ਉੱਤਰ ਪ੍ਰਦੇਸ਼ ਦੇ ਬਜਟ ਚ ਸਾਰੇ ਧਰਮਾਂ ਦੀਆਂ ਤਿਆਗੀਆਂ ਔਰਤਾਂ ਲਈ ਪੈਨਸ਼ਨ ਦੇ ਪ੍ਰਬੰਧ ਦੀ ਜਾਣਕਾਰੀ ਹੈ। ਰਾਜ ਸਰਕਾਰ ਨੇ ਇਸ ਲਈ ਬਜਟ ਚ 500 ਕਰੋੜ ਰੁਪਏ ਤੋਂ ਵੱਧ ਦੀ ਵਿਵਸਥਾ ਕੀਤੀ ਹੈ। ਮੰਗਲਵਾਰ ਨੂੰ ਵਿਧਾਨ ਸਭਾ ਵਿੱਚ ਬਜਟ ਪੇਸ਼ ਕੀਤਾ ਜਾਵੇਗਾ।
ਸੰਸਦ ਚ ਤਿੰਨ ਤਾਲਕ ਬਿੱਲ ਪਾਸ ਹੋਣ ਤੋਂ ਬਾਅਦ ਤੋਂ ਸੂਬੇ ਚ ਤਿੰਨ ਤਲਾਕ ਪੀੜਤਾਂ ਨੂੰ ਪੈਨਸ਼ਨ ਦੇਣ ਦੀਆਂ ਗੱਲਾਂ ਹੋ ਰਹੀਆਂ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਤਿੰਨ ਤਲਾਕ ਪੀੜਤਾਂ ਨੂੰ 500 ਰੁਪਏ ਪ੍ਰਤੀ ਮਹੀਨਾ ਦੇਣ ਦੀ ਯੋਜਨਾ ਤਿਆਰ ਕੀਤੀ ਗਈ ਹੈ।
ਇਸ ਯੋਜਨਾ ਨੂੰ 2020-21 ਦੇ ਬਜਟ ਚ ਸ਼ਾਮਲ ਕੀਤਾ ਗਿਆ ਹੈ। ਇਸ ਯੋਜਨਾ ਦਾ ਲਾਭ ਤਿੰਨ ਤਲਾਕ ਪੀੜਤਾਂ ਦੇ ਨਾਲ ਸਾਰੇ ਧਰਮਾਂ ਦੀਆਂ ਤਿਆਗੀਆਂ ਔਰਤਾਂ ਨੂੰ ਦਿੱਤਾ ਜਾਵੇਗਾ। ਸੂਬੇ ਚ ਤਕਰੀਬਨ ਪੰਜ ਹਜ਼ਾਰ ਤਿੰਨ ਤਲਾਕ ਵਾਲੀਆਂ ਪੀੜਤ ਔਰਤਾਂ ਹਨ।
ਤਿੰਨ ਤਲਾਕ ਕਾਨੂੰਨ ਬਣਨ ਤੋਂ ਬਾਅਦ ਮੁੱਖ ਮੰਤਰੀ ਯੋਗੀ ਆਦਿੱਤਿਆਨਾਥ ਨੇ ਕਿਹਾ ਸੀ ਕਿ ਉਨ੍ਹਾਂ ਦੀ ਸਰਕਾਰ ਤਿੰਨ ਤਲਾਕ ਪੀੜਤ ਭੈਣਾਂ ਨੂੰ ਸਰਕਾਰੀ ਮਦਦ ਪ੍ਰਦਾਨ ਕਰੇਗੀ। ਉਦੋਂ ਤੋਂ ਇਹ ਵਿਸ਼ਾ ਸਮੇਂ ਸਮੇਂ ਤੇ ਚਰਚਾ ਚ ਰਿਹਾ ਹੈ। ਰਾਜ ਸਰਕਾਰ ਹੁਣ ਤਿੰਨ ਤਲਾਕ ਪੀੜਤਾਂ ਦੇ ਨਾਲ ਹੋਰ ਧਰਮਾਂ ਦੀਆਂ ਤਿਆਗੀਆਂ ਔਰਤਾਂ ਨੂੰ ਵੀ ਪੈਨਸ਼ਨ ਦੇਣ ਦੀ ਤਿਆਰੀ ਕਰ ਰਹੀ ਹੈ।
ਸੂਤਰ ਦੱਸਦੇ ਹਨ ਕਿ ਸੂਬਾ ਸਰਕਾਰ ਇਸ ਬਜਟ ਵਿੱਚ ਔਰਤਾਂ ਦੀ ਸੁਰੱਖਿਆ ਨੂੰ ਪ੍ਰਮੁੱਖਤਾ ਨਾਲ ਰੱਖਣ ਦੀ ਵੀ ਤਿਆਰੀ ਕਰ ਰਹੀ ਹੈ। ਇਸ ਵਾਰ ਪਿਛਲੇ ਸਾਲ ਨਾਲੋਂ ਔਰਤਾਂ ਦੀ ਸੁਰੱਖਿਆ ਨਾਲ ਜੁੜੀਆਂ ਯੋਜਨਾਵਾਂ ਵਿੱਚ ਲਗਭਗ 40 ਫੀਸਦ ਵਧੇਰੇ ਫੰਡ ਦਿੱਤੇ ਜਾ ਸਕਦੇ ਹਨ। ਔਰਤਾਂ ਦੀ ਭਲਾਈ ਨਾਲ ਸਬੰਧਤ ਹੋਰ ਯੋਜਨਾਵਾਂ ਲਈ ਵੀ ਵੱਡੀ ਰਕਮ ਦਿੱਤੀ ਜਾ ਸਕਦੀ ਹੈ।
