ਪੂਰੇ ਦੇਸ਼ ਵਿੱਚ ਭਿਆਨਕ ਗਰਮੀ ਦਾ ਦੌਰ ਜਾਰੀ ਹੈ। ਇਸੇ ਵਿਚਕਾਰ ਮੌਸਮ ਵਿਭਾਗ ਨੇ ਕਿਹਾ ਕਿ ਅਗਲੇ ਦੋ ਦਿਨਾਂ ਤੱਕ ਹੀਟ ਵੇਵ ਤੋਂ ਕੋਈ ਰਾਹਤ ਨਹੀਂ ਮਿਲੇਗੀ। ਹਾਲਾਂਕਿ ਐਤਵਾਰ ਨੂੰ ਹਵਾ ਚੱਲਣ ਨਾਲ ਤਾਪਮਾਨ ਵਿੱਚ ਮਾਮੂਲੀ ਗਿਰਾਵਟ ਵੇਖੀ ਗਈ। ਦੂਜੇ ਪਾਸੇ ਉੱਤਰੀ ਭਾਰਤ ਵਿੱਚ ਮਾਨਸੂਨ ਦੀ ਦਸਤਕ ਦੇਰ ਨਾਲ ਹੋ ਸਕਦੀ ਹੈ।
ਮੌਸਮ ਵਿਗਿਆਨ ਵਿਭਾਗ ਨੇ ਕਿਹਾ ਕਿ ਦੋ ਦਿਨ ਬਾਅਦ ਲੋਕਾਂ ਨੂੰ ਗਰਮੀ ਤੋਂ ਰਾਹਤ ਮਿਲਣ ਦੀ ਸੰਭਾਵਨਾ ਹੈ। ਰਾਜਸਥਾਨ, ਮੱਧ ਪ੍ਰਦੇਸ਼, ਉੱਤਰ ਪ੍ਰਦੇਸ਼, ਪੰਜਾਬ, ਹਰਿਆਣਾ ਅਤੇ ਦਿੱਲੀ ਦੇ ਇਲਾਕਿਆਂ ਵਿੱਚ ਲੂ ਦਾ ਪ੍ਰਕੋਪ ਜਾਰੀ ਰਹੇਗਾ। ਉਥੇ, ਮਾਨਸੂਨ ਵਿੱਚ ਦੇਰੀ ਨਾਲ ਗਰਮੀ ਚੁਭਣ ਹੋਰ ਵਧਾਏਗੀ। ਹਾਲਾਂਕਿ, ਅਗਲੇ ਕੁਝ ਦਿਨਾਂ ਤੱਕ ਮੌਸਮ ਖੁਸ਼ਕ ਬਣੇ ਰਹਿਣ ਦੀ ਸੰਭਾਵਨਾ ਹੈ।
ਜੁਲਾਈ ਦੇ ਪਹਿਲੇ ਹਫ਼ਤੇ 'ਚ ਮਾਨਸੂਨ ਦਿੰਦਾ ਹੈ ਦਸਤਕ
ਮਾਨਸੂਨ ਦੇ ਆਗਮਨ ਵਿੱਚ ਅਨੁਮਾਨਿਤ ਪ੍ਰਗਤੀ ਨਹੀਂ ਹੋਣ ਨਾਲ ਵੀ ਚਿੰਤਾਵਾਂ ਵੱਧ ਗਈਆਂ ਹਨ। ਕੇਰਲ ਵਿੱਚ 1 ਜੂਨ ਨੂੰ ਮਾਨਸੂਨ ਪਹੁੰਚਦਾ ਹੈ। ਇਸ ਵਾਰ ਮੌਸਮ ਵਿਭਾਗ ਨੇ 6 ਜੂਨ ਨੂੰ ਪਹੁੰਚਣ ਦੀ ਭਵਿੱਖਬਾਣੀ ਕੀਤੀ ਹੈ ਪਰ ਅੰਡੇਮਾਨ ਸਮੁੰਦਰ ਵਿੱਚ ਜਿਸ ਤਰ੍ਹਾਂ ਦੇਰੀ ਨਾਲ ਮਾਨਸੂਨ ਸਰਗਰਮ ਹੋਇਆ ਹੈ, ਉਸ ਨਾਲ ਦੇਰੀ ਹੋਰ ਵਧਣ ਦੇ ਆਸਾਰ ਹਨ।
