਜੂਦਗੀ ਹੈ। ਅਗਾਂਹਵਧੂ ਸੁਸਾਇਟੀਆਂ ਨੂੰ ਸ਼ਾਮਲ ਮੰਨਿਆ ਜਾਂਦਾ ਹੈ। ਜਸਟਿਸ ਗੋਗੋਈ ਨੇ ਕਿਹਾ ਕਿ ਐਨਆਰਸੀ ਬਾਰੇ ਕੌਮੀ ਪ੍ਰਵਚਨ ਨੇ ਆਰਮ ਚੇਅਰ ਟਿੱਪਣੀਕਾਰਾਂ ਦੇ ਉਭਾਰ ਨੂੰ ਵੇਖਿਆ ਹੈ ਜਿਹੜੇ ਕਿ ਇਕ ਮਾੜੀ ਤਸਵੀਰ ਪੇਸ਼ ਕਰਦੇ ਹਨ।
ਉਨ੍ਹਾਂ ਨੇ ਐਨਆਰਸੀ ਬਾਰੇ ਸੋਸ਼ਲ ਮੀਡੀਆ 'ਤੇ ਪੁੱਠਾ-ਸਿੱਧਾ ਬੋਲਣ ਵਾਲਿਆਂ ਨੂੰ ਵੀ ਰੱਜ ਕੇ ਸੁਣਾਈਆਂ। ਉਨ੍ਹਾਂ ਕਿਹਾ ਕਿ ਸੋਸ਼ਲ ਮੀਡੀਆ ਅਤੇ ਇਸ ਦੇ ਟ੍ਰੋਲਰਾਂ ਦੀ ਵਰਤੋਂ ਕਈ ਟਿੱਪਣੀਕਰਤਾਵਾਂ ਨੇ ਇਸ ਮੁੱਦੇ ‘ਤੇ ਦੋਹਰਾ ਬੋਲਣ ਲਈ ਕੀਤੀ ਹੈ। ਉਨ੍ਹਾਂ ਨੇ ਇੱਕ ਲੋਕਤੰਤਰੀ ਸੰਸਥਾ ਚ ਇੱਕ ਮੁਹਿੰਮ ਚਲਾਈ।
