ਪੰਜਾਬ-ਹਰਿਆਣਾ ਹਾਈਕੋਰਟ ਨੇ ਉਸ ਜਨਹਿੱਤ ਪਟੀਸ਼ਨ ਨੂੰ ਰੱਦ ਕਰ ਦਿੱਤਾ ਹੈ ਜਿਸ `ਚ ਅੰਮ੍ਰਿਤਸਰ ਰੇਲ ਹਾਦਸੇ ਨੂੰ ਲੈ ਕੇ ਐਸਆਈਟੀ-ਸੀਬੀਆਈ ਜਾਂਚ ਦੀ ਮੰਗ ਕੀਤੀ ਗਈ ਸੀ। ਨਿਊਜ਼ ਏਜੰਸੀ ਏਐਨਆਈ ਮੁਤਾਬਕ ਹਾਈਕੋਰਟ ਨੇ ਕਿਹਾ ਕਿ ਪਟੀਸ਼ਨ ਕੇਵਲ ਰਾਜਨੀਤਿਕ ਇਰਾਦੇ ਨਾਲ ਦਾਖਲ ਕੀਤੀ ਗਈ ਹੈ। ਇਸ ਹਾਦਸੇ ਲਈ ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਅਤੇ ਸਰਕਾਰ ਨੂੰ ਕਿਵੇਂ ਜਿ਼ੰਮੇਵਾਰ ਮੰਨਿਆ ਜਾ ਸਕਦਾ ਹੈ, ਜਦੋਂਕਿ ਲੋਕ ਖੁਦ ਰੇਲਵੇ ਲਾਈਨ `ਤੇ ਖੜ੍ਹੇ ਸਨ। ਹਾਈਕੋਰਟ ਦੀ ਇਸ ਟਿੱਪਣੀ ਦੇ ਬਾਅਦ ਨਵਜੋਤ ਕੌਰ ਨੂੰ ਕਲੀਨ ਚਿੱਟ ਮਿਲ ਗਈ ਹੈ।
ਜਿ਼ਕਰਯੋਗ ਹੈ ਕਿ ਦੁਸਹਿਰੇ ਮੌਕੇ ਅੰਮ੍ਰਿਤਸਰ ਦੇ ਜੋੜੇ ਫਾਟਕ ਦੇ ਨੇੜੇ ਰਾਵਣ ਸਾੜਨ ਦੇ ਪ੍ਰੋਗਰਾਮ ਦੌਰਾਨ ਵਾਪਰੇ ਰੇਲ ਹਾਦਸੇ `ਚ 61 ਲੋਕਾਂ ਦੀ ਮੌਤ ਹੋ ਗਈ ਸੀ, ਜਦੋਂਕਿ 72 ਲੋਕ ਜ਼ਖਮੀ ਹੋ ਗਏ ਸਨ। ਇਸ ਤੋਂ ਬਾਅਦ ਮਾਮਲੇ ਦੀ ਸੀਬੀਆਈ ਜਾਂਚ ਲਈ ਪੀਆਈਐਲ ਦਾਇਰ ਕੀਤੀ ਗਈ ਸੀ। ਹਾਦਸੇ ਤੋਂ ਬਾਅਦ ਲੋਕਾਂ `ਚ ਨਵਜੋਤ ਕੌਰ ਨੂੰ ਲੈ ਕੇ ਕਾਫੀ ਗੁੱਸਾ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਜਿਸ ਸਮੇਂ ਹਾਦਸਾ ਹੋਇਆ ਉਸ ਸਮੇਂ ਨਵਜੋਤ ਕੌਰ ਉਥੇ ਮੌਜੂਦ ਸਨ, ਪ੍ਰੰਤੂ ਹਾਦਸੇ ਦੇ ਬਾਅਦ ਉਥੋਂ ਉਹ ਨਿਕਲ ਗਈ।
ਉਥੇ ਘਟਨਾ ਦੇ ਬਾਅਦ ਪ੍ਰੋਗਰਾਮ ਦਾ ਪ੍ਰਬੰਧਕ ਸੌਰਭ ਮਦਾਨ ਮਿੱਠੂ ਵੀ ਫਰਾਰ ਹੋ ਗਿਆ ਸੀ। ਪ੍ਰੰਤੂ ਕੁਝ ਦਿਨ ਬਾਅਦ ਮਿੱਠੂ ਨੇ ਸਾਹਮਣੇ ਆ ਕੇ ਬਿਆਨ ਦਿੱਤਾ ਕਿ ਉਹ ਕਿਤੇ ਨਹੀਂ ਭੱਜਿਆ ਸੀ, ਉਹ ਬਹੁਤ ਡਰ ਗਿਆ ਸੀ। ਪ੍ਰਬੰਧਕ ਨੇ ਵੀਡੀਓ ਜਾਰੀ ਕਰਕੇ ਸਫਾਈ ਦਿੱਤੀ ਸੀ ਕਿ ਉਨ੍ਹਾਂ ਪ੍ਰਬੰਧ ਲਈ ਸਾਰੇ ਤਰ੍ਹਾਂ ਦੀ ਆਗਿਆ ਲਈ ਸੀ। ਨਾਲ ਹੀ ਦਾਅਵਾ ਕੀਤਾ ਕਿ ਉਹ ਪ੍ਰੋਗਰਾਮ ਦੌਰਾਨ ਲਗਾਤਾਰ ਲੋਕਾਂ ਨੂੰ ਟ੍ਰੈਕ ਤੋਂ ਦੂਰ ਖੜ੍ਹੇ ਰਹਿਣ ਦੀ ਅਪੀਲ ਕਰਦੇ ਰਹੇ ਸਨ।
Punjab&Haryana HC rejects Public Interest Litigation seeking constitution of SIT or CBI inquiry in #AmritsarTrainAccident;says the PIL is more of a political interest litigation as how can Chief guest or govt be held responsible when ppl themselves were wrong in standing on track
— ANI (@ANI) October 29, 2018
Organizer of Dusshera event Saurabh Madan Mithoo releases video message,says ' Had taken all permissions,had alerted crowd atleast 10 times to not stand on tracks. I am extremely pained by the incident. Some ppl are trying to defame me' #Amritsartrainaccident (location: unknown) pic.twitter.com/viPXBws3P8
— ANI (@ANI) October 22, 2018
