ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਬਲਾਤਕਾਰ ਅਤੇ ਕਤਲ ਦਾ ਦੋਸ਼ੀ ਭਾਰਤੀ ਦੀ ਬ੍ਰਿਟੇਨ ਨੂੰ ਹੋਵੇਗੀ ਹਵਾਲਗੀ

 

ਬ੍ਰਿਟੇਨ ਵਿੱਚ ਇੱਕ ਦਸ ਸਾਲ ਪੁਰਾਣੇ ਬਲਾਤਕਾਰ ਅਤੇ ਕਤਲ ਕੇਸ ਵਿੱਚ ਇੱਕ ਭਾਰਤੀ ਮੁਲਜ਼ਮ ਨੂੰ ਭਾਰਤ ਤੋਂ ਹਵਾਲਗੀ ਕੀਤਾ ਜਾਵੇਗਾ। ਇਕ ਮੀਡੀਆ ਰਿਪੋਰਟ ਵਿੱਚ ਇਹ ਕਿਹਾ ਗਿਆ ਹੈ। 

 

‘ਸੰਡੇ ਮਿਰਰ’ ਦੀ ਖ਼ਬਰ ਅਨੁਸਾਰ ਅਮਨ ਵਿਆਸ (34) ਭਾਰਤ ਅੰਦਰ ਹਿਰਾਸਤ ਵਿੱਚ ਹੈ। ਉਸ ਵਿਰੁਧ 2009 ਵਿੱਚ ਪੂਰਬੀ ਲੰਦਨ ਦੇ ਵਾਲਥੇਮਸਟੋਵ ਵਿੱਚ ਬੱਚਿਆਂ ਦੇ ਖੇਡ ਦੇ ਮੈਦਾਨ ਵਿੱਚ ਮ੍ਰਿਤਕ ਮਿਲੀ ਮਿਸ਼ੇਲ ਸਮਰਾਵੀਰਾ ਦੀ ਹੱਤਿਆ ਦੇ ਮਾਮਲੇ ਵਿੱਚ ਉਸ ਵਿਰੁਧ ਲੰਦਨ ਵਿੱਚ ਮੁਕੱਦਮਾ ਚਲਾਇਆ ਜਾਵੇਗਾ। ਇਹ ਮੰਨਿਆ ਜਾਂਦਾ ਹੈ ਕਿ ਮਿਸ਼ੇਲ 'ਤੇ ਵੀ ਯੌਨ ਸ਼ੋਸ਼ਣ ਕੀਤਾ ਗਿਆ ਸੀ।


ਇੱਕ ਵੱਡੇ ਭਾਰਤੀ ਵਪਾਰੀ ਦਾ ਬੇਟਾ ਅਮਨ ਘਟਨਾ ਦੇ ਸਮੇਂ ਯੂਕੇ ਵਿੱਚ ਵਿਦਿਆਰਥੀ ਵੀਜ਼ਾ ਉੱਤੇ ਰਹਿ ਰਿਹਾ ਸੀ ਅਤੇ ਮਿਸ਼ੇਲ ਦੀ ਹੱਤਿਆ ਤੋਂ ਪਹਿਲਾਂ ਪੂਰਬੀ ਲੰਦਨ ਵਿੱਚ ਤਿੰਨ ਹੋਰ ਕਥਿਤ ਯੌਨ ਸ਼ੋਸ਼ਣ ਮਾਮਲਿਆਂ ਵਿੱਚ ਵੀ ਪੁੱਛਗਿੱਛ ਲਈ ਲੋੜੀਂਦਾ ਹੈ।

 

ਸਕਾਟਲੈਂਡ ਯਾਰਡ ਨੇ ਅਮਨ ਖ਼ਿਲਾਫ਼ ਗ੍ਰਿਫ਼ਤਾਰੀ ਵਾਰੰਟ ਜਾਰੀ ਕੀਤਾ ਸੀ, ਜਿਸ ਤੋਂ ਬਾਅਦ ਉਸ ਨੇ ਭਾਰਤ ਵਿੱਚ ਆਪਣੇ ਰਿਸ਼ਤੇਦਾਰ ਨਾਲ ਰਹਿਣ ਲਈ ਯੂਕੇ ਛੱਡ ਦਿੱਤਾ ਸੀ।

 

ਸਾਲ 2011 ਵਿੱਚ ਥਾਈਲੈਂਡ ਜਾਂਦੇ ਸਮੇਂ ਉਸ ਨੂੰ ਦਿੱਲੀ ਏਅਰਪੋਰਟ ਤੋਂ ਗ੍ਰਿਫ਼ਤਾਰ ਕੀਤਾ ਗਿਆ ਅਤੇ ਬਾਅਦ ਵਿਚ ਜ਼ਮਾਨਤ 'ਤੇ ਰਿਹਾਅ ਕਰ ਦਿੱਤਾ ਗਿਆ। ਉਹ ਉਦੋਂ ਤੋਂ ਹੀ ਬ੍ਰਿਟੇਨ ਨੂੰ ਹਵਾਲਗੀ ਦੇ ਵਿਰੁੱਧ ਲੜ ਰਿਹਾ ਹੈ ਅਤੇ ਭਾਰਤ ਵਿੱਚ ਕਈ ਵਾਰ ਅਦਾਲਤ ਵਿੱਚ ਪੇਸ਼ ਹੋਇਆ ਹੈ।

 

ਪਿਛਲੇ ਸਾਲ ਲੇਬਰ ਪਾਰਟੀ ਦੀ ਵਾਲਥੇਮਸਟੋਵ ਤੋਂ ਸੰਸਦ ਮੈਂਬਰ ਸਟੈਲਾ ਕ੍ਰਿਸਸੀ ਨੇ ਪੀੜਤ ਪਰਿਵਾਰ ਦੇ ਇਸ਼ਾਰੇ 'ਤੇ ਤਤਕਾਲੀ ਪ੍ਰਧਾਨ ਮੰਤਰੀ ਟੇਰੇਸਾ ਮੇ ਨੂੰ ਬੇਨਤੀ ਕੀਤੀ ਸੀ ਕਿ ਜਦੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਪ੍ਰੈਲ 2018 ਵਿੱਚ ਬ੍ਰਿਟੇਨ ਯਾਤਰਾ ਉੱਤੇ ਆਏ ਸਨ ਤਾਂ ਉਹ ਉਨ੍ਹਾਂ ਸਾਹਮਣੇ ਇਸ ਮੁੱਦੇ ਨੂੰ ਚੁੱਕੇ ਤਾਕਿ ਹਵਾਲਗੀ ਦੀਆਂ ਕੋਸ਼ਿਸ਼ਾਂ ਨੂੰ ਸਪੀਡ ਮਿਲ ਸਕੇ।

 


 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Indian murder accused to be extradited to UK