ਅਗਲੀ ਕਹਾਣੀ

class="fa fa-bell">ਬ੍ਰੇਕਿੰਗ:

ਹਰਵਿੰਦਰ ਸਿੰਘ ਧੰਜੂ ਨੇ ਜਿੱਤਿਆ ਏਸ਼ੀਆਈ ਪੈਰਾ ਖੇਡਾਂ `ਚ ‘ਗੋਲਡ ਮੈਡਲ’

1 / 2ਤੀਰਅੰਦਾਜ਼ ਹਰਵਿੰਦਰ ਸਿੰਘ ਧੰਜੂ ਨੇ ਜਿੱਤਿਆ ਏਸ਼ੀਆਈ ਪੈਰਾ ਖੇਡਾਂ `ਚ ‘ਗੋਲਡ ਮੈਡਲ’

2 / 2ਹਰਵਿੰਦਰ ਸਿੰਘ ਧੰਜੂ ਨੇ ਜਿੱਤਿਆ ਏਸ਼ੀਆਈ ਪੈਰਾ ਖੇਡਾਂ `ਚ ‘ਗੋਲਡ ਮੈਡਲ’

PreviousNext

ਤੀਰਅੰਦਾਜ਼ ਹਰਵਿੰਦਰ ਸਿੰਘ ਨੇ ਬੁੱਧਵਾਰ ਨੂੰ ਇੱਥੇ ਏਸ਼ੀਆਈ ਪੈਰਾ ਖੇਡਾਂ ਦੀ ਪੁਰਸ਼ ਨਿੱਜੀ ਰਿਕਰਵ ਮੁਕਾਬਲੇ `ਚ ਗੋਲਡ ਮੈਡਲ ਜਿੱਤਿਆ ਜਦਕਿ ਟ੍ਰੈਕ ਐਂਡ ਫੀਲਡ ਖਿਡਾਰੀ ਇਕ ਚਾਂਦੀ ਅਤੇ ਇਕ ਕਾਂਸੀ ਤਮਗਾ ਜਿੱਤਣ `ਚ ਸਫਲ ਰਹੇ। ਮੋਨੂ ਘੰਗਾਸ ਨੇ ਪੁਰਸ਼ ਸ਼ਾਟ ਪੁੱਟ ਐੱਫ 11 ਵਰਗ `ਚ ਚਾਂਦੀ ਦਾ ਤਮਗਾ ਜਿੱਤਿਆ ਜਦਕਿ ਮੁਹੰਮਦ ਯਾਸਿਰ ਨੇ ਪੁਰਸ਼ ਸ਼ਾਟ ਪੁੱਟ ਐੱਫ 46 ਵਰਗ `ਚ ਕਾਂਸੀ ਤਮਗਾ ਹਾਸਲ ਕੀਤਾ।

 

 


ਹਰਵਿੰਦਰ ਨੇ ਡਬਲਿਊ 2/ਐੱਸ.ਟੀ. ਵਰਗ ਦੇ ਫਾਈਨਲ `ਚ ਚੀਨ ਦੇ ਝਾਓ ਲਿਸ਼ਿਊ ਨੂੰ 6-0 ਨਾਲ ਹਰਾ ਕੇ ਖਿਤਾਬ ਆਪਣੇ ਨਾਂ ਕਰਦੇ ਹੋਏ ਭਾਰਤ ਦੇ ਸੋਨ ਤਮਗਿਆਂ ਦੀ ਗਿਣਤੀ ਨੂੰ 7 ਤੱਕ ਪਹੁੰਚਾਇਆ।

 

 

ਡਬਲਿਊ 2 ਵਰਗ `ਚ ਅਜਿਹੇ ਖਿਡਾਰੀ ਹੁੰਦੇ ਹਨ ਜੋ ਅਧਰੰਗ ਜਾਂ ਗੋਡੇ ਦੇ ਹੇਠਾਂ ਦੋਵੇਂ ਪੈਰ ਕਟੇ ਹੋਣ ਕਾਰਨ ਖੜੇ ਨਹੀਂ ਹੋ ਸਕਦੇ ਅਤੇ ਉਨ੍ਹਾਂ ਨੂੰ ਵ੍ਹੀਲਚੇਅਰ ਦੀ ਲੋੜ ਪੈਂਦੀ ਹੈ। ਐੱਸ.ਟੀ. ਵਰਗ ਦੇ ਤੀਰਅੰਦਾਜ਼ `ਚ ਤੈਅਸ਼ੁਦਾ ਦਿਵਿਆਂਗਤਾ ਹੁੰਦੀ ਹੈ ਅਤੇ ਉਹ ਵ੍ਹੀਲਚੇਅਰ ਦੇ ਬਿਨਾ ਵੀ ਨਿਸ਼ਾਨਾ ਲਗਾ ਸਕਦੇ ਹਨ। ਟ੍ਰੈਕ ਐਂਡ ਫੀਲਡ `ਚ ਮੋਨੂ ਨੇ ਆਪਣੀ ਤੀਜੀ ਕੋਸ਼ਿਸ `ਚ 35.89 ਮੀਟਰ ਦੀ ਦੂਰੀ ਤੱਕ ਸ਼ਾਟ ਪੁੱਟ ਸੁੱਟ ਕੇ ਚਾਂਦੀ ਦਾ ਤਮਗਾ ਹਾਸਲ ਕੀਤਾ।

 

 

 

ਈਰਾਨ ਦੇ ਓਲਾਦ ਮਾਹਦੀ ਨੇ 42.37 ਮੀਟਰ ਦੇ ਨਵੇਂ ਰਿਕਾਰਡ ਦੇ ਨਾਲ ਸੋਨ ਤਮਗਾ ਜਿੱਤਿਆ। ਸ਼ਾਟ ਪੁੱਟ `ਚ ਯਾਸਿਰ ਨੇ 14.22 ਮੀਟਰ ਦੀ ਕੋਸ਼ਿਸ `ਚ ਕਾਂਸੀ ਤਮਗਾ ਜਿੱਤਿਆ। ਚੀਨ ਦੇ ਵੇਈ ਐਨਲੋਂਗ (15.67 ਮੀਟਰ) ਨੇ ਖੇਡਾਂ ਦੇ ਨਵੇਂ ਰਿਕਾਰਡ ਦੇ ਨਾਲ ਸੋਨ ਤਮਗਾ ਜਦਕਿ ਕਜ਼ਾਖਸਤਾਨ ਦੇ ਮਾਨਸੁਰਬਾਯੇਬ ਰਾਵਿਲ (14.66 ਮੀਟਰ) ਨੇ ਚਾਂਦੀ ਦਾ ਤਮਗਾ ਜਿੱਤਿਆ।

  • Punjabi News ਨਾਲ ਜੁੜੀਆਂ ਹੋਈਆਂ ਹੋਰ ਖ਼ਬਰਾਂ ਦੀ ਜਾਣਕਾਰੀ ਲਈ ਸਾਡੇ ਨਾਲ ਅਤੇ ਤੇ ਜੁੜੋ.
  • Web Title:Archer medalist won the Gold Medal in Asian Para Games