ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਤੀਜੇ ਗੇੜ ਲਈ ਵੋਟਾਂ 23 ਨੂੰ, ਚੋਣ–ਪ੍ਰਚਾਰ ਬੰਦ

ਤੀਜੇ ਗੇੜ ਲਈ ਵੋਟਾਂ 23 ਨੂੰ, ਚੋਣ–ਪ੍ਰਚਾਰ ਬੰਦ

ਲੋਕ ਸਭਾ ਚੋਣਾਂ ਦੇ ਤੀਜੇ ਗੇੜ ਤਹਿਤ ਮਹਾਰਾਸ਼ਟਰ, ਗੁਜਰਾਤ, ਛੱਤੀਸਗੜ੍ਹ, ਕਰਨਾਟਕ, ਓੜੀਸ਼ਾ, ਆਸਾਮ ਤੇ ਗੋਆ ਦੀਆਂ ਕੁਝ ਸੀਟਾਂ ਉੱਤੇ ਮੰਗਲਵਾਰ ਨੂੰ ਪੈਣ ਵਾਲੀਆਂ ਵੋਟਾਂ ਲਈ ਚੋਣ–ਪ੍ਰਚਾਰ ਅੱਜ ਐਤਵਾਰ ਸ਼ਾਮੀਂ ਰੁਕ ਗਿਆ। ਮਹਾਰਾਸ਼ਟਰ ਵਿੱਚ ਭਾਜਪਾ, ਸ਼ਿਵ ਸੈਨਾ, ਨੈਸ਼ਨਲਿਸਟ ਕਾਂਗਰਸ ਪਾਰਟੀ ਤੇ ਕਾਂਗਰਸ ਦੇ ਸੀਨੀਅਰ ਆਗੂਆਂ ਨੇ ਪ੍ਰਚਾਰ ਮੁਹਿੰਮਾਂ ਦੌਰਾਨ ਆਪੋ–ਆਪਣੇ ਪਾਰਟੀ ਉਮੀਦਵਾਰਾਂ ਲਈ ਵੋਟਰਾਂ ਤੋਂ ਹਮਾਇਤ ਮੰਗੀ।

 

 

23 ਅਪ੍ਰੈਲ ਨੂੰ ਮਹਾਰਾਸ਼ਟਰ ਸੂਬੇ ਵਿੱਚ ਲਗਭਗ 249 ਉਮੀਦਵਾਰਾਂ ਦਾ ਭਵਿੱਖਾ ਈਵੀਐੱਮ ਵਿੱਚ ਕੈਦ ਹੋਵੇਗਾ। ਤੀਜੇ ਗੇੜ ਵਿੰਚ ਗੁਜਰਾਤ ਤੇ ਕੇਰਲ ਵਿੱਚ ਵੀ ਵੋਟਾਂ ਪੈਣੀਆਂ ਹਨ; ਜਿੱਥੇ ਗਾਂਧੀਨਗਰ ਤੋਂ ਅਮਿਤ ਸ਼ਾਹ ਤੇ ਵਾਇਨਾਡ ਤੋਂ ਰਾਹੁਲ ਗਾਂਧੀ ਦੀ ਕਿਸਮਤ ਈਵੀਐੱਮ ਵਿੱਚ ਕੈਦ ਹੋਵੇਗੀ।

 

 

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਹਿਮਦਨਗਰ ਤੇ ਮਾੜ੍ਹਾ ਲੋਕ ਸਭਾ ਹਲਕਿਆਂ ਵਿੱਚ ਭਾਜਪਾ ਲਈ ਪ੍ਰਚਾਰ ਕੀਤਾ, ਉੱਥੇ ਹੀ ਮੁੱਖ ਮੰਤਰੀ ਦੇਵੇਂਦਰ ਫ਼ੜਨਵੀਸ ਨੇ ਵੀ ਵੱਖੋ–ਵੱਖਰੇ ਖੇਤਰਾਂ ਵਿੱਚ ਚੋਣ–ਰੈਲੀਆਂ ਨੂੰ ਸੰਬੋਧਨ ਕੀਤਾ।

 

 

ਇਸ ਗੇੜ ਵਿੱਚ ਜਿਹੜੇ ਮੁੱਖ ਉਮੀਦਵਾਰਾਂ ਦਾ ਸਿਆਸੀ ਭਵਿੱਖ ਤੈਅ ਹੋਵੇਗਾ; ਉਨ੍ਹਾਂ ਵਿੱਚ ਭਾਜਪਾ ਦੇ ਸੂਬਾ ਪ੍ਰਧਾਨ ਰਾਓ ਸਾਹਿਬ ਦਾਨਵੇ, ਨੈਸ਼ਨਲਿਸਟ ਕਾਂਗਰਸ ਪਾਰਟੀ ਦੇ ਸੁਪ੍ਰਿਆ ਸੁਲੇ, ਕਾਂਗਰਸ ਦੇ ਸੀਨੀਅਰ ਆਗੂ ਰਾਧਾਕ੍ਰਿਸ਼ਨ ਵਿਖੇ ਪਾਟਿਲ ਦੇ ਪੁੱਤਰ ਤੇ ਅਹਿਮਦਨਗਰ ਤੋਂ ਭਾਜਪਾ ਦੇ ਸੁਜੈ ਵਿਖੇ ਪਾਟਿਲ ਤੇ ਰਾਜੂ ਸ਼ੇਟੀ ਆਦਿ ਸ਼ਾਮਲ ਹਨ।

 

 

ਗੁਜਰਾਤ ਦੀਆਂ 26 ਸੀਟਾਂ ਲਈ ਪ੍ਰਚਾਰ ਅੱਜ ਬੰਦ ਹੋ ਗਿਆ। ਇੱਥੇ ਇੱਕੋ ਗੇੜ ਵਿੱਚ ਸਾਰੀਆਂ ਸੀਟਾਂ ਉੱਤੇ ਵੋਟਾਂ ਪੈਣਗੀਆਂ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Third Phase Polls on 23rd April Election campaigns finished