ਅਗਲੀ ਕਹਾਣੀ

ਵਿਦਿਆਰਥੀ ਨੇ ਜਵਾਨਾਂ ਦੀ ਰੱਖਿਆ ਖਾਤਰ ਬਣਾਇਆ ‘ਆਇਰਨਮੈਨ ਸੂਟ’

ਬਨਾਰਸ ਦੇ ਇਕ ਵਿਦਿਆਰਥੀ ਨੇ ਹਾਲੀਵੁੱਡ ਫਿਲਮ ਆਇਰਨ ਮੈਨ ਦੇ ਕਿਰਦਾਰ ਤੋਂ ਪ੍ਰੇਰਣਾ ਲੈਂਦਿਆਂ ਇਕ ਆਇਰਨ ਮੈਨ ਸੂਟ ਤਿਆਰ ਕੀਤਾ ਹੈ। ਵਿਦਿਆਰਥੀ ਨੇ ਕਿਹਾ ਕਿ ਇਹ ਸੂਟ ਦੇਸ਼ ਦੇ ਜਵਾਨਾਂ ਨੂੰ ਜੰਗ ਦੌਰਾਨ ਦੁਸ਼ਮਣਾਂ ਤੋਂ ਬਚਾਵੇਗਾ ਤੇ ਸਾਡੇ ਫ਼ੌਜੀ ਸੁਰੱਖਿਅਤ ਰਹਿਣਗੇ। ਸੰਸਥਾ ਦੇ ਉਪ ਚੇਅਰਮੈਨ ਅਮਿਤ ਮੌਰਿਆ ਨੇ ਵਿਦਿਆਰਥੀ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਹੈ।

 

 

ਵਾਰਾਣਸੀ ਦੇ ਪਹਾੜੀਆ ਵਿਖੇ ਅਸ਼ੋਕਾ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ ਐਂਡ ਮੈਨੇਜਮੈਂਟ ਦੇ ਆਰ ਐਂਡ ਡੀ ਵਿਭਾਗ ਦੇ ਵਿਦਿਆਰਥੀ ਸ਼ਾਮ ਚੌਰਸੀਆ ਨੇ ਇਹ ਸੂਟ ਤਿਆਰ ਕੀਤਾ ਹੈ। ਸ਼ਾਮ ਨੇ ਕਿਹਾ ਕਿ ਇਸ ਸੂਟ ਨੂੰ ਬਣਾਉਣ ਦਾ ਮੇਰਾ ਟੀਚਾ ਸਾਡੇ ਦੇਸ਼ ਦੇ ਜਵਾਨਾਂ ਦੀ ਜਾਨ ਅਤੇ ਮਾਲ ਦੀ ਰੱਖਿਆ ਕਰਨਾ ਹੈ। ਇਸਦਾ ਇੱਕ ਪ੍ਰੋਟੋਟਾਈਪ ਮਾਡਲ ਮੈਂ ਖੁਦ ਤਿਆਰ ਕੀਤਾ ਹੈ।

 

ਉਨ੍ਹਾਂ ਕਿਹਾ ਕਿ ਦੇਸ਼ ਲਈ ਕੁਝ ਕਰਨ ਦਾ ਜਜ਼ਬਾ ਬਚਪਨ ਤੋਂ ਹੀ ਮੇਰੇ ਦਿਮਾਗ ਚ ਹੈ। ਇਸ ਸੋਚ ਨਾਲ ਮੈਂ ਦੇਸ਼ ਦੇ ਫ਼ੌਜੀਆਂ ਦੀ ਸੁਰੱਖਿਆ ਲਈ ਅਜਿਹਾ ਧਾਤੂ ਸੂਟ (ਧਾਤ) ਤਿਆਰ ਕੀਤਾ ਹੈ, ਜਿਸ ਦੀ ਸਹਾਇਤਾ ਨਾਲ ਸਾਡੇ ਦੇਸ਼ ਦੇ ਜਵਾਨ ਸੁਰੱਖਿਅਤ ਰਹਿਣ ਅਤੇ ਅੱਤਵਾਦੀਆਂ ਸਮੇਤ ਦੁਸ਼ਮਣਾਂ ਦਾ ਸਾਹਮਣਾ ਅਸਾਨੀ ਨਾਲ ਕਰ ਸਕਣਗੇ।

 

ਇਸ ਧਾਤ ਦੇ ਸੂਟ ਦਾ ਭਾਰ ਲਗਭਗ 7 ਕਿਲੋਗ੍ਰਾਮ ਹੈ। ਸੂਟ ਚ ਵੱਖ-ਵੱਖ ਥਾਂ 'ਤੇ 10 ਬੈਰਲ ਸੈਟ ਕੀਤੇ ਹਨ। ਸੂਟ 'ਚ ਲਗਾਈਆਂ ਗਈਆਂ ਬੰਦੂਕਾਂ ਨੂੰ ਇੰਟਰਨੈਟ ਅਤੇ ਸੋਸ਼ਲ ਮੀਡੀਆ ਵਰਗੇ ਵਟਸਐਪ ਅਤੇ ਫੇਸਬੁੱਕ ਦੀ ਮਦਦ ਨਾਲ ਵੀ ਚਲਾਇਆ ਜਾ ਸਕਦਾ ਹੈ। ਸ਼ਾਮ ਨੇ ਕਿਹਾ ਕਿ ਧਾਤ ਦੇ ਇਸ ਸੂਟ ਦਾ ਇੱਕ ਪ੍ਰੋਟੋਟਾਈਪ ਮਾਡਲ ਤਿਆਰ ਕਰਨ ਚ ਲਗਭਗ ਇੱਕ ਤੋਂ ਦੋ ਮਹੀਨੇ ਲੱਗ ਗਏ।

 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Student made Ironman suit to protect the soldiers of the country