ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਘੋਸ਼ਣਾ ਹੋਈ ਪਰ ਰੇਲਵੇ ਟਰੈਕ 'ਤੇ ਨਹੀਂ ਉੱਤਰੀ ਚੰਡੀਗੜ੍ਹ-ਦਿੱਲੀ ਤੇਜ਼ਸ ਐਕਸਪ੍ਰੈਸ

ਤੇਜਸ ਐਕਸਪ੍ਰੈਸ

ਦੋ ਮਹੀਨੇ ਪਹਿਲਾਂ ਰੇਲਵੇ ਵੱਲੋਂ ਦਿੱਲੀ-ਚੰਡੀਗੜ੍ਹ ਰੂਟ 'ਤੇ ਤੇਜ਼ਸ ਐਕਸਪ੍ਰੈਸ ਨੂੰ ਸ਼ਾਮਲ ਕਰਨ ਨਾਲ ਉਤਸ਼ਾਹ ਪੈਦਾ ਹੋਇਆ ਸੀ, ਪਰ ਇਸ ਰੇਲ ਦੀ ਸ਼ੁਰੂਆਤ ਦੀ ਤਾਰੀਖ ਹਾਲੇ ਤੱਕ ਸਾਹਮਣੇ ਨਹੀਂ ਆਈ ਹੈ।

 

ਤੇਜਸ ਐਕਸਪ੍ਰੈਸ ਪਹਿਲਾਂ ਸੁਤੰਤਰਤਾ ਦਿਵਸ ਦੀ ਪੂਰਵ ਸੰਧਿਆ 'ਤੇ ਸ਼ੁਰੂ ਹੋਣ ਦੀ ਸੰਭਾਵਨਾ ਸੀ. 2016 ਵਿੱਚਤੇਜਸ ਐਕਸਪ੍ਰੈਸ ਨੂੰ ਚੰਡੀਗੜ੍ਹ ਅਤੇ ਦਿੱਲੀ ਵਿਚਕਾਰ ਚਲਾਉਣ ਦੀ ਘੋਸ਼ਣਾ ਕੀਤੀ ਗਈ ਸੀ। ਅੰਬਾਲਾ ਦੇ ਡਿਵੀਜ਼ਨਲ ਰੇਲਵੇ ਮੈਨੇਜਰ (ਡੀਆਰਐਮ) ਦਿਨੇਸ਼ ਚੰਦ ਸ਼ਰਮਾ ਨੇ ਕਿਹਾ ਕਿ ਉਹ ਵੀ ਰੇਲ ਗੱਡੀ ਦੇ ਸ਼ੁਰੂ ਹੋਣ ਦੀ ਤਾਰੀਖ ਤੋਂ ਅਣਜਾਣ ਹੈ ਅਤੇ ਇਸ ਬਾਰੇ ਕੋਈ ਸੰਚਾਰ ਨਹੀਂ ਆਇਆ ਹੈ, ਹਾਲਾਂਕਿ ਰੇਲਗੱਡੀ ਲਈ ਸਮਾਂ ਸਾਰਣੀ ਦਾ ਫੈਸਲਾ ਕਰ ਲਿਆ ਗਿਆ ਹੈ।

 

ਇਹ ਪੁੱਛੇ ਜਾਣ 'ਤੇ ਕਿ ਕੀ ਤੇਜ਼ਸ ਐਕਸਪ੍ਰੈਸ ਲਈ ਕੋਈ ਟਰਾਇਲ ਚੱਲ ਰਿਹਾ ਹੈ, ਡੀਆਰਐਮ ਨੇ ਕਿਹਾ ਕਿ ਇਸ ਦੀ ਜ਼ਰੂਰਤ ਨਹੀਂ ਹੈ ਕਿਉਂਕਿ ਇਹ ਰੇਲ ਪਹਿਲਾਂ ਹੀ ਪਰਖੀ ਜਾ ਚੁੱਕੀ ਹੈ ਤੇ ਨਵੇਂ ਕੋਚ ਤਿਆਰ ਹਨ।

 

ਭਾਰਤੀ ਰੇਲ ਦੀ ਸਰਕਾਰੀ ਵੈਬਸਾਈਟ ਦੇ "ਟ੍ਰੇਨਾਂ ਆਨ ਏ ਗਨੈਂਸ" ਸੈਕਸ਼ਨ ਵਿੱਚ ਹਾਈ-ਸਪੀਡ ਰੇਲਗੱਡੀ ਦੇ ਸਮੇਂ ਨੂੰ ਅਪਲੋਡ ਕੀਤਾ ਗਿਆ ਹੈ, ਪਰ ਪੰਨੇ ਦੇ ਅਖੀਰ ਵਿੱਚ ਇਕ ਨੋਟ ਲਿਖਿਆ ਹੋਇਆ ਹੈ "ਤਾਰੀਖ ਬਾਰੇ ਬਾਅਦ ਵਿਚ ਸੂਚਿਤ ਕੀਤਾ ਜਾਵੇਗਾ।"

 

ਵੈੱਬਸਾਈਟ ਦੇ ਮੁਤਾਬਕ ਤੇਜਸ ਐਕਸਪ੍ਰੈਸ ਬੁੱਧਵਾਰ ਨੂੰ ਛੱਡ ਕੇ ਹਫਤੇ ਦੇ ਬਾਕੀ ਸਾਰੇ ਦਿਨ ਚੱਲੇਗੀ।

 

ਸ਼ਤਾਬਦੀ ਤੋਂ 20% ਵੱਧ ਕਿਰਾਇਆ

 

ਵੈੱਬਸਾਈਟ ਅਨੁਸਾਰ ਤੇਜ਼ਸ ਐਕਸਪ੍ਰੈਸ ਦਾ ਕਿਰਾਇਆ ਸ਼ਤਾਬਦੀ ਤੋਂ 20% ਵੱਧ ਹੋਵੇਗਾ। ਹਾਲਾਂਕਿ, ਅੰਦਰੂਨੀ ਸ੍ਰੋਤਾਂ ਨੇ ਸਾਂਝਾ ਕੀਤਾ ਕਿ ਦੇਰੀ ਦਾ ਇੱਕ ਕਾਰਨ ਰਾਜਨੀਤਕ ਦਬਾਅ ਹੈ। ਦਿੱਲੀ-ਲਖਨਊ ਤੇਜਸ ਐਕਸਪ੍ਰੈਸ ਵੀ ਅਜੇ ਤੱਕ ਸ਼ੁਰੂ ਨਹੀਂ ਹੋਈ ਹੈ।

 

ਯਾਤਰਾ ਸਮਾਂ ਘੱਟ

 

ਅਤਿ ਆਧੁਨਿਕ ਸਹੂਲਤਾਂ ਨਾਲ ਲੈਸ 20 ਕੋਚਾਂ ਵਾਲੀ ਤੇਜ਼ਸ ਐਕਸਪ੍ਰੈਸ ਲਗਭਗ 160 ਕਿਲੋਮੀਟਰ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਚੱਲੇਗੀ ਅਤੇ ਸ਼ਤਾਬਦੀ ਰੇਲਗੱਡੀਆਂ ਦੇ ਮੁਕਾਬਲੇ 30 ਮਿੰਟ ਪਹਿਲਾ ਯਾਨਿ ਕਿ ਸਿਰਫ ਤਿੰਨ ਘੰਟਿਆਂ ਵਿੱਚ ਦੂਰੀ ਤੈਅ ਕਰੇਗੀ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Tejas Express on the Delhi-Chandigarh route launch date is yet to be notified