ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

COVID-19: ਗਰਮੀ ਵਧਣ ’ਤੇ ਨਹੀਂ ਰੁਕੇਗਾ ਕੋਰੋਨਾ ਵਾਇਰਸ ਦਾ ਕਹਿਰ: ਵਿਗਿਆਨੀਆਂ ਚੇਤਾਇਆ

ਗਰਮੀ ਵਧਣ ’ਤੇ ਕੋਰੋਨਾ ਵਾਇਰਸ ਦਾ ਕਹਿਰ ਖੁਦ-ਬਖੁਦ ਨਹੀਂ ਰੁਕੇਗਾ। ਅਮਰੀਕਾ ਦੀ ਇਕ ਵਿਗਿਆਨਕ ਟੀਮ ਨੇ ਬੁੱਧਵਾਰ ਨੂੰ ਵ੍ਹਾਈਟ ਹਾਊਸ ਨੂੰ ਇਹ ਚੇਤਾਵਨੀ ਦਿੱਤੀ। ਯੂਐਸ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਪਹਿਲਾਂ ਦਾਅਵਾ ਕੀਤਾ ਸੀ ਕਿ ਪਾਰਾ ਚੜ੍ਹਨ ਦੇ ਨਾਲ ਹੀ ਕੋਰੋਨਾ ਵਾਇਰਸ ਨੂੰ ਚਮਤਕਾਰੀ ਢੰਗ ਨਾਲ ਖਤਮ ਹੋ ਜਾਵੇਗਾ।

 

ਵ੍ਹਾਈਟ ਹਾਊਸ ਨੂੰ ਲਿਖੇ ਇੱਕ ਪੱਤਰ ਚ ਨੈਸ਼ਨਲ ਅਕੈਡਮੀ ਆਫ ਸਾਇੰਸਜ਼ (ਐਨਏਐਸ) ਦੇ ਮੈਂਬਰਾਂ ਨੇ ਕਿਹਾ, " ਕੋਰੋਨਾ ਵਾਇਰਸ ਸਰਦੀ ਵਾਂਗ ਗਰਮੀਆਂ ਚ ਵੀ ਆਸਾਨੀ ਨਾਲ ਫੈਲਦਾ ਹੈ ਜਾਂ ਨਹੀਂ, ਵਿਗਿਆਨੀਆਂ ਦੀ ਇਸ ਬਾਰੇ ਰਲ਼ੀ-ਮਿਲੀ ਸਲਾਹ ਹੈ। ਤੇ ਭਾਵੇਂ ਅਸੀਂ ਇਹ ਮੰਨ ਲਈਏ ਕਿ ਗਰਮੀਆਂ ਚ ਲਾਗ ਦਾ ਫੈਲਣਾ ਥੋੜ੍ਹਾ ਹੌਲੀ ਹੋ ਜਾਂਦਾ ਹੈ, ਤਾਂ ਵੀ ਇਹ ਬਹੁਤ ਮਹੱਤਵਪੂਰਨ ਨਹੀਂ ਹੈ, ਕਿਉਂਕਿ ਵਿਸ਼ਵ ਪੱਧਰ ’ਤੇ ਚੋਣਵੇਂ ਲੋਕਾਂ ਦੀ ਪ੍ਰਤੀਰੋਧੀ ਪ੍ਰਣਾਲੀ ਇਸ ਮਾਰੂ ਵਾਇਰਸ ਨਾਲ ਲੜਨ ਦੇ ਕਾਬਲ ਹੈ।'

 

ਐਨਏਐਸ ਦੇ ਛੂਤ ਦੀਆਂ ਬਿਮਾਰੀਆਂ ਦੇ ਚੋਟੀ ਦੇ ਮਾਹਰ ਡਾਕਟਰ ਵਿਲੀਅਮ ਸ਼ੈਫਨਰ ਨੇ ਕਿਹਾ, ’ਹਾਲਾਂਕਿ ਅਸੀਂ ਆਸ ਕਰ ਸਕਦੇ ਹਾਂ ਕਿ ਮੌਸਮ ਕੋਰੋਨਾ ਦੇ ਫੈਲਣ ਨੂੰ ਰੋਕਣ ਚ ਮਦਦ ਕਰੇਗਾ, ਪਰ ਇਸਤੇ ਪੂਰਾ ਭਰੋਸਾ ਰੱਖਣਾ ਸਹੀ ਨਹੀਂ ਹੈ। ਸਾਨੂੰ ਸਮਾਜਿਕ ਦੂਰੀਆਂ ਸਮੇਤ ਹੋਰ ਸਾਵਧਾਨੀ ਦੇ ਉਪਾਵਾਂ ਦੀ ਕੋਸ਼ਿਸ਼ ਕਰਨੀ ਪਏਗੀ, ਤਾਂ ਜੋ ਦੂਸਰੇ ਲੋਕ ਸੰਕਰਮਿਤ ਵਿਅਕਤੀ ਦੇ ਸੰਪਰਕ ਚ ਆ ਕੇ ਵਿਸ਼ਾਣੂ ਦਾ ਸ਼ਿਕਾਰ ਨਾ ਹੋ ਜਾਣ।”

 

ਡਾਕਟਰ ਵਿਲੀਅਮ ਸ਼ੈਫਨਰ ਨੇ ਇਹ ਵੀ ਕਿਹਾ ਕਿ ਗਰਮ ਵਾਤਾਵਰਣ ਵਾਲੇ ਦੇਸ਼ਾਂ ਚ ਕੋਰੋਨਾ ਬਰਾਬਰ ਪੈਰ ਪਸਾਰੇ ਹਨ। ਅਜਿਹੀ ਸਥਿਤੀ ਚ ਇਹ ਮੰਨਣਾ ਇੱਕ ਗਲਤੀ ਹੋਵੇਗੀ ਕਿ ਗਰਮੀਆਂ ਵਿੱਚ ਵਾਇਰਸ ਖੁਦ ਮਰ ਜਾਵੇਗਾ।

 

ਵਾਇਰਸਾਂ ਦੀ ਲੜੀ ਨੂੰ ਤੋੜਨਾ ਜ਼ਰੂਰੀ ਹੈ-

- ਡਾਕਟਰ ਸ਼ੈਫਨਰ ਨੇ ਸਪੱਸ਼ਟ ਕੀਤਾ ਕਿ ਕੋਰੋਨਾ ਚੇਨ ਤੋੜਨਾ ਲਾਕਡਾਊਨ ਅਤੇ ਸਮਾਜਕ ਦੂਰੀਆਂ ਵਰਗੇ ਸਾਵਧਾਨੀ ਉਪਾਵਾਂ ਦੀ ਸਖਤੀ ਨਾਲ ਪਾਲਣਾ ਕਰਕੇ ਲਾਗ ਉੱਤੇ ਕਾਬੂ ਪਾਉਣ ਦਾ ਇੱਕੋ ਇੱਕ ਸਾਧਨ ਹੈ।

 

ਚੀਨ ਚ ਗਰਮੀ ਚ ਵੀ ਫੈਲਿਆ ਛੂਤ

ਚੀਨ ਦੀ ਉਦਾਹਰਣ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਕੋਰੋਨਾ ਗਰਮੀ ਅਤੇ ਨਮੀ ਵਾਲੇ ਮਾਹੌਲ ਚ ਵੀ ਤੇਜ਼ੀ ਨਾਲ ਫੈਲਿਆ। ਹਰੇਕ ਸੰਕਰਮਿਤ ਨੇ ਔਸਤਨ ਦੋ ਹੋਰਨਾਂ ਲੋਕਾਂ ਨੂੰ ਇਸ ਜਾਨਲੇਵਾ ਵਾਇਰਸ ਦਾ ਸ਼ਿਕਾਰ ਬਣਾਇਆ।

 

ਫਲੂ, ਟੀਬੀ ਵਾਇਰਸ ਨਾਲੋਂ ਵਧੇਰੇ ਸ਼ਕਤੀਸ਼ਾਲੀ

-ਐੱਨਏਐੱਸ ਨਾਲ ਜੁੜੇ ਪ੍ਰੋਫੈਸਰ ਚਾਡ ਰਾਏ ਨੇ ਵੱਖੋ ਵੱਖਰੀਆਂ ਛੂਤ ਦੀਆਂ ਬਿਮਾਰੀਆਂ ਲਈ ਜ਼ਿੰਮੇਵਾਰ ਵਾਇਰਸਾਂ 'ਤੇ ਗਰਮੀ ਦੇ ਪ੍ਰਭਾਵਾਂ ਦਾ ਮੁਲਾਂਕਣ ਕੀਤਾ। ਉਨ੍ਹਾਂ ਨੇ ਪਾਇਆ ਕਿ ਫਲੂ, ਟੀ ਬੀ ਅਤੇ ਸਾਰਜ਼ ਦੇ ਮੁਕਾਬਲੇ ਕੋਰੋਨਾ ਦੀ ਲਾਗ ਦਾ ਵਾਇਰਸ ਉੱਚੇ ਤਾਪਮਾਨ ਚ ਕਿਤੇ ਜ਼ਿਆਦਾ ਸਮੇਂ ਤਕ ਜੀਊਂਦਾ ਰਹਿੰਦਾ ਹੈ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Covid-19: NAS says Corona will not halt due to rising heats