ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਚੰਡੀਗੜ੍ਹ ’ਚ ਪੰਜਾਬ ਦਾ ਪਹਿਲਾ ਸਵੈ-ਸਹਾਇਤਾ ਗਰੁੱਪ ਮੇਲਾ, ਦਾਖ਼ਲਾ ਮੁਫਤ

ਪੰਜਾਬ ਦੇ ਸਮਾਜਕ ਸੁਰੱਖਿਆ, ਮਹਿਲਾ ਤੇ ਬਾਲ ਵਿਕਾਸ ਵਿਭਾਗ ਅਤੇ ਸਵੈ-ਰੋਜ਼ਗਾਰ ਮਹਿਲਾ ਐਸੋਸੀਏਸ਼ਨ (ਐਸ.ਈ.ਡਬਲਿਊ.ਏ.) ਵਲੋਂ ਸਾਂਝੇ ਤੌਰ ’ਤੇ ਪੰਜਾਬ ਦਾ ਪਹਿਲਾ ਸਵੈ-ਸਹਾਇਤਾ ਗਰੁੱਪ(ਐਸ.ਐਚ.ਜੀ.) ਮੇਲਾ-‘ਲਾਡੋ’ 23 ਤੋਂ 24 ਅਕਤੂਬਰ, 2019 ਨੂੰ ਆਯੋਜਿਤ ਕੀਤਾ ਜਾਵੇਗਾ। ਇਹ ਜਾਣਕਾਰੀ ਅੱਜ ਏਥੇ ਇੱਕ ਸਰਕਾਰੀ ਬੁਲਾਰੇ ਨੇ ਦਿੱਤੀ।

 

ਜਾਣਕਾਰੀ ਮੁਤਾਬਕ ਇਹ ਮੇਲਾ ਦੋਵੇਂ ਦਿਨ ਸਵੇਰੇ 11 ਤੋਂ ਸ਼ਾਮ 7 ਵਜੇ ਤੱਕ ਕਿਸਾਨ ਭਵਨ, ਚੰਡੀਗੜ੍ਹ ਵਿਖੇ ਸ਼ੁਰੂ ਹੋਵੇਗਾ। ਇਸਦਾ ਮੁੱਖ ਉਦੇਸ਼ ਪੰਜਾਬ ਦੀਆਂ ਮਹਿਲਾ ਉੱਦਮੀਆਂ ਅਤੇ ਸਵੈ-ਸਹਾਇਤਾ ਗਰੁੱਪਾਂ ਵਲੋਂ ਕੀਤੇ ਕੰਮਾਂ ਨੂੰ ਉਭਾਰਨਾ ਹੈ। ਬੁਲਾਰੇ ਨੇ ਦੱਸਿਆ ਕਿ ਰਾਜਸਥਾਨ, ਬੰਗਾਲ, ਉੱਤਰਾਖੰਡ ਅਤੇ ਗੁਜਰਾਤ ਨਾਲ ਸਬੰਧਤ ਸਵੈ-ਸਹਾਇਤਾ ਗਰੁੱਪ ਵੀ ਇਸ ਮੇਲੇ ਵਿੱਚ ਹਿੱਸਾ ਲੈਣਗੇ।

 

ਇਸ ਮੌਕੇ ਹੱਥ ਨਾਲ ਕੀਤੀ ਫੁਲਕਾਰੀ ਦੀ ਕਢਾਈ, ਹੱਥ ਨਾਲ ਤਿਆਰ ਕੀਤੇ ਸਵੈਟਰ, ਥੈਲੇ, ਅਚਾਰ, ਆਯੁਰਵੈਦਿਕ ਉਤਪਾਦ, ਮਠਿਆਈਆਂ ਇਸ ਮੌਕੇ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਰਹਿਣਗੇ। ਇਸ ਤੋਂ ਇਲਾਵਾ ਐਸ.ਈ.ਡਬਲਿਊ.ਏ. ਲਖਨਊ ਦੀ ਚਿਕਨਕਾਰੀ, ਬੰਗਾਲ ਦੀਆਂ ਹੱਥ ਨਾਲ ਬੁਣੀਆਂ ਲਿਨਨ ਸਾੜ੍ਹੀਆਂ, ਗੁਜਰਾਤ ਦੀ ਦਸਤਕਾਰੀ ਅਤੇ ਉਤਰਾਖੰਡ ਦੇ ਜੈਵਿਕ ਮਸਾਲੇ ਵਿੱਚ ਵੀ ਦੇਖਣਯੋਗ ਹੋਣਗੇ।

 

ਬੁਲਾਰੇ ਨੇ ਦੱਸਿਆ ਇਸ ਮੌਕੇ ਸਵੈ-ਸਹਾਇਤਾ ਗਰੁੱਪਾਂ ਨੂੰ ਸਿਖਲਾਈ ਵੀ ਦਿੱਤੀ ਜਾਵੇਗੀ ਅਤੇ ਇਸ ਮੇਲੇ ਵਿੱਚ ਦਾਖ਼ਲਾ ਮੁਫਤ ਹੋਵੇਗਾ। ਮੇਲੇ ਦੀ ਇੱਕ ਹੋਰ ਵਿਲੱਖਣਤਾ ਬਾਰੇ ਦੱਸਦਿਆਂ ਉਨ੍ਹਾਂ ਕਿਹਾ ਕਿ ਮੇਲੇ ਦੌਰਾਨ ਹੋਈ ਆਮਦਨੀ ਸਿੱਧੇ ਤੌਰ ’ਤੇ ਸਵੈ-ਸਹਾਇਤਾ ਗਰੁੱਪਾਂ ਨੂੰ ਦਿੱਤੀ ਜਾਵੇਗੀ। ਇਸ ਮੌਕੇ ਲੋਕ ਪੰਜਾਬ ਅਸਲ ਪਕਵਾਨਾਂ ਦਾ ਅਨੰਦ ਵੀ ਲੈ ਸਕਣਗੇ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Punjabs first self-help group fair at Kisan Bhawan