ਬਾਗ਼ੀ ਖਹਿਰਾ ਦਾ ਹਾਲ ਵੀ ਅਕਾਲੀ ਨੇਤਾ ਟੋਹੜਾ ਵਰਗਾ ਹੋਊ- ਭਗਵੰਤ ਮਾਨ

ਲੋਕਸਭਾ ਚੋਣਾਂ ਵਿੱਚ ਇਕ ਸਾਲ ਤੋਂ ਘੱਟ ਦਾ ਸਮਾਂ ਬਾਕੀ ਹੈ ਤੇ ਆਮ ਆਦਮੀ ਪਾਰਟੀ ਦੀ ਪੰਜਾਬ ਇਕਾਈ ਵਿਚਾਲੇ ਆਪਸੀ ਘਮਾਸਾਨ ਹੁਣ ਖੁੱਲ੍ਹ ਕੇ ਸਾਹਮਣੇ ਆ ਰਿਹਾ।


ਬਾਗ਼ੀ ਵਿਧਾਇਕ ਸੁਖਪਾਲ ਖਹਿਰਾ ਨੇ ਮੋਗਾ ਵਿਖੇ ਹੋਈ ਰੈਲੀ ਦੌਰਾਨ ਭਗਵੰਤ ਮਾਨ ਉੱਤੇ 2017 ਦੀਆਂ ਵਿਦਾਨ ਸਭਾ ਚੋਣਾਂ ਦੌਰਾਨ ਮੁੱਖ ਮੰਤਰੀ ਦੇ ਅਹੁਦੇ ਲਈ ਲਾਲਚੀ ਹੋਣ ਦਾ ਦੋਸ਼ ਲਗਾਇਆ ਸੀ। ਜਵਾਬ 'ਚ ਸੰਗਰੂਰ ਤੋਂ ਸੰਸਦ ਮੈਂਬਰ ਨੇ ਖਹਿਰਾ ਦਾ ਨਾਂ ਲਏ ਬਿਨਾਂ ਹੀ ਖਹਿਰਾ ਦੇ ਸਿਆਸੀ ਭਵਿੱਖ 'ਤੇ ਸ਼ੱਕ ਜਤਾ ਦਿੱਤਾ।


ਮਾਨ ਨੇ ਖਹਿਰਾ ਦੇ ਸਿੱਧੇ ਹਮਲੇ ਤੋਂ ਉਲਟ 'ਆਪ'ਵਿਧਾਇਕ ਜਗਦੇਵ ਸਿੰਘ ਕਮਾਲੂ ਦੇ ਮੌੜ ਹਲਕੇ 'ਚ ਇਕ ਜਨਸਭਾ ਦੌਰਾਨ ਆਪਣੇ ਭਾਸ਼ਣ 'ਚ ਖਹਿਰਾ ਦਾ ਨਾਮ ਨਹੀਂ ਲਿਆ।



ਮਾਨ ਨੇ ਕਿਹਾ,"ਪਾਰਟੀ ਇਕ ਵਿਅਕਤੀ ਤੋਂ ਵੱਡੀ ਹੈ ਅਤੇ ਮੈਂ ਤੁਹਾਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਪਾਰਟੀ ਦੇ ਹਿੱਤਾਂ ਦੇ ਵਿਰੁੱਧ ਜਾ ਰਹੇ ਲੋਕ ਉਸੇ ਕਿਸਮਤ ਨਾਲ ਮਿਲ ਜਾਣਗੇ ਜਿਵੇਂ ਅਕਾਲੀ ਨੇਤਾ ਗੁਰਚਰਨ ਸਿੰਘ ਟੌਹੜਾ 13 ਵਿਧਾਇਕਾਂ ਦੇ ਨਾਲ ਪਾਰਟੀ ਛੱਡ ਗਏ ਸਨ ਤੇ ਫ਼ਿਰ ਅਕਾਲੀ ਦਲ ਵਿਚ ਵਾਪਸ ਆਏ ਸੀ।"



ਜ਼ਿਕਰਯੋਗ ਹੈ ਕਿ ਟੌਹੜਾ ਨੇ ਅਕਾਲੀ ਦਲ ਵਿੱਚ 13 ਬਾਗੀ ਵਿਧਾਇਕਾਂ ਦੇ ਸਮਰਥਨ ਨਾਲ ਸਰਬਹਿੰਦ ਸ਼੍ਰੋਮਣੀ ਅਕਾਲੀ ਦਲ ਦਾ ਗਠਨ ਕੀਤਾ ਸੀ, ਜਿਨ੍ਹਾਂ ਵਿੱਚੋਂ ਪੰਜ ਬਾਦਲ ਸਰਕਾਰ (1997-2002) ਵਿੱਚ ਮੰਤਰੀ ਸਨ।



ਮਾਨ ਨੇ ਕਿਹਾ, "ਪੰਜਾਬ ਦੇ ਲੋਕ ਕਾਂਗਰਸ ਅਤੇ ਅਕਾਲੀ ਦਲ ਦੇ ਖ਼ਿਲਾਫ਼ ਆਪ ਨਾਲ ਇਕਜੁੱਟ ਹੈ। ਜਿਹੜੇ ਲੋਕ ਪਾਰਟੀ ਵਿਰੁੱਧ ਬਗਾਵਤ ਕਰ ਰਹੇ ਹਨ, ਉਨ੍ਹਾਂ ਦਾ ਹਾਲ ਟੌਹੜਾ ਵਰਗਾ ਹੀ ਹੋਵੇਗਾ, ਤੇ ਸਾਰੇ ਪਾਰਟੀ ਵਿੱਚ ਮੁੜ ਵਾਪਸ ਆਉਣਗੇ। ਮੈਂ ਪਾਰਟੀ ਦਾ ਸਿਪਾਹੀ ਹਾਂ।"



ਮੋਗਾ ਦੀ ਰੈਲੀ ਵਿੱਚ ਖਹਿਰਾ ਦੇ ਨਾਲ ਛੇ ਵਿਧਾਇਕ ਜੁਟੇ। ਉੱਥੇ ਹੀ ਭਗਵੰਤ ਦੇ ਨਾਲ ਪਾਰਟੀ ਦੇ ਚਾਰ ਆਗੂ ਹਰਪਾਲ ਚੀਮਾ, ਤਲਵੰਡੀ ਸਾਬੋ ਤੋਂ ਬਲਜਿੰਦਰ ਕੌਰ, ਬਠਿੰਡਾ ਪੇਂਡੂ ਤੋਂ ਰੁਪਿੰਦਰ ਕੌਰ ਰੂਬੀ ਅਤੇ ਬੁਢਲਾਡਾ ਤੋਂ ਬੁੱਧ ਰਾਮ ਰੈਲੀ ਦੌਰਾਨ ਜੁਟੇ।