ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਬਿਹਾਰ 'ਚ ਆਸਮਾਨ ਤੋਂ ਡਿੱਗਿਆ 15 ਕਿਲੋ ਦਾ ਰਹੱਸਮਈ ਪੱਥਰ, ਚਿਪਕ ਰਹੀ ਹੈ ਚੁੰਬਕ

 

ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਨੇ ਕਿਹਾ ਕਿ ਸੋਮਵਾਰ ਨੂੰ ਮਧੂਬਨੀ ਦੇ ਲੌਕਹੀ ਵਿੱਚ ਆਸਮਾਨ ਤੋਂ ਖੇਤਾਂ ਵਿੱਚ ਡਿੱਗੇ ਕਾਲੇ ਪੱਥਰ ਨੂੰ ਬਿਹਾਰ ਮਿਊਜ਼ੀਅਮ ਵਿੱਚ ਰੱਖਿਆ ਜਾਵੇਗਾ ਤਾਂ ਜੋ ਆਮ ਲੋਕ ਇਸ ਪੱਥਰ ਨੂੰ ਵੇਖ ਸਕਣ। ਮੁੱਖ ਮੰਤਰੀ ਮੰਗਲਵਾਰ ਨੂੰ ਵਿਧਾਨ ਸਭਾ ਵਿੱਚ ਪੱਤਰਕਾਰਾਂ ਨਾਲ ਗੱਲ ਕਰ ਰਹੇ ਸਨ। ਉਨ੍ਹਾਂ ਹੈਰਾਨੀ ਪ੍ਰਗਟਾਈ ਕਿ ਆਸਮਾਨ ਤੋਂ ਇੰਨਾ ਵੱਡਾ ਪੱਥਰ ਡਿੱਗਿਆ ਹੈ।

 

ਜ਼ਿਕਰਯੋਗ ਹੈ ਕਿ ਲੌਕਹੀ ਦੇ ਇੱਕ ਖੇਤ ਵਿੱਚ ਇਹ ਪੱਥਰ ਡਿੱਗਿਆ, ਜਿਥੇ ਕਿਸਾਨ ਕੰਮ ਕਰ ਰਹੇ ਸਨ। ਪੱਧਰ ਡਿੱਗਣ ਤੋਂ ਬਾਅਦ ਉਥੋ ਧੂੰਆਂ ਨਿਕਲਣ ਲੱਗਾ। ਕਿਸਾਨਾਂ ਦੀ ਸੂਚਨਾ ਉੱਤੇ ਸਰਕਾਰ ਦੇ ਅਧਿਕਾਰੀ ਉਥੇ ਪਹੁੰਚੇ ਅਤੇ ਪੱਥਰ ਨੂੰ ਲੈ ਆਏ।

 

ਇੱਕ ਭੂਗੋਲ ਸ਼ਾਸਤਰੀ ਨੇ ਕਿਹਾ ਕਿ ਇੰਨੇ ਵੱਡੇ ਆਕਾਰ ਦਾ ਪੱਥਰ ਡਿੱਗਣਾ ਮਾਮੂਲੀ ਗੱਲ ਨਹੀਂ ਹੈ। ਪੱਥਰ ਦੇ ਵਿਸ਼ੇਸ਼ ਅਧਿਐਨ ਕਰਨ ਉੱਤੇ ਹੀ ਕੁਝ ਕਿਹਾ ਜਾ ਸਕਦਾ ਹੈ। ਇਸ ਪੱਥਰ ਉੱਤੇ ਚੁੰਬਕ ਚਿਪਕ ਰਹੀ ਹੈ।

 

 

ਲੌਕਹੀ 'ਚ ਸੋਮਵਾਰ ਨੂੰ ਖੇਤ 'ਚ ਡਿੱਗਿਆ ਸੀ ਕਾਲਾ ਪੱਥਰ

 

ਲੌਕਹੀ ਦੇ ਕੌਰੀਆਈ ਕਕਹੀਆ ਬਧਾਰ ਵਿੱਚ ਸੋਮਵਾਰ ਦੁਪਹਿਰ ਲਗਭਗ 12 ਵਜੇ ਆਸਮਾਨ ਤੋਂ ਇੱਕ ਪਿੰਡ ਡਿੱਗਿਆ। ਇਸ ਨਾਲ ਖੇਤ ਵਿੱਚ ਕੰਮ ਕਰ ਰਹੇ ਕਿਸਾਨਾਂ ਵਿੱਚ ਤਣਾਅ ਪੈਦਾ ਹੋ ਗਿਆ। 

 

ਚਸ਼ਮਦੀਦ ਕਿਸਾਨਾਂ ਨੇ ਦੱਸਿਆ ਕਿ ਤੇਜ਼ ਆਵਾਜ਼ ਨਾਲ ਪਿੰਡ ਜਦੋਂ ਖੇਤ ਵਿੱਚ ਡਿੱਗਿਆ ਤਾਂ ਧੂੰਆਂ ਨਿਕਲਣ ਲੱਗਾ। ਡਿੱਗਣ ਦੇ ਨਾਲ ਹੀ ਉਹ 6 ਫ਼ੁਟ ਹੇਠਾਂ ਜ਼ਮੀਨ ਵਿੱਚ ਚੱਲਿਆ ਗਿਆ। ਖੇਤਾਂ ਵਿੱਚ ਕੰਮ ਕਰਨ ਵਾਲੇ ਮਜ਼ਦੂਰ ਉੱਥੋਂ ਭੱਜ ਗਏ। 

 

ਥੋੜੀ ਦੇਰ ਬਾਅਦ ਜਦੋਂ ਧੂੰਆਂ ਨਿਕਲਣਾ ਬੰਦ ਹੋਇਆ ਤਾਂ ਉਹ ਸਾਰੇ ਉਥੇ ਪਹੁੰਚੇ। ਕੌਰੀਆਹੀ ਦੇ ਸ਼ਰਵਣ ਯਾਦਵ ਨੇ ਜ਼ਮੀਨ ਨੂੰ ਪੁੱਟਿਆ ਅਤੇ ਕਾਲੇ ਰੰਗ ਦੇ ਪੱਥਰ ਨੂੰ ਬਾਹਰ ਕੱਢਿਆ। ਸੂਚਨਾ ਤੋਂ ਬਾਅਦ ਲੌਕਹੀ ਦੇ ਥਾਣਾ ਇੰਚਾਰਜ ਨੇ ਉਸ ਪੱਥਰ ਨੂੰ ਕਬਜ਼ੇ ਵਿੱਚ ਲਿਆ। 

 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Suspected meteorite chunk lands in Bihar Madhubani district