ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਬਰੀ ਹੋਣ ਦਾ ਮਤਲਬ ਰਿਕਾਰਡ ਸਾਫ ਹੋਣਾ ਨਹੀਂ : ਸੁਪਰੀਮ ਕੋਰਟ

ਬਰੀ ਹੋਣ ਦਾ ਮਤਲਬ ਰਿਕਾਰਡ ਸਾਫ ਹੋਣਾ ਨਹੀਂ : ਸੁਪਰੀਮ ਕੋਰਟ

ਸੁਪਰੀਮ ਕੋਰਟ ਨੇ ਇਕ ਫੈਸਲੇ ਵਿਚ ਕਿਹਾ ਕਿ ਕਰਮਚਾਰੀ ਜੇਕਰ ਸ਼ੱਕ ਦੇ ਆਧਾਰ ਉਤੇ ਬਰੀ ਹੋਇਆ ਹੈ ਤਾਂ ਉਸਦਾ ਆਪਰਾਧਿਕ ਰਿਕਾਰਡ ਸਾਫ ਨਹੀਂ ਮੰਨਿਆ ਜਾ ਸਕਦਾ। ਇਹ ਰਿਕਾਰਡ ਉਦੋਂ ਹੀ ਸਾਫ ਮੰਨਿਆ ਜਾਵੇਗਾ ਜਦੋਂ ਉਸਦੇ ਖਿਲਾਫ ਦਾਇਰ ਕੇਸ ਝੂਠਾ ਪਾਇਆ ਗਿਆ ਹੋਵੇ ਅਤੇ ਉਹ ਉਸ ਵਿਚ ਬਰੀ ਹੋਇਆ ਹੋਵੇ।

 

ਸਕ੍ਰੀਨਿੰਗ ਕਮੇਟੀ ਨੇ ਬੰਟੀ ਨੂੰ ਮੱਧ ਪ੍ਰਦੇਸ਼ ਪੁਲਿਸ ਸੇਵਾ ਵਿਚ ਭਰਤੀ ਲਈ ਇਸ ਆਧਾਰ ਉਤੇ ਅਣਉਚਿਤ ਪਾਇਆ ਸੀ ਕਿ ਉਹ ਨੈਤਿਕ ਭ੍ਰਿਸ਼ਟਾਚਾਰ ਦੇ ਮਾਮਲੇ (ਆਈਪੀਸੀ ਦੀ ਧਾਰਾ 392 ਅਤੇ 411) ਵਿਚ ਸ਼ਾਮਲ ਸੀ।  ਹਾਲਾਂਕਿ ਇਸ ਕੇਸ ਵਿਚ ਉਹ ਬਰੀ ਹੋ ਗਿਆ ਸੀ।

 

ਹਾਈਕੋਰਟ ਵਿਚ ਚੁਣੌਤੀ : ਕਮੇਟੀ ਦੇ ਫੈਸਲੇ ਨੂੰ ਬੰਟੀ ਨੇ ਹਾਈਕੋਰਟ ਵਿਚ ਚੁਣੌਤੀ ਦਿੱਤੀ। ਹਾਈਕੋਰਟ ਨੇ ਫੈਸਲੇ ਵਿਚ ਕਿਹਾ ਕਿ ਬੰਟੀ ਨੂੰ ਬਰੀ ਕਰਨ ਦਾ ਫੈਸਲਾ ਰਿਕਾਰਡ ਉਤੇ ਉਪਲੱਬਧ ਟੀਚੇ ਉਤੇ ਆਧਾਰਿਤ ਸੀ ਅਤੇ ਉਸ ਨੂੰ ਛੱਡਿਆ ਇਸ ਲਈ ਗਿਆ ਸੀ ਕਿ ਉਸਦਾ ਅਪਰਾਧ ਸ਼ੱਕ ਤੋਂ ਪਰੇ ਜਾ ਕੇ ਸਾਬਤ ਨਹੀਂ ਹੋ ਰਿਹਾ ਸੀ। ਇਸ ਲਈ ਉਸ ਨੂੰ ਨਿਯੂਕਤ ਆਦੇਸ਼ ਮਿਲਣਾ ਚਾਹੀਦਾ। ਰਾਜ ਸਰਕਾਰ ਨੇ ਇਸ ਫੈਸਲੇ ਖਿਲਾਫ ਸੁਪਰੀਮ ਕੋਰਟ ਵਿਚ ਅਪੀਲ ਕੀਤੀ ਸੀ।

 

ਗੰਭੀਰ ਕਿਸਮ ਦਾ ਮਾਮਲਾ : ਜੱਜ ਅਰੁਣ ਮਿਸ਼ਰਾ ਅਤੇ ਨਵੀਨ ਸਿਨਹਾ ਦੇ ਬੈਂਚ ਨੇ ਇਸ ਉਤੇ ਵਿਚਾਰ ਕੀਤਾ ਅਤੇ ਕਿਹਾ ਕਿ ਦੋਸ਼ਾਂ ਨੂੰ ਦੇਖਦੇ ਹੋਏ ਕਿਹਾ ਜਾ ਸਕਦਾ ਹੈ ਕਿ ਦੋਸ਼ੀ ਨੇ ਪੁਲਿਸ ਅਧਿਕਾਰੀ ਬਣਕੇ ਅਪਰਾਧ ਕੀਤਾ।  ਇਹ ਗੰਭੀਰ ਕਿਸਮ ਦਾ ਮਾਮਲਾ ਸੀ ਜਿਸ ਵਿਚ ਨੈਤਿਕ ਦੁਰਾਚਾਰ ਸ਼ਾਮਲ ਸੀ।

 

ਬੈਂਚ ਨੇ ਕਿਹਾ ਕਿ ਉਸ ਨੂੰ ਸੰਦੇਹ ਦਾ ਲਾਭ ਦੇਣ ਦਾ ਆਧਾਰ ਉਤੇ ਛੱਡ ਦੇਣ ਨਾਲ ਉਸਦੇ ਅਪਰਾਧਿਕ ਪਿਛੋਕੜ ਉਤੇ ਬਣੇ ਬੱਦਲ ਨਹੀਂ ਹਟ ਜਾਂਦੇ। ਸਕ੍ਰੀਨਿੰਗ ਕਮੇਟੀ ਦੀ ਇਹ ਰਾਏ, ਕਿ ਉਮੀਦਵਾਰ ਅਨੁਸ਼ਾਸਿਤ ਪੁਲਿਸ ਕੋਰਸ ਵਿਚ ਆਉਣ ਲਈ ਅਣਫਿਟ ਹੈ, ਸਹੀ ਹੈ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Supreme Court said acquittal means is not record clear