ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਕਦੇ ਭੁੱਲ ਕੇ ਵੀ ਨਾ ਪੀਓ ਲੁਧਿਆਣਾ ਰੇਲਵੇ ਸਟੇਸ਼ਨ ਦਾ ਟੂਟੀ ਵਾਲਾ ਪਾਣੀ...

ਲੁਧਿਆਣਾ ਰੇਲਵੇ ਸਟੇਸ਼ਨ

ਜੇ ਤੁਸੀਂ  ਵੀ ਲੁਧਿਆਣੇ ਰੇਲਵੇ ਸਟੇਸ਼ਨ 'ਤੇ ਟੂਟੇ ਵਾਲਾ ਪਾਣੀ ਪੀਣੇ ਹੋ ਤਾਂ ਸਾਵਧਾਨ ਹੋ ਜਾਓ!  ਰੇਲਵੇ ਸਿਹਤ ਵਿਭਾਗ ਦੀ ਇਕ ਟੀਮ ਨੇ ਹਾਲ ਹੀ ਵਿੱਚ ਇੱਕ ਰਿਪੋਰਟ ਛਾਪੀ ਹੈ ਕਿ ਸਟੇਸ਼ਨ 'ਤੇ ਟੂਟੀ ਵਾਲਾ ਪਾਣੀ ਪੀਣ ਲਈ ਅਸੁਰੱਖਿਅਤ ਹੈ ਅਤੇ ਇਸ ਵਿੱਚ ਬੈਕਟੀਰੀਆ ਮਿਲੇ ਹਨ।

 

ਸਿਹਤ ਵਿਭਾਗ ਨੇ ਪਿਛਲੇ ਹਫਤੇ ਫਿਰੋਜ਼ਪੁਰ ਡਿਵੀਜ਼ਨ ਲੈਬਾਰਟਰੀ ਤੋਂ ਪਾਣੀ ਦੇ ਨਮੂਨ ਇਕੱਠੇ ਕੀਤੇ ਸਨ, ਜਿਸ ਵਿਚ ਦੇਖਿਆ ਗਿਾ ਕਿ 100 ਮਿਲੀਲੀਟਰ ਪਾਣੀ ਵਿਚ ਘੱਟੋ ਘੱਟ 90 ਬੈਕਟੀਰੀਆ (ਕੋਲੀਫਾਰਮ) ਮੌਜੂਦ ਸਨ।

 

ਹਿੰਦੁਸਤਾਨ ਟਾਈਮਜ਼ ਕੋਲ ਰਿਪੋਰਟ ਦੀ ਇੱਕ ਕਾਪੀ ਹੈ, ਜਿਸ ਵਿਚ ਸਿਹਤ ਵਿਭਾਗ ਨੇ ਇਕੱਠੇ ਕੀਤੇ ਨਮੂਨੇ ਨੂੰ 'ਅਸੰਤੋਸ਼ਜਨਕ' ਦਰਜਾ ਦਿੱਤਾ ਹੈ।

 

ਉੱਤਰੀ ਰੇਲਵੇ ਦੇ ਸਿਹਤ ਇੰਸਪੈਕਟਰ ਮਨੋਜ ਕੁਮਾਰ ਨੇ ਕਿਹਾ, "ਅਸੀਂ ਕਈ ਵਾਰ ਸਬੰਧਤ ਅਧਿਕਾਰੀਆਂ ਨੂੰ ਲਿਖਿਆ ਹੈ ਪਰ ਸ਼ਿਕਾਇਤਾਂ ਨਹੀਂ ਸੁਣੀਆਂ ਗਈਆਂ। ਕੋਈ ਕਲੋਰੀਨਿਸ਼ਨ ਨਹੀਂ ਕੀਤਾ ਜਾਂਦਾ, ਇਸ ਲਈ ਪਾਣੀ ਖਪਤ ਦੇ ਅਯੋਗ ਹੈ। "7 ਜੂਨ ਨੂੰ ਵੀ ਸਟੇਸ਼ਨ ਦਾ ਟੂਟੀ ਵਾਲਾ ਪਾਣੀ ਸ਼ੁੱਧਤਾ ਟੈਸਟ ਵਿੱਚ ਅਸਫਲ ਹੋ ਗਿਆ  ਸੀ।100 ਮਿਲੀਲੀਟਰ ਪਾਣੀ ਵਿਚ 50 ਬੈਕਟੀਰੀਆ ਮਿਲੇ ਸਨ।

 

27 ਜੁਲਾਈ ਨੂੰ  ਬੂਥ ਨੰਬਰ 3 ਤੋਂ ਪਲੇਟਫਾਰਮ ਨੰਬਰ 1 'ਤੇ ਟੂਟੀ ਦੇ ਪਾਣੀ ਦਾ ਨਵਾਂ ਨਮੂਨਾ ਇਕੱਠਾ ਕੀਤਾ ਗਿਆ ਸੀ। ਇਸ ਪਾਣੀ ਦੀ ਸਪਲਾਈ ਦਾ ਸਰੋਤ ਇਕ ਟਿਊਬਵੈੱਲ ਹੈ ਜਿਸ ਤੋਂ ਪਾਣੀ ਨੂੰ ਟੈਂਕ ਵਿਚ ਭਰਿਆ ਜਾਂਦਾ ਹੈ।

 

ਇੱਕ ਯਾਤਰੀ ਸੰਜੀਵ ਕੁਮਾਰ ਨੇ ਕਿਹਾ, "ਮੈਂ ਹਮੇਸ਼ਾ ਟੂਟੀ ਵਾਲੇ ਪਾਣੀ ਦੀ ਵਰਤੋਂ ਨਾਲੋਂ ਇੱਕ ਮਿਨਰਲ ਵਾਟਰ ਬੋਤਲ ਪਸੰਦ ਕਰਦਾ ਹਾਂ। ਮੇਰੇ ਅਨੁਸਾਰ ਸੁਰੱਖਿਅਤ ਰਹਿਣ ਦਾ ਇਹ ਇਕੋ ਇਕ ਰਸਤਾ ਹੈ। "

 

ਉਪਮਾ ਇਕ ਹੋਰ ਯਾਤਰੀ ਨੇ ਕਿਹਾ, "ਜਦੋਂ ਮੈਂ ਇੱਕ ਟੂਟੀ ਤੋਂ ਆਪਣੀ ਪਾਣੀ ਦੀ ਬੋਤਲ ਭਰੀ ਤਾਂ ਮੈਂ ਇਸ ਵਿੱਚ ਕੁਝ ਛੋਟੇ ਧੂੜ ਵਰਗੇ ਕਣਾਂ ਨੂੰ ਵੇਖਿਆ।"

 

ਜਦੋਂ ਇਹ ਪੁੱਛਿਆ ਗਿਆ ਕਿ ਕੀ ਕਲੋਰੀਨਿਸ਼ਨ ਕੀਤਾ ਗਿਆ ਹੈ ਜਾਂ ਨਹੀਂ ਟਾਂ ਸਫਾਈ ਇੰਸਪੈਕਟਰ ਸੁਨੀਲ ਕੁਮਾਰ ਨੇ ਕਿਹਾ, "ਅਸੀਂ ਪਾਣੀ ਨੂੰ ਕਲੋਰੀਨ ਨਿਯਮਿਤ ਤੌਰ 'ਤੇ ਦਿੰਦੇ ਹਾਂ ਪਰ ਕਦੇ-ਕਦੇ ਜਦੋਂ ਪਾਣੀ ਗੈਰ-ਸੰਚਾਲਿਤ ਪਾਈਪਾਂ ਤੋਂ ਬੂਥਾਂ ਤੱਕ ਮੁਹੱਈਆ ਹੁੰਦਾ ਹੈ ਤਾਂ ਸਮੱਸਿਆ ਖੜ੍ਹੀ ਹੁੰਦੀ ਹੈ।" 

 

 

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title: tap water at the ludhiana station meant for drinking is unsafe for consumption and contains bacteria