ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਇਸ ਬੰਦੇ ਦੇ ਸਰੀਰਕ ਅੰਗਾਂ ਦੀ ਸਥਿਤੀ ਵੇਖ ਕੇ ਡਾਕਟਰਾਂ ਦੇ ਉੱਡੇ ਹੋਸ਼

ਉੱਤਰ ਪ੍ਰਦੇਸ਼ ਦੇ ਕੁਸ਼ੀਨਗਰ ਦੇ ਪਦੜੌਣਾ ਦੇ ਵਸਨੀਕ ਜਮਾਲੂਦੀਨ ਪਹਿਲੀ ਵਾਰ ਚ ਇਕ ਆਮ ਵਿਅਕਤੀ ਦੀ ਤਰ੍ਹਾਂ ਲੱਗਦੇ ਹਨ ਪਰ ਅਸਲ ਚ ਅਜਿਹਾ ਨਹੀਂ ਹੈ। ਦਰਅਸਲ ਉਨ੍ਹਾਂ ਦੇ ਸਰੀਰ ਦੇ ਸਾਰੇ ਅੰਗ ਗਲਤ ਪਾਸੇ ਸਥਿਤ ਹਨ। ਜਮਾਲੂਦੀਨ ਦਾ ਦਿਲ ਸੱਜੇ ਪਾਸੇ ਹੈ ਜਦੋਂ ਕਿ ਉਨ੍ਹਾਂ ਦਾ ਜਿਗਰ ਅਤੇ ਪਿੱਤਾ-ਬਲੈਡਰ ਖੱਬੇ ਪਾਸੇ ਹਨ।

 

ਇਹ ਮਾਮਲਾ ਉਸ ਵੇਲੇ ਸਾਹਮਣੇ ਆਇਆ ਜਦੋਂ ਜਮਾਲੂਦੀਨ ਨੂੰ ਪੇਟ ਵਿੱਚ ਦਰਦ ਦੀ ਸ਼ਿਕਾਇਤ ਹੋਈ ਤੇ ਉਨ੍ਹਾਂ ਨੂੰ ਗੋਰਖਪੁਰ ਵਿੱਚ ਡਾਕਟਰ ਕੋਲ ਲਿਜਾਇਆ ਗਿਆ। ਡਾਕਟਰ ਉਨ੍ਹਾਂ ਦੀਆਂ ਐਕਸਰੇ ਅਤੇ ਅਲਟਰਾਸਾਉਂਡ ਰਿਪੋਰਟਾਂ ਦੇਖ ਕੇ ਹੈਰਾਨ ਰਹਿ ਗਏ।

 

ਬੈਰੀਆਟ੍ਰਿਕ ਲੈਪਰੋਸਕੋਪਿਕ ਸਰਜਨ ਡਾ. ਸ਼ਸ਼ੀਕਾਂਤ ਦੀਕਸ਼ਿਤ ਨੇ ਕਿਹਾ, "ਸਾਨੂੰ ਉਨ੍ਹਾਂ ਦੇ ਪਿੱਤੇ-ਬਲੈਡਰ ਵਿੱਚ ਪੱਥਰੀ ਮਿਲੀ ਸੀ। ਪਰ ਜੇਕਰ ਪਿੱਤਾ-ਬਲੈਡਰ ਖੱਬੇ ਪਾਸੇ ਰਹਿੰਦਾ ਹੈ ਤਾਂ ਪੱਥਰੀ ਨੂੰ ਬਾਹਰ ਕੱਢਣਾ ਬਹੁਤ ਮੁਸ਼ਕਲ ਹੁੰਦਾ ਹੈ। ਸਾਨੂੰ ਉਨ੍ਹਾਂ ਦੀ ਸਰਜਰੀ ਕਰਨ ਲਈ 3 ਡਾਇਮੈਂਸ਼ਨਲ ਲੈਪਰੋਸਕੋਪਿਕ ਮਸ਼ੀਨਾਂ ਦੀ ਮਦਦ ਲੈਣੀ ਪਈ। ਸਰਜਰੀ ਤੋਂ ਬਾਅਦ ਹੁਣ ਜਮਾਲੂਦੀਨ ਦੀ ਸਿਹਤ ਵਿੱਚ ਸੁਧਾਰ ਹੋ ਰਿਹਾ ਹੈ।

 

ਡਾ: ਦੀਕਸ਼ਿਤ ਨੇ ਕਿਹਾ ਕਿ ਉਨ੍ਹਾਂ ਨੇ ਇਸ ਤਰ੍ਹਾਂ ਦਾ ਇਹ ਪਹਿਲਾ ਕੇਸ ਵੇਖਿਆ ਹੈ ਜਿਸ ਵਿੱਚ ਕਿਸੇ ਦੇ ਸਰੀਰ ਦੇ ਸਾਰੇ ਅੰਗ ਗਲਤ ਪਾਸੇ ਸਥਿਤ ਹਨ। ਅਜਿਹਾ ਕੇਸ ਸੰਨ 1643 ਚ ਵੇਖਣ ਨੂੰ ਮਿਲਿਆ ਸੀ। ਅਜਿਹੇ ਮਾਮਲਿਆਂ ਚ ਲੋਕਾਂ ਦਾ ਇਲਾਜ ਕਰਨਾ ਮੁਸ਼ਕਲ ਹੋ ਜਾਂਦਾ ਹੈ, ਉਦੋਂ ਵੀ ਜਦੋਂ ਉਨ੍ਹਾਂ ਨੂੰ ਸਰਜਰੀ ਦੀ ਜ਼ਰੂਰਤ ਹੁੰਦੀ ਹੈ।

 

ਦੱਸਣਯੋਗ ਹੈ ਕਿ ਅਜਿਹਾ ਕੇਸ ਸਭ ਤੋਂ ਪਹਿਲਾਂ ਸੰਨ 1643 ਚ ਮਾਰਕ ਅਰੇਲਿਓ ਕੋਲ ਆਇਆ ਸੀ। ਅਮਰੀਕੀ ਗਾਇਕ ਅਤੇ ਨਾਇਕ ਡੌਨੀ ਅਸਮੰਡ ਦੇ ਸਰੀਰ ਚ ਅੰਤਿਕਾ ਖੱਬੇ ਪਾਸੇ ਸੀ, ਜਿਹੜੀ ਕਿ ਅਸਲ ਚ ਸੱਜੇ ਪਾਸੇ ਆਮ ਸਥਿਤੀ ਚ ਹੁੰਦੀ ਹੈ। ਬਾਅਦ ਚ ਪਤਾ ਲੱਗਿਆ ਕਿ ਉਨ੍ਹਾਂ ਦੇ ਸਰੀਰ ਦੇ ਸਾਰੇ ਅੰਗ ਜਨਮ ਤੋਂ ਹੀ ਉਲਟ ਪਾਸੇ ਸਨ।

 

 

.

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:The doctors surprised at seeing the position of the organs of this man