ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਕਮਲਨਾਥ ਅਤੇ ਸੀਨੀਅਰ ਕਾਂਗਰਸ ਨੇਤਾ ਜੋਤੀਰਾਦਿੱਤਿਆ ਸਿੰਧੀਆ ਦਰਮਿਆਨ ਚੱਲ ਰਹੀ ਤਕਰਾਰ ਘੱਟਦੀ ਨਜ਼ਰ ਨਹੀਂ ਆ ਰਹੀ ਹੈ। ਹਾਲ ਹੀ ਚ ਦੋਵੇਂ ਕਰਜ਼ਾ ਮੁਆਫੀ ਅਤੇ ਗੈਸਟ ਅਧਿਆਪਕ ਦੇ ਮੁੱਦੇ ਤੇ ਆਹਮੋ-ਸਾਹਮਣੇ ਨਜ਼ਰ ਆਏ। ਸਿੰਧੀਆ ਨੇ ਤਾਂ ਕਾਂਗਰਸ ਦੇ ਚੋਣ ਮਨੋਰਥ ਪੱਤਰ ਨੂੰ ਲਾਗੂ ਨਾ ਕੀਤੇ ਜਾਣ ’ਤੇ ਸੜਕਾਂ 'ਤੇ ਉਤਰਨ ਦੀ ਗੱਲ ਵੀ ਕੀਤੀ ਸੀ।
ਹੁਣ ਕਮਲਨਾਥ ਮੰਤਰੀ ਮੰਡਲ ਦੇ ਮੰਤਰੀ ਗੋਵਿੰਦ ਸਿੰਘ ਨੇ ਸਿੰਧੀਆ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਪਾਰਟੀ ਦੇ ਸੀਨੀਅਰ ਨੇਤਾ ਹਨ। ਉਨ੍ਹਾਂ ਨੂੰ ਜਨਤਕ ਤੌਰ 'ਤੇ ਅਜਿਹੇ ਬਿਆਨ ਨਹੀਂ ਦੇਣਾ ਚਾਹੀਦਾ ਹੈ।
ਗੋਵਿੰਦ ਸਿੰਘ ਨੇ ਕਿਹਾ ਕਿ ਜਿਹੜਾ ਵੀ ਸੜਕ ‘ਤੇ ਜਾਣਾ ਚਾਹੁੰਦਾ ਹੈ, ਉਤਰ ਸਕਦਾ ਹੈ। ਸਰਕਾਰ ਇਕ ਸਾਲ ਚ ਨਹੀਂ, ਪੰਜ ਸਾਲਾਂ ਚ ਆਪਣਾ ਵਾਅਦਾ ਪੂਰਾ ਕਰਨ ਲਈ ਵਚਨਬੱਧ ਹੈ। ਉਨ੍ਹਾਂ ਕਿਹਾ ਕਿ ਸੂਬੇ ਦੇ ਲੋਕਾਂ ਨੇ ਜੋ ਕੰਮ ਸ਼ਿਵਰਾਜ ਸਿੰਘ ਚੌਹਾਨ ਅਤੇ ਭਾਜਪਾ ਨੂੰ ਸੌਂਪਿਆ ਹੈ, ਉਹ ਕਾਂਗਰਸ ਦੇ ਨੇਤਾਵਾਂ ਨੂੰ ਨਹੀਂ ਕਰਨਾ ਚਾਹੀਦਾ।
Madhya Pradesh Minister Govind Singh: Jyotiraditya Scindia is a senior leader of the Congress party, he should not make such statements publicly. The work which has been given to Shivraj Singh Chauhan & BJP by the people of the state, must not be done by our party leaders. https://t.co/td6gQY5Gal
— ANI (@ANI) February 16, 2020
